Зарубежные страны. Чехия

Лавров Врбетице иҟаз аԥжәарақәа рзы Чехиа аиҳабыра рҳәамҭа шизофрениоуп ҳәа ахиҳәааит

10
Чехиатәи ақалақь Врбетице аҿы иҟалаз аԥжәарақәа Урыстәыла рнапы алаҟьашьуп ҳәа уи атәыла аиҳабыра иҟарҵаз аҳәамҭақәа шизоферниоуп ҳәа рхиҳәааит Урыстәыла адәныҟатәи аусқәа рминистр Сергеи Лавров, РИА Новости аинтервиу анеиҭоз.

АҞӘА, мшаԥы 28 - Sputnik. Урыстәыла адәныҟатәи аусқәа рминистр Сергеи Лавров РИА Новости аинтервиу аҭо Врбетице иҟаз аԥжәарақәа рзы Чехиа аиҳабыреи ахада Милош Земани рҳәамҭа шизофрениоуп ҳәа ахиҳәааит.

"Сара ари азҵаара алацәажәарагьы сҭахым, избанзар исзеилкаауам, схы иԥнаҟом ирҭахыз. Сериал бааԥсык уахәаԥшуашәа угәы ҟалоит, ирҳәо ануаҳауа. Ари аҭоурых аҿы ашизофрениа ҵаулаӡаны аҭыԥ амоуп", - ҳәа иҳәоит Лавров.

Атәыла ахада Земан аус ҭҵаатәуп аниҳәо, аҳәаанырцәтә агентцәақәак рҟынтә адиверсиа аҭыԥ амазар шауа мап ацәикуам ҳәа иҳәоит аминистр.

"Аха иара 2014 шықәса рзы абри абџьарҵәахырҭаҿы аусзуҩцәа инықәрыҩрны рхы мҩаԥыргоит ҳәа уажәтәи Чехиа аԥыза-министр Бабиш зхадараҿы дыҟоу аиҳабыра ирыларҳәаз ахҭыс аверсиагьы азхьаԥшра аҭахуп ҳәа ишьоит. Земан арҭ ашықәсқәа зегьы ирзаҿаԥымҽыз аверсиагьы шәазхьаԥш ҳәа азгәеиҭоит ауп. Уажәы иара аԥсадгьыл аԥсахыҩ ҳәа изырҳәоит. Апарламент ахада иҳәеит аверсиақәа зегьы азгәаҭатәуп ҳәа ҳәо Земан аҳәынҭқарратә маӡа ааиртит ҳәа", - иҳәеит Лавров.

"Абри акәӡами шизофрениа захьӡу? ", - иҳәеит аминистр.

Врбетице иҟалаз ахҭыс

Земан мшаԥы 25 рзы Врбетице иҟалаз ахҭыс иадҳәаланы дықәгылеит. Атәылауаа рахь авидеоааԥхьараҿы иҳәеит аусҭҵаара ишаҿу, ишыҟоу аверсиақәа ҩба – аҵәахырҭа аусзуҩцәа иазҟазамкәа рхымҩаԥгашьеи аҳәаанырцә маҵзура ахаҭарнакцәа аԥжәара мҩаԥыргеит ҳәеи. Убри аан иҳәеит аусҭҵаара алкаақәа ирзыԥштәуп ҳәа. Земан иҳәеит урыстәылатәи агентцәа аԥжәара иалахәуп ҳәа шьақәырӷәӷәахар Урыстәыла ахәԥса ақәҵахоит ҳәа.

Аԥыза-министр Андреи Бабиш мшаԥы 17 рзы иҳәеит Врбетицатәи ахҭыс Урыстәылатәи амаҵзурақәа алахәуп ҳәа агәаанагара шрымоу Чехиа аиҳабыра. Кремль ари иҵаҵӷәыдоу цәажәароуп ҳәа ахнаҳәааит. Убри аан Чехиантәи 18 дипломат ықәырцеит, Москва персона нон грата ҳәа 20-ҩык Чехиа Ацҳаражәҳәарҭа аусзуҩцәа атәыла иалнацеит.

Чехиа адәныҟатәи аусқәа рминистр Иакуб Кулганек адипломатцәа шәырхынҳәыроуп ҳәа адҵа ҟаиҵеит. Уи аҭак аныҟамла Прага Урыстәыла Ацҳаражәҳәарҭа аилазаара ркьаҿтәуп ҳәа иқәгылеит.

Сергеи Лавров РИА Новости иеиҭаз аинтервиу ду урысшәала шәаԥхьар ҟалоит абра>>

10

Америкатәи АИХқәа Урыстәылеи Америкеи Амшын еиқәаҿы реиҿанагалара асценари иахцәажәеит

4
Асценари авторцәа алкаақәа ҟарҵеит атәылақәа рыҩба рымшынтә армчқәа бџьарла реиҿкаашьа анализ аназыру ашьҭахь.

АҞӘА, лаҵара 11 – Sputnik. Америкатәи ажурнал "The National Interest" аматериалқәа руак аҿы аимак аҭыԥ аиур аԥыжәара згар алшо ҳәа ахцәажәара мҩаԥнагеит. Абир атәы аҩуеит РИА Новости.

Аматериал автор, ажурналист, Пентагон уаанӡатәи аусзуҩ Крис Осборн игәаанагарала Урыстәыла еиҳа иӷәӷәоу ганны иамоуп амшынаҵатә флот.

"Урыстәылатәи амшынаҵатәи аӷбақәа Амшын еиқәаҿы ЕАА арратә ӷбақәа рынеиҭаҵ-ааиҭаҵра акыр иԥыркуеит", - ҳәа иҳәоит иара.

Автор иара убасгьы иҳәоит иаартны аиҿагылара аҭыԥ аиур, Урыстәыла аӷбақәа, зҟынтә авертолиотқәеи аԥырҩы дызҭам аԥрыгақәеи шьҭыԥраар рылшо, рхыԥхьаӡара маҷны иахьрымоу азы еихәлахар алшоит ҳәа.

Аха иҟалар зылшо аимак аилгараз аӷбақәа рыҟазаара аасҭа изхьыԥшуа абџьартә борттә системақәа рхысра ахьалшо, амшынтә дронқәа, аӷбатә радарқәа ахьыҟоу уҳәа роуп ихадараны иҟоу ҳәа иҳәоит ажурналист.

Уаанӡа ЕАА арра-мшынтә мчрақәа радмирал Џьеимс Ставридис иазгәеиҭахьан Урыстәылеи Украинеи реибарххара ҵархар, аиҿагылара раԥхьа иргыланы Амшын еиқәа акваториаҿы акәхоит иахьыҟало ҳәа. Ставридис иҳәеит Москва хымԥада аиааира агоит, избанзар НАТО аӷбақәа арегион ахь анеира иахьӡом ҳәа.

4

Казантәи ахҭысқәа раан иҭахаз рхыԥхьаӡара шьақәыргылоуп

5
(ирҿыцуп 17:39 11.05.2021)
Аҵаратә усҳәарҭаҿы ахысра ҟаиҵеит 19 шықәса зхыҵуаз аколлеџь астудент. Ишьақәыргылоуп иара цәыббрамза аахыс аҵаратә процесс шыбжьаижьуаз, мшаԥымзаахыс зынӡа уахь анеира дшаҟәыҵыз.

АҞӘА, лаҵара 11 - Sputnik. Ҭаҭарсҭан ахада Русҭам Минниханов аҳәамҭа ҟаиҵеит иҭахаз рхыԥхьаӡара жәҩык ыҟоуп ҳәа. Абри атәы аанацҳауеит РИА Новости.

"Аабатәи акласс аҵаҩцәа, ԥшьҩык аҷкәынцәеи хҩык аӡӷабцәеи ҳацәҭахеит. Иҳацәҭахеит арҵаҩы, ашкол аусзуҩ", – ахада иажәақәа еиҭанаҳәоит апресс-маҵзура.

Минниханов иажәақәа рыла, 18-ҩык аҵаҩцәа ахәыҷтәы клиникатә хәышәтәырҭахь инагоуп. Иҟоуп ахәрақәа змоу, аԥҵәарақәа змоу. Аҳақьымцәа урҭ рыԥсҭазааразы ақәԥара иаҿуп.

Ахәышәтәырҭахь инагоуп иара убасгьы ахәрақәа змоу ҩыџьа адуцәа.

Ҭаҭарсҭан ахада ипресс-маҵзура анапхгаҩы уаанӡа аҳәамҭа ҟалҵахьан ааха зауз 200 - 400 нызқьмааҭ рыҭахоит, иҭахаз рҭаацәа миллионк-миллионк рызшәахоит ҳәа.

Лаҵара 11 рзы 19 шықәса зхыҵуаз астудент Казантәи ашкол № 175 ахысра далагеит. Иара даанкылоуп. Абџьар ихьӡала иҭаҩын. Уажәы абри аганахь ала ашьаус хацыркуп. Уаҵәы ареспубликаҿы алахьеиқәҵара иамшны ирылаҳәоуп.

Урыстәыла ахада Владимир Путин Росгвардиа анапхгара адҵа риҭеит абџьар аикәыршаразы аԥҟара дырӷәӷәарц.

5

Урыстәылатәи адукат Ахра Аҩӡба изинқәа ихьчалоит

2
(ирҿыцуп 14:12 12.05.2021)
Гәылрыԥшьтәи араионтә ӡбарҭаҿы лаҵара 12 рзы иаатит Ахра Аҩӡбеи дзыхьчоз ԥшьҩыки рганахь ала аӡбаҩцәа реилатәара.

АҞӘА, лаҵара 12 - Sputnik, Асмаҭ Ҵәыџьԥҳа. Гәылрыԥшьтәи араионтә ӡбарҭа аӡбаҩ Игор Агәмаа Ахра Аҩӡба иҳәарала аус аҽа хьчаҩык иадгалара дақәшаҳаҭхеит.

Уаанӡа Ахра Аҩӡба иус ахәаԥшра урыстәылатәи адукат Сергеи Белиак иалахәхаразы азыҳәа ҟаиҵеит. Аӡбамҭа адкыларазы аӡбаҩцәа аилацәажәаратә уадахь инеиит.

Уаанӡа Ахра Аҩӡба иинтересқәа лыхьчон адукат Инга Габилаиаԥҳа.

Гәылрыԥшьтәи араионтә ӡбарҭаҿы Ахра Аҩӡбеи иара идгылаҩцәеи рус азы аилатәара хацдыркит. Дара ахара рыдҵоуп абџьари аџьаԥҳани закәаншьаҭа рымамкәа раахәара, рыҵәахра, рымҩангара, рныҟәгара ахьымҩаԥигоз азы.

Ари аҩыза аумҭазы ахәҭаҷ иазыԥхьагәанаҭоит ҩышықәса инаркны фышықәсанӡа ҭакрала ахыгара.

2
Атемақәа:
Аҿкычымазара – акоронавирус Аԥсни адунеи аҿи: иалкаау