Лавров Донбасс Аԥсни Аахыҵ Уаԥстәылеи излареиԥшым далацәажәеит

18
(ирҿыцуп 14:29 28.04.2021)
Урыстәыла Адәныҟатәи аусқәа рминистр Сергеи Лавров МИА "Россия сегодня" аиҳабы Дмитри Киселиов аинтервиу РИА Новости аҿы ианииҭоз, далацәажәеит Донбасс иҟоу аҭагылазаашьа Аԥсни Аахыҵ Уаԥстәылеи рҭагылазаашьа излареиԥшым.

АҞӘА, мшаԥы 28 - Sputnik. Аԥсни Аахыҵ Уаԥстәылеи излареиԥшу ыҟоуп, аха иҟоуп звысра алымшо аиԥшымзаарақәагьы ҳәа иҳәеит Урыстәыла адәныҟатәи аусқәа рминистр Сергеи Лавров, РИА Новости аинтервиу аҭо.

"Саакашвили Цхинвал ақалақьи аҭынчреиҿкааҩцәа рыри данрыжәлоз Минсктәи аиқәшаҳаҭрақәа реиԥш зеиԥшу уснагӡатә рыдкыламызт. Қырҭтәыла анапы зҵанамҩыз, ус излацәажәаз, имҩаԥгазарц ахәҭаны иԥхьаӡаз ашьаҿақәа зныԥшуаз адокумент "Медведев-Саркози" акәын иҟаз", - ҳәа иҳәеит Лавров.

Иара иажәақәа рыла, "Саркози, ара Москва, ҳара данҳаҿцәажәа ашьҭахь Қарҭҟа дыԥрит адокумент Саакашвили иганахьалагьы адгылара аиура аиҿкааразы.

"Саакашвили адокумент инапы аҵеиҩит, аха убри аан ихадаз апунктқәа иҵәаӷәеит. Саркози ари компромиссуп ҳәа агәра ҳиргарц иҽазишәеит, аха иҟаз зегьы еилыркаауан. Адокумент апреамбула – Урыстәылатәи Афедерациеи Франциатәи Ареспубликеи Аахыҵ Кавказ аҭагылазаашьа аҭышәныртәалара рҭахны Қырҭтәылеи, Аԥсни, Аахыҵ Уаԥстәылеи ирыдыргалоит: аибашьра аанкылара – ҳәа иалагон. Саакашвили ари иҵәаӷәеит, "аибашьра аанкылара" ҳәа апункт заҵә арбаны", - ҳәа иҳәеит Лавров.

"Донбасстәи аҭагылазаашьа уалацәажәозар, уа зынӡа даҽакала иҟан. Минск 17 сааҭ имҩаԥысуаз "нормандиатәи аформат" алахәылацәа – Франциа ахада Франсуа Олланд, ФРГ аканцлер Ангела Меркель, Украина ахада Пиотр Порошенко, Урыстәыла ахада Владимир Путин реицәажәара алҵшәа аиуит. Ҩымш рыҩнуҵҟа ООН Ашәарҭадаратә хеилак аҿы ирыдыркылеит иара анагӡаразы гәыҩбарак аамырԥшыкәа", - ҳәа иҳәеит иара.

Сергеи Лавров иинтервиу зегьы шәаԥхьар ҟалоит абра>>

18

WhatsApp афункциа ҿыц аусура иалагоит

0
(ирҿыцуп 10:10 05.08.2021)
Аопциа ҿыц асмартфонқәа рҿы ахархәара алшо иҟалоит WhatsApp амессенџьер шааиҭарыцхалак.

АҞӘА, нанҳәа 5 - Sputnik. WhatsApp зҽызҵәахуа афотоқәеи авидеоқәеи рынашьҭра афункциа аартхоит ҳәа рҳәеит аилахәыра ахаҭарнакцәа.

Ахархәаҩцәа рфотосахьақәеи авидеоқәеи рышьҭлар алшоит аопциа "Знык ахәаԥшра" ацхыраарала. Афотосахьақәеи авидеоқәеи знык урыхәаԥшуеит нас ианыҵуеит.

Ари аҩыза афункциа аус ауеит Instagram аҿы: изауа акнопка дақәыӷәӷәоит, асахьа ма авидео ибоит, уи анаҩс урҭ ықәҵуеит.

WhatsApp аҿы ирҳәом ари ишаанамго изауыз скринрекордер ала аҭаҩра илшом ҳәа.

0

Урыстәылауаа ПЦР-тестқәа рыда ԥсшьара ицар ахьауа атәылақәа еилкаахеит

7
(ирҿыцуп 16:54 04.08.2021)
Урыстәылауаа ПЦР-тестқәа рыда ԥсшьара ицар ахьауа рахь иаҵанакуеит Урыстәыла ақалақьқәак реиԥш аҳәаанырцәтәи атәылақәагьы.

АҞӘА, нанҳәа 4 - Sputnik. Нанҳәамзазы урыстәылатәи атуристцәа ПЦР-тестқәеи, алаҵа шрымоу азы асертификатқәеи рыда урыстәылатәи акурортқәа реиԥш аҳәаанырцә тәылақәа рахьгьы ицар алшоит, абри атәы аанацҳауеит РИА Новости.

Зегь раасҭа аҭахра рымоуп  Аԥсны, Албаниа ҳәа аҳәоит амаҵзура TUI Россия.

"Аԥсны аԥсшьараз атуристцәа Шәачанӡа иааиуеит, заа рынхарҭа ҿарҵар рылшоит. Албаниаҟа аҳҭнықалақь Тирану аҳаирбаӷәазахь "Уральские авиалинии" аҳаирпланқәа ишиашоу иԥроит Москвантә, Самарантә, Екатеринбургнтә", -  азгәанаҭоит TUI Россия.

2019 шықәса аахыс раԥхьаӡа Албаниа аҭаара маншәалахеит Москвантә Тирануҟа ачартертә реисқәа аныбжьала.

Иҟоуп еиҭа атәылақәа Черногориеи Доминиканеи реиԥш ПЦР-тест ада уздызкыло, аха арҭ атәылақәеи Урыстәылеи ишиашоу аҳаиртә еимадара рыбжьам.

"ПЦР-тестқәа рыда уздызкыло атәылақәа иреиуоуп иара убасгьы Мексикеи Египети", - рҳәоит  Anex Tour апресс-маҵзураҿы.

Аилахәыраҿ ирҳәеит нанҳәамзазы ҩыџьа Мексика рыԥсшьара бжьаха-бжьымш рыҩныҵҟа 161,3 нызқь шаго, Египт - 107 000.

"Урыстәыла аҩныҵҟа, иаҳҳәап Калининград, ҩыџьа иара абри аамҭазы иршәароуп 58,4 нызқь мааҭ", - азгәанаҭоит  Anex Tour.

Атуроператорцәа иазгәарҭоит, Краснодартәи атәылаҿацә нанҳәа 1 аахыс иалагалоу аԥҟара ҿыцқәа ирхырҟьаны, нанҳәа-цәыббра азы Аԥсны, Ҟрым, Ҭырқәтәыла рахь аԥсшьаҩцәа рцара еизҳар шауа.

7