Лавров: Урыстәыла иаҩызам ҳәа иаԥхьаӡо атәылақәа рсиа лассы ицәырнагоит

11
(ирҿыцуп 12:19 28.04.2021)
МИА "Россия сегодня" адиректор хада Дмитри Киселиов РИА Новости аҿы диҿцәажәеит Урыстәыла адәныҟатәи аусқәа рминистр Сергеи Лавров.

АҞӘА, мшаԥы 28 - Sputnik. Владимир Путин инапынҵала Урыстәыла аиҳабыра иаҳҩызам ҳәа иаҳԥхьаӡо атәылақәа рсиа ашьақәыргылара иаҿуп иҳәеит РИА Новости аинтервиу азҭаз Урыстәыла адәныҟатәи аусқәа рминистр Сергеи Лавров.

"Ари асиа аус адулара иаҿуп аиҳабыра рҿы. Ҳаргьы ари аусура ҳалахәуп. Иалахәуп иара убасгьы егьырҭ еиуеиԥшым аусбарҭақәа. Сара уажәы исҭахым аус саԥыҩланы акы аҳәара: ҳара иаҳҭахым ҳхы иааҭашәаны, ԥаса зны Урыстәылаз иакәымк зҳәаз тәылак уи асиахь аҵаркра. Ҳара ҳаӡбарақәа шьаҭас ирымазароуп анализ ҵаула. Ҳазхәыцроуп высшьа змоуи измами. Ԥсыхәа змам аизыҟазаашьақәа раан ари асиа ахарҭәаара ауеит. Адокумент, ҳәарада иҟалар зылшо аизыҟазаашьақәеи аҭагылазаашьақәеи ирхьырԥшны еиҭаҳклоит", - иҳәеит Лавров.

Киселиов изҵаара ианбазалшо ари асиа абара ҳәа ииҳәаз аҭакс Сергеи Лавров иазгәеиҭеит уи хара имгакәа ишцәыргахо.

"Сгәы иаанагоит хара имгакәа абара алшоит ҳәа. Аиҳабыра анапынҵа ҷыдақәа рыҭоуп. Аилкаара иаша рымоуп ари аус аҿы инапхгаганы иаабо акритериқәа", - инаҵишьит Урыстәыла адәныҟатәи аусқәа рминистр.

Иара убасгьы иара иазгәеиҭеит ирҩызам ҳәа иршьо аҳәынҭқаррақәа рҿы аҭыԥантәи аперсонал рыдкылара азин шырмоуа. Иарбанызаалак ахатәхаҿқәа – урыстәылатәқәоума, иҳәаанырцәтәқәоума рыдыркылалар алшом.

Аинтервиу зегьы шәаԥхьар ҟалоит абра>> Лавров: войны в Донбассе можно и нужно избежать

Иара убас шәаԥхьар ҟалоит:

11

WhatsApp афункциа ҿыц аусура иалагоит

3
(ирҿыцуп 10:10 05.08.2021)
Аопциа ҿыц асмартфонқәа рҿы ахархәара алшо иҟалоит WhatsApp амессенџьер шааиҭарыцхалак.

АҞӘА, нанҳәа 5 - Sputnik. WhatsApp зҽызҵәахуа афотоқәеи авидеоқәеи рынашьҭра афункциа аартхоит ҳәа рҳәеит аилахәыра ахаҭарнакцәа.

Ахархәаҩцәа рфотосахьақәеи авидеоқәеи рышьҭлар алшоит аопциа "Знык ахәаԥшра" ацхыраарала. Афотосахьақәеи авидеоқәеи знык урыхәаԥшуеит нас ианыҵуеит.

Ари аҩыза афункциа аус ауеит Instagram аҿы: изауа акнопка дақәыӷәӷәоит, асахьа ма авидео ибоит, уи анаҩс урҭ ықәҵуеит.

WhatsApp аҿы ирҳәом ари ишаанамго изауыз скринрекордер ала аҭаҩра илшом ҳәа.

3

Урыстәылауаа ПЦР-тестқәа рыда ԥсшьара ицар ахьауа атәылақәа еилкаахеит

7
(ирҿыцуп 16:54 04.08.2021)
Урыстәылауаа ПЦР-тестқәа рыда ԥсшьара ицар ахьауа рахь иаҵанакуеит Урыстәыла ақалақьқәак реиԥш аҳәаанырцәтәи атәылақәагьы.

АҞӘА, нанҳәа 4 - Sputnik. Нанҳәамзазы урыстәылатәи атуристцәа ПЦР-тестқәеи, алаҵа шрымоу азы асертификатқәеи рыда урыстәылатәи акурортқәа реиԥш аҳәаанырцә тәылақәа рахьгьы ицар алшоит, абри атәы аанацҳауеит РИА Новости.

Зегь раасҭа аҭахра рымоуп  Аԥсны, Албаниа ҳәа аҳәоит амаҵзура TUI Россия.

"Аԥсны аԥсшьараз атуристцәа Шәачанӡа иааиуеит, заа рынхарҭа ҿарҵар рылшоит. Албаниаҟа аҳҭнықалақь Тирану аҳаирбаӷәазахь "Уральские авиалинии" аҳаирпланқәа ишиашоу иԥроит Москвантә, Самарантә, Екатеринбургнтә", -  азгәанаҭоит TUI Россия.

2019 шықәса аахыс раԥхьаӡа Албаниа аҭаара маншәалахеит Москвантә Тирануҟа ачартертә реисқәа аныбжьала.

Иҟоуп еиҭа атәылақәа Черногориеи Доминиканеи реиԥш ПЦР-тест ада уздызкыло, аха арҭ атәылақәеи Урыстәылеи ишиашоу аҳаиртә еимадара рыбжьам.

"ПЦР-тестқәа рыда уздызкыло атәылақәа иреиуоуп иара убасгьы Мексикеи Египети", - рҳәоит  Anex Tour апресс-маҵзураҿы.

Аилахәыраҿ ирҳәеит нанҳәамзазы ҩыџьа Мексика рыԥсшьара бжьаха-бжьымш рыҩныҵҟа 161,3 нызқь шаго, Египт - 107 000.

"Урыстәыла аҩныҵҟа, иаҳҳәап Калининград, ҩыџьа иара абри аамҭазы иршәароуп 58,4 нызқь мааҭ", - азгәанаҭоит  Anex Tour.

Атуроператорцәа иазгәарҭоит, Краснодартәи атәылаҿацә нанҳәа 1 аахыс иалагалоу аԥҟара ҿыцқәа ирхырҟьаны, нанҳәа-цәыббра азы Аԥсны, Ҟрым, Ҭырқәтәыла рахь аԥсшьаҩцәа рцара еизҳар шауа.

7

Шьынқәырԥҳа Аԥсны ацитрус ԥырхага азҭо ахәаҷа азы: даара иамҽхакны иҟоуп

0
Ацитрус иаԥырхаго аԥарԥалыкь ықәызго абжы криптоламус ахархәара атәы арадио Sputnik аефир аҿы еиҭалҳәеит Аҵиаақәа рзы акарантинтә хылаԥшра асанитартә лабораториа аиҳабы Маиа Шьынқәырԥҳа.
Шьынқәырԥҳа Аԥсны ацитрус ԥырхага азҭо ахәаҷа азы: даара иамҽхакны иҟоуп

"Шерстистаиа белокрылка ҳәа изышьҭоу ԥшьышықәса раахыс иазгәаҭан иҳамоyп Аԥсны. Еиҳарак иахьаабо ацитрус аҟноуп, даара аҽамхакны иҟоуп. Ари хәаҷа ҿыцуп. Аҭагылазаашьа ас ианыҟала, ааигәа аинспекциаҿы иҟаз аиԥылараҟны иазыӡбан ахәаҷа зшьуа ахимметод ада, абиометод ахархәара. Абжы криптоламус, уи аԥырԥалыкь иаԥырхагоуп, ус азгәарҭеит аиԥылараҿы аекспертцәа. Макьана иҳазҳәом уи иахәоит ҳәа, аха иалагалазар, ахы шымҩаԥнаго аабарын. 500 цыра аԥсабарахь аушьҭра азгәаҭоуп. Ҳара урҭ аԥсабара ԥырхага анаҭом ҳәа азыҳаԥхьаӡоит", - еиҭалҳәеит Шьынқәырԥҳа.

Инеиҵыху аиҿцәажәара шәазыӡырҩыр шәылшоит аудиофаил аҿы.

0