ЕААи НАТОи Афганисҭанынтә ар алыргоит

16
Уаанӡа Аҩны шкәакәа аҳәамҭа ҟанаҵахьан америкатәи ар ралгара мҩаԥысуиет лаҵара-цәыббар амзақәа рзы ҳәа.

АҞӘА, мшаԥы 26 - Sputnik. ЕААи НАТОи Афганисҭанынтә ар алырго иалагеит ҳәа аанацҳауеит РИА Новости аконтингент акомандаҟаҵаҩ, аинрал Скотт Миллер иажәақәа шьаҭас иганы.

Иара иҳәеит мраҭашәаратәи аруаа рбазақәа Афганисҭан амчрақәа ирырҭоит ҳәа. Ар алыргалоит лаҵара 1 инаркны цәыббра 11 рҟынӡа. Ари аус  Вашингтони иара аполитикатә партнерцәеи еицымҩаԥыргоит.

2020 шықәсазы Катаре ЕААи афгантәи арадикалтә гәыԥ "Талибани" рнапы аҵарҩит аҭынчраз аиқәшаҳаҭра. Уи иазԥхьагәанаҭоит аҳәаанырцә ар Афганисҭан 14 мзы рыҩныҵҟа алгара, афганбжьаратә диалог амҩаԥгара, атҟәацәа реимдара.

Асовет ар Афганисҭан иаларгалеит 1979 шықәса ԥхынҷкәын 25 рзы, иалыргеит 1989 шықәса жәабран 15 рзы. Арҭ ашықәсқәа ирылагӡаны Афганисҭан аибашьра иалахәын 650 нызқьҩык асовет ар рконтингент, 200 000-ҩык СССР атәылауаа. Иҭахеит 15051-ҩык.

16

Путин ҩ-тәылауаҩрак аиуразы Аахыҵ Уаԥстәылеи Урыстәылеи рыбжьара аусԥҟа дақәшаҳаҭхеит

0
Урыстәыла адәныҟатәи аусқәа рминистрра анапы ианҵоуп Урыстәылатәи Афедерациа ахьӡала аиқәшаҳаҭра анапаҵаҩра.

АҞӘА, нанҳәа 5 - Sputnik. Урыстәыла ахада Владимир Путин ҩ-тәылауаҩрак аиуразы Аахыҵ Уаԥстәылеи Урыстәылеи рыбжьара аиқәшаҳаҭра дақәшаҳаҭхеит, абри азы аусԥҟа кьыԥхьуп азинтә информациа аофициалтә интернет-портал аҿы.

"Урыстәыла адәныҟатәи аусқәа рминистрра афедералтә анагӡаратә мчрақәа рақәшаҳаҭрала ҩ-тәылауаҩрак аиуразы Аахыҵ Уаԥстәылеи Урыстәылеи рыбжьара аиқәшаҳаҭра анапаҵаҩраз иҟанаҵаз ажәадгала адкылазааит. Аахыҵ Уаԥстәыла уаанӡа аус зыднауылахьаз аиқәшаҳаҭра апроект адгылара ҟаҵо, Урыстәыла адәныҟатәи аусқәа рминистрра аԥсахрақәа ралагаларазы азин аҭазааит", - аҳәоит адырраҭараҿы.

Аиқәшаҳаҭра актәи ахәҭаҷ ала "Аганқәа руак атәылауаа ирымоу атәылауаҩра мап ацәымккәа егьи Аган атәылауаҩра аархәар рылшоит".

Аиқәшаҳаҭра ахәбатәи ахәҭаҷ ала ҩ-тәылауаҩрак змоу ахаҿқәа аррамаҵзура иахысуеит иахьынхо аҭыԥ аҿы. Уи адагьы ганк аҿы аррамаҵзура иахысыз, егьи аган аҿы арранаԥхьара даҵанакуам.

Аԥсни Урыстәылеи ҩ-тәылауаҩрак аиуразы аиқәшаҳаҭра рнапы аҵарҩит 2002 шықәсазы. 2008 шықәсазы, Урыстәыла Аԥсны аназханаҵа ашьҭахь ари аус аанкылан.

0

WhatsApp афункциа ҿыц аусура иалагоит

5
(ирҿыцуп 10:10 05.08.2021)
Аопциа ҿыц асмартфонқәа рҿы ахархәара алшо иҟалоит WhatsApp амессенџьер шааиҭарыцхалак.

АҞӘА, нанҳәа 5 - Sputnik. WhatsApp зҽызҵәахуа афотоқәеи авидеоқәеи рынашьҭра афункциа аартхоит ҳәа рҳәеит аилахәыра ахаҭарнакцәа.

Ахархәаҩцәа рфотосахьақәеи авидеоқәеи рышьҭлар алшоит аопциа "Знык ахәаԥшра" ацхыраарала. Афотосахьақәеи авидеоқәеи знык урыхәаԥшуеит нас ианыҵуеит.

Ари аҩыза афункциа аус ауеит Instagram аҿы: изауа акнопка дақәыӷәӷәоит, асахьа ма авидео ибоит, уи анаҩс урҭ ықәҵуеит.

WhatsApp аҿы ирҳәом ари ишаанамго изауыз скринрекордер ала аҭаҩра илшом ҳәа.

5