Аепидемиолог еиҭеиҳәеит COVID-19 ахәыҷқәа рҿы иуадаҩу аформахь ииасыр аналшо

10
(ирҿыцуп 09:41 04.05.2021)
Акоронавирустә инфекциа зыхьуа ахәыҷқәа реиҳараӡак уи марианы ирхыргоит ичмазаҩу адуцәа раасҭа.

АҞӘА, лаҵара 4 - Sputnik. Ахәыҷы иԥсыԥ алагаҩагара ицәыцәгьахазар, ишоура ҳаракханы хымш рҟынӡа имтәозар, иара убас ак иқәнаԥсазар - арҭ асимптомқәа акоронавирустә инфекциа иуадаҩу аформахь аиасра иаҿуп ауп ҳәа РИА Новости иазеиҭеиҳәеит аепидемиологиаҭҵаара иазырхоу Роспотребнадзор иатәу ФБУН ЦНИИ аҭҵаарадырразы аиҳабы ихаҭыԥуаҩ, Урыстәылатәи аҭҵаарадыррақәа ракадемиа алахәыла-корреспондент Александр Горелов.

"Ахәыҷы иԥсыԥ алагаҩагара ицәыцәгьахазар, ишоура ҳаракханы хымш рҟынӡа имтәозар - хымԥада агәаҭарақәа дырхыжьтәуп, еиҳараӡак арентгенографиа изыҟаҵатәуп. Уа аиҭакрақәа аарԥшхар, уи ачымазара аҽаруадаҩит ауп иаанаго, ицәырҵыр ауеит амультимжьыжькратә синдром - уи аан ахәыҷы иҭагылазаашьа акыр иуадаҩхоит, знык ала ицәеижь асистемақәа жәпакы еиҭашәар алшоит", - иҳәеит Горелов.

Аепидемиолог иара убас дазааҭгылеит даҽа синдромк - ахәыҷы ицәа ак ақәнаԥсар, уи Кавасаки исиндром изцәырҵит ҳәа аанагозар ҟалоит. Аԥынҵеихачра акәзар, ишьақәгылаз астереотипқәа ирыхьмырԥшкәа, уи узыцәшәаша симптомуп узҳәом, аха, хымԥада, ихәышәтәтәуп иҳәеит Горелов.

Иара иажәақәа рыла, акоронавирустә инфекциа зыхьуа ахәыҷқәа реиҳараӡак уи марианы ирхыргоит ичмазаҩу адуцәа раасҭа. 12 мза рызтәи адыррақәа ранализ иунарбоит иуадаҩны изхызго ахәыҷқәа 0,2% шракәу иҟоу.

10
Атемақәа:
Аҿкычымазара – акоронавирус Аԥсни адунеи аҿи: иалкаау (1392)

WhatsApp афункциа ҿыц аусура иалагоит

0
(ирҿыцуп 10:10 05.08.2021)
Аопциа ҿыц асмартфонқәа рҿы ахархәара алшо иҟалоит WhatsApp амессенџьер шааиҭарыцхалак.

АҞӘА, нанҳәа 5 - Sputnik. WhatsApp зҽызҵәахуа афотоқәеи авидеоқәеи рынашьҭра афункциа аартхоит ҳәа рҳәеит аилахәыра ахаҭарнакцәа.

Ахархәаҩцәа рфотосахьақәеи авидеоқәеи рышьҭлар алшоит аопциа "Знык ахәаԥшра" ацхыраарала. Афотосахьақәеи авидеоқәеи знык урыхәаԥшуеит нас ианыҵуеит.

Ари аҩыза афункциа аус ауеит Instagram аҿы: изауа акнопка дақәыӷәӷәоит, асахьа ма авидео ибоит, уи анаҩс урҭ ықәҵуеит.

WhatsApp аҿы ирҳәом ари ишаанамго изауыз скринрекордер ала аҭаҩра илшом ҳәа.

0

Урыстәылауаа ПЦР-тестқәа рыда ԥсшьара ицар ахьауа атәылақәа еилкаахеит

7
(ирҿыцуп 16:54 04.08.2021)
Урыстәылауаа ПЦР-тестқәа рыда ԥсшьара ицар ахьауа рахь иаҵанакуеит Урыстәыла ақалақьқәак реиԥш аҳәаанырцәтәи атәылақәагьы.

АҞӘА, нанҳәа 4 - Sputnik. Нанҳәамзазы урыстәылатәи атуристцәа ПЦР-тестқәеи, алаҵа шрымоу азы асертификатқәеи рыда урыстәылатәи акурортқәа реиԥш аҳәаанырцә тәылақәа рахьгьы ицар алшоит, абри атәы аанацҳауеит РИА Новости.

Зегь раасҭа аҭахра рымоуп  Аԥсны, Албаниа ҳәа аҳәоит амаҵзура TUI Россия.

"Аԥсны аԥсшьараз атуристцәа Шәачанӡа иааиуеит, заа рынхарҭа ҿарҵар рылшоит. Албаниаҟа аҳҭнықалақь Тирану аҳаирбаӷәазахь "Уральские авиалинии" аҳаирпланқәа ишиашоу иԥроит Москвантә, Самарантә, Екатеринбургнтә", -  азгәанаҭоит TUI Россия.

2019 шықәса аахыс раԥхьаӡа Албаниа аҭаара маншәалахеит Москвантә Тирануҟа ачартертә реисқәа аныбжьала.

Иҟоуп еиҭа атәылақәа Черногориеи Доминиканеи реиԥш ПЦР-тест ада уздызкыло, аха арҭ атәылақәеи Урыстәылеи ишиашоу аҳаиртә еимадара рыбжьам.

"ПЦР-тестқәа рыда уздызкыло атәылақәа иреиуоуп иара убасгьы Мексикеи Египети", - рҳәоит  Anex Tour апресс-маҵзураҿы.

Аилахәыраҿ ирҳәеит нанҳәамзазы ҩыџьа Мексика рыԥсшьара бжьаха-бжьымш рыҩныҵҟа 161,3 нызқь шаго, Египт - 107 000.

"Урыстәыла аҩныҵҟа, иаҳҳәап Калининград, ҩыџьа иара абри аамҭазы иршәароуп 58,4 нызқь мааҭ", - азгәанаҭоит  Anex Tour.

Атуроператорцәа иазгәарҭоит, Краснодартәи атәылаҿацә нанҳәа 1 аахыс иалагалоу аԥҟара ҿыцқәа ирхырҟьаны, нанҳәа-цәыббра азы Аԥсны, Ҟрым, Ҭырқәтәыла рахь аԥсшьаҩцәа рцара еизҳар шауа.

7