Казантәи ахҭысқәа раан иҭахаз рхыԥхьаӡара шьақәыргылоуп

6
(ирҿыцуп 17:39 11.05.2021)
Аҵаратә усҳәарҭаҿы ахысра ҟаиҵеит 19 шықәса зхыҵуаз аколлеџь астудент. Ишьақәыргылоуп иара цәыббрамза аахыс аҵаратә процесс шыбжьаижьуаз, мшаԥымзаахыс зынӡа уахь анеира дшаҟәыҵыз.

АҞӘА, лаҵара 11 - Sputnik. Ҭаҭарсҭан ахада Русҭам Минниханов аҳәамҭа ҟаиҵеит иҭахаз рхыԥхьаӡара жәҩык ыҟоуп ҳәа. Абри атәы аанацҳауеит РИА Новости.

"Аабатәи акласс аҵаҩцәа, ԥшьҩык аҷкәынцәеи хҩык аӡӷабцәеи ҳацәҭахеит. Иҳацәҭахеит арҵаҩы, ашкол аусзуҩ", – ахада иажәақәа еиҭанаҳәоит апресс-маҵзура.

Минниханов иажәақәа рыла, 18-ҩык аҵаҩцәа ахәыҷтәы клиникатә хәышәтәырҭахь инагоуп. Иҟоуп ахәрақәа змоу, аԥҵәарақәа змоу. Аҳақьымцәа урҭ рыԥсҭазааразы ақәԥара иаҿуп.

Ахәышәтәырҭахь инагоуп иара убасгьы ахәрақәа змоу ҩыџьа адуцәа.

Ҭаҭарсҭан ахада ипресс-маҵзура анапхгаҩы уаанӡа аҳәамҭа ҟалҵахьан ааха зауз 200 - 400 нызқьмааҭ рыҭахоит, иҭахаз рҭаацәа миллионк-миллионк рызшәахоит ҳәа.

Лаҵара 11 рзы 19 шықәса зхыҵуаз астудент Казантәи ашкол № 175 ахысра далагеит. Иара даанкылоуп. Абџьар ихьӡала иҭаҩын. Уажәы абри аганахь ала ашьаус хацыркуп. Уаҵәы ареспубликаҿы алахьеиқәҵара иамшны ирылаҳәоуп.

Урыстәыла ахада Владимир Путин Росгвардиа анапхгара адҵа риҭеит абџьар аикәыршаразы аԥҟара дырӷәӷәарц.

6

Кремль: алаҵаҟаҵара хымԥадатәуп ҳәа ҳалацәажәаӡом

3
(ирҿыцуп 08:54 18.06.2021)
Апандемиатә ҭагылазаашьа инадҳәаланы агубернаторцәа иалшоны иҟоу ауснагӡатәқәа мҩаԥыргалароуп ҳәа иҳәеит Урыстәыла ахада ипресс-маӡаныҟәгаҩ Дмитри Песков.

АҞӘА, рашәара 18 - Sputnik. Акоронавирус аҟынтәи алаҵа Урыстәыла арегионқәак рҿы хымԥада ауаа ирыларҵароуп ҳәа иршьоит хаз игоу атәылауаа ркатегориақәак рзы, инеиԥынкыланы зегьы алаҵаҟаҵарада ԥсыхәа ыҟам ҳәа аӡәгьы иҳәом. Абри атәы иҳәеит Урыстәыла ахада ипресс-маӡаныҟәгаҩ Дмитри Песков. Абри атәы аҩуеит РИА Новости.

"Ари аус аҿы аҷыдарақәа зегьы ирызхьаԥшлатәуп. Ҳазлацәажәо шьаҭанкыла алаҵаҟаҵара акәым, арегионқәа рсанитартә ҳақьымцәа рабжьгарақәеи рыӡбарақәеи роуп", - иҳәеит Песков.

Иара иазгәеиҭеит арегионқәа рхадацәа раԥхьа иргыланы уа иҟоу аҭагылазаашьа иахьыԥшуеит, иалкаау аусхкқәа русзуҩцәа рзы ихымԥадатәиу алаҵаҟаҵара аҭаххароуп зыӡбахә ҳәоу ҳәа иҳәоит.

Аҿкчымазара алаҵәара ишаҿу ала, ари аус ас амҩаԥгара иашоуп ҳәа ахиҳәаауеит Песков.

Ахашаҽны Роспотребнадзор Москватәи аобласт аҿы ахада Елена Андреева ақәҵара ҟалҵеит ахәаахәҭра, амаҵзурақәа, азеиԥшкрыфара, атранспорт, агәабзиарахьчара, ЖКХ, МФЦ, аҵара, акультура русхк аҟны аус зуа рзы алаҵаҟаҵара аиҿкаара мҩаԥгазарц. Ақәҵара инақәыршәаны нанҳәамзанӡа арҭ аиҿкаарақәа рҿы 60% иреиҵамкәа аусзуҩцәа алаҵа рзыҟаҵатәуп. Хаз игоу атәылауаа ркатегориақәак рзы хымԥада алаҵаҟаҵараз аӡбара рыдыркылеит иара убасгьы Кузбасс, Сахалинтәи аобласт.

Песков ажурналистцәа иреиҳәеит агубернатор арегион аҿы иҟоу аҭагылазаашьазы аҭакԥхықәра шиду, иаҳҳәап Собианин (Москва ахада - аред.), Воробьев (Подмосковие агубернатор - аред.) аҭакԥхықәра рыдуп европатәи тәылак иаҵакыроу аҟара иҭбаау аконгломерат азы.

Песков иара убасгьы иазҵааит хатәгәаԥхаралатәи алаҵаҟаҵара хра амоуит азы, иаанханы иҟоу иалкаау категориақәак рзы хымԥадатәи алаҵаҟаҵара алагалара аамҭа ааима ҳәа.

"Усеиԥш иҟоу алкаа сзыҟаҵом", - иҳәеит иара.

Иара убри аан апресс-маӡаныҟәгаҩ иазгәеиҭеит хатәгәаԥхаралатәи алаҵаҟаҵара акыр ишьшьылаҳауп ҳәа.

"Ахада изныкымкәа иҳәахьан аилыркааратә, апропагандатә усура аҭахуп ҳәа. Иахьазы ииашаҵәҟьаны алаҵаҟаҵара атемпқәа даара иԥсыҽуп", - иҳәеит Песков.

3
Атемақәа:
Аҿкычымазара – акоронавирус Аԥсни адунеи аҿи: иалкаау

Путин апресс-конференциа мҩаԥигеит асаммит Урыстәыла-ЕАА аихшьалақәа рыла

8
(ирҿыцуп 10:13 17.06.2021)
Асаммит Урыстәыла - Еиду Америкатә аштатқәа мҩаԥысит Женева, авилла Ла Гранж аҿы рашәара 16 азы. Атәылақәа рыҩба рхадацәа реицәажәара акраамҭа ицон.

АҞӘА, рашәара 17 - Sputnik. Урыстәыла ахада Владимир Путин асаммит Урыстәыла - Еиду Америкатә аштатқәа аихшьалақәа рыла ажурналистцәа рызҵаарақәа рҭак ҟаиҵеит. Ахада иҳәамҭақәа РИА Новости аматериал аҿы.

Ацҳаражәҳәаҩцәа аусура иазыхынҳәуеит

Атәыла ахада иазгәеиҭеит Џьо Баидени иареи реицәажәара бзианы ишымҩаԥысыз, иарбанзаалак аиӷаратә ҟазшьа ҳәа ак шрыҵамыз, аус хықәкыла иазнеины ишеицәажәаз.

"Ишьҭыхыз атемақәа зегьы ижәдыруа роуп – астратегиатә ҭышәынтәалара, акибершәарҭадара, арегионалтә еимактәқәа, ахәаахәҭратә еизыҟазаашьақәа, Арктика аусеицура", - ҳәа иҳәеит Путин, иагьазгәеиҭеит Украина азҵаарагьы ишалацәажәаз.

Ахада иажәақәа рыла, Баидени иареи еилацәажәеит хара имгакәа Урыстәылеи Америкеи рыцҳаражәҳәаҩцәа Анатоли Антонови Џьон Салливани Вашингтони Москвеи русурақәа ишырзыхынҳәуа.

"Урыстәыла Адәныҟатәи аусқәа рминистрреи ЕАА Аҳәынҭдепартаменти аконсультациақәа ирылагоит адипломатиатә еизыҟазаашьақәа рҿы. Уа узлацәажәаша ыҟоуп. Ишызбаз ала, аганқәа рыҩбагьы аӡбарақәа рыԥшаара рҭахны иҟоуп", - иҳәеит Путин.

Акибержәыларақәа рзы ахарадҵара

Акибержәыларақәа рзы азҵаара аҭак ҟаҵо, Путин иҳәеит иара иажәақәа рыла инарҭбааны ирзымдыруа адыррақәа:

"Америкатәи ахыҵхырҭақәа рыла акибержәыларақәа реиҳарак адунеи аҿы ирхыҵхырҭоу ЕАА акиберҵакырақәа роуп. Аҩбатәи аҭыԥ аннакылоит - Канада. Анаҩс Латынтәи Америка атәылақәа ҩба, Великобританиа. Урыстәыла ари асиа ианӡам", - ҳәа.

Иажәақәа рыла, Баидени иареи акибершәарҭадараз аконсультациақәа мҩаԥыргарц еилацәажәеит. Путин ишиҳәаз ала 2020 шықәсазы Урыстәыла ЕАА аҟынтәи азыҳәақәа жәаба аиуит ахакертә жәыларақәа рзы. Урҭ зегь рҭак ҟаҵан. Убри аан Вашингтон 45 зыҳәа Москвантәи иазынашьҭыз рҭак ҟанамҵеит.

Арктика аусеицура алшоит

Урыстәыла ахада иажәақәа рыла, иара агәра ганы дыҟоуп Урыстәылеи ЕААи Арктика русеицура шахәҭоу. Асаммит алахәылацәа ари азҵаара инарҭбаау форматла иалацәажәеит.

Путин убри аан иазгәеиҭеит америкатәи аган арегион амилитаризациа азуп ҳәа иаҳәо шиашам.

"Асовет Еидгыла аныҟаз иҟамыз акгьы ҟаҳҵом. Еилаԥыххау аинфраструктура еиҭашьақәҳаргылоит ауп. Ҳәарада ҳаамҭа иақәшәо иҟаҳҵоит. АҶА базас иазыҟалаша аинфраструктура еиҿаҳкаауеит, амшын аҟны ауаа реиқәырхара алыршаразы, ма иааҳакәыршан иҟоу аԥсабара ахьчаразы", - иҳәеит иара.

Баиден имҽыӷу иҳәамҭақәак рзы

Путин ажурналистцәа ирзеиҭеиҳәеит Баиден иара иганахьала ииҳәаз иажәақәак рышьҭахь ҭелла ишеицәажәаз.

"Баиден аҭел дысзасит. Ҳаицәажәеит. Сара ииҳәаз сыдыскылеит. Ҳаиқәшәарц сыдигалеит. Иахьа ҳаиԥылеит. Ҳтәылақәа рҿы аҭыԥ змоу зегьы рзы ус акә егьыс акә аҭакԥхықәра иаҵагыло актәи ахаҿқәа роуп. Иаагап Афганистан. Зныкҟьарала 120-ҩык ҭахон, ачарақәа рҿы ауаа ндырҵәон. Иҟалап, ари гхазар, усгьы ҟалалоит. Аха аԥырҩы дызҭам ахархәагала ма авертолиотқәа рыла аҭынч уааԥсыра Ирак реихсра - ари азы аҭакԥхықәра здылода? Дызусҭада нас иуаҩшьҩу?"

Мрагыларатәи Украина аҭагылазаашьа

Украина аҭагылазаашьа далацәажәо, Путин иазгәеиҭеит Урыстәыла иахықәку минсктәи аиқәшаҳаҭрақәа рынагӡароуп ҳәа. Иара иҳәеит 2020 шықәса абҵарамзазы Киев арҭ аиқәшаҳаҭрақәа шынанагӡо азы аплан азнархиеит ҳәа.

"Иҳаднагалазеи уи аплан ала Украина? Украинатәи арратә мчрақәа еснагьтәи рдислокациатә ҭыԥ иазыргьежьтәуп рҳәеит. Ари иаанагозеи? Ари иаанаго Украина ар Донбасс иалалароуп ауп. Уи адагьы ирҳәеит абри аҭыԥхәҭаҿы Урыстәылеи Украинеи рҳәаа аркызароуп, абарҭқәа рышьҭахь хымз ааҵуаны алхрақәа мҩаԥгатәуп ҳәа.

Ахада иазгәеиҭеит арҭ ажәадгалақәеи минсктәи аиқәшаҳаҭрақәеи зеиԥшрак шрымам.

Навальныи иҭакразы

Алексеи Навальныи иҭакразы азҵаара аҭак ҟаҵо Путин иҳәеит иара ахәышәтәырҭа данҭыҵ ашьҭахь ашәҟәы иҽышҭеимгалаз.

"Азакәан дықәымныҟәеит. Аԥшаара ишьҭарҵеит. Уи дырны дааит. Сгәанала, дааныркыларц иҭахын. Ус анакәха, уаҳа иуҳәарызеи".

ЕАА Урыстәыла ааннакыларазы аҽазышәарақәа

2017 шықәсазы Еиду аштатқәа Урыстәыла ҳаӷоуп ҳәа иқәгылеит, Аконгресс ЕАА азакәанԥҵара аԥҟара аланагалеит ЕАА ҳтәылаҿы адемократиатә напхгара аԥҟарақәа адгылара рырҭароуп ҳәа, аполитикатә еиҿкаарақәа ирыдгылароуп ҳәа иҳәеит Путин.

"Ари аҩыза арбоуп америкатәи азакәан аҿы. Аха Урыстәыла ЕАА иаӷазар, иарбан еиҿкаарақәоу Америка ара изыдгыло? Сгәаанагарала, Урыстәыла зырӷәӷәо ракәым, ишьақәызҟьо роуп".

АИХқәа иноагентцәоуп ҳәа азхаҵара

Ахада еиҿирԥшит Америкеи Урыстәылеи рҟны ажурналистцәа русуратә ҭагылазаашьақәа. Иазгәеиҭеит ателеканал RT америкатәи арегулиатор аҭахрақәа зегь шынанагӡо:

"Russia Today америкатәи арегулиатор аҭахрақәа зегь нанагӡоит. Апроблемақәа шырзаԥырҵогьы. Ҳара урҭ рҩызцәа проблема аԥаҳҵом, иагьҳамам".

Иара иҳәеит аиԥылараҿы Баиден "Радио Свобода", Урыстәыла аҳәаанырцәтә агент инапынҵақәа назыгӡо ҳәа ишьоу, аусураз азҵаара шышьҭихыз.

"Америкатәи аделегациа аҳәаанырцәтәи аудиториаз аус зуа Russia Today-и Sputnik-и уаанӡа дара рҿы ҳәаанырцәтә агентны иԥхьаӡаны аккредитациа шрымырххьаз рыздырамызт ҳәа. Ҳаргьы уи аҭак ишақәнагаз иҟаҳҵеит".

8

Урыстәылатәи атанкныҟәцаҩцәа Краснодартәи атәылаҿацә аҿы аҽазыҟаҵарақәа мҩаԥыргеит

1
(ирҿыцуп 18:39 18.06.2021)
Аҽазыҟаҵаратә уснагӡатәқәа ирылахәын шәҩык аруаа, ахархәара рыҭан 30 ак арратә техника, акәылӡы зқәу автомашьынақәа КамАЗ "Мустанг" реиԥш иҟақәаз.

АҞӘА, рашәара 18 - Sputnik. Аԥсны иҟоу Урыстәыла Аладатәи арратә база атанкныҟәцаҩцәа Краснодартәи атәылаҿацә аполигон аҿы ахысрақәа мҩаԥыргеит ҳәа аанацҳауеит аокруг апресс-маҵзура.

Аекипажқәа 200 рҟынӡа ицәырҵуаз, еиҭаҵуаз ацәҟьарақәа ахы рықәдыршәеит ҳаамҭазтәи атанкқәа Т-72Б3 рҟынтәи. Ацәҟьараҟынӡа иреиҳаӡоу ахарара ҩ-нызқь метра иҟан.

Уахынлатәи ахысрақәа раан ахархәара рыҭан уахынларбагатә хархәагақәа ТВН-5.

Т-72Б3 амеханик-ныҟәцаҩцәа рдырреи рԥышәеи еиздырҳауан аԥынгылақәа рхысраан, амина-ԥжәага ԥкырақәа рхысраан.

Ахсрақәа раан иныхын 300 танктә рҭҟәацгақәа.

Инарҭбаау аҽазыҟаҵарақәа мҩаԥгахараны иҟоуп акоманда-штабтә зыҟаҵарақәа ирылахәны.

1