Ҭырқәтәыла акоронавирус аламырҵәаразы иалагалаз аԥкрақәа рԥсыҽхоит

8
(ирҿыцуп 16:49 16.05.2021)
Ҭырқәтәыла аҩныҵҟатәи аусқәа рминистрра аусԥҟа акьыԥхьит акоронавирус аҽацәыхьчараз иалагалаз аԥкрақәа рԥсыҽхоит лаҵара 17 инаркны ҳәа.

АҞӘА, лаҵара 16 - Sputnik. Ҭырқәтәыла акоронавирус аламырҵәаразы иалагалаз аԥкрақәа маҷ-маҷ ирԥсыҽхоит Абри атәы аанацҳауеит РИА Новости.

Уажәаԥхьа Ҭырқәтәыла ахада Таиип Ердоган алаҳәара ҟаиҵахьан мшаԥымза 29 асааҭ 19:00 инаркны лаҵарамза 17-нӡа акоронавирус аҽацәыхьчараз аԥкрақәа шалигало. Аусбарҭақәа зегьы русура аанкылан, атәыла аҩныҵҟатәи аусқәа рминистрра азин зырҭаз рыда.

Рашәара акынӡа асааҭ 21:00 инаркны 05:00-нӡа атәылаҟны аус шаулац иаулоит есҽнытәи акоменданттә сааҭ, асабшеи амҽышеи-акоменданттә сааҭ алагалоуп уахи-ҽни.

Ишьақәырӷәӷәоу аграфик инақәыршәаны, аԥсшьарамшқәа рзы афатә-ажәтә дәқьанқәа асааҭ 10:00 инаркны 17:00-нӡа аус рулоит.

Ақалақьбжьара аныҟәаразы азин ыҟоуп акоменданттә сааҭ аныҟам. Ақьафурҭақәи ақаҳуажәырҭақәеи идәылганы аҭиразы азин рымоуп.

Ахәаахәҭратә ҩнқәеи, амаҭәеи, абзазаратә маҭәахәқәеи ахьырҭиуа адәқьанқәеи аусуратә мшқәа рзы аус рулоит асааҭ 10:00 инаркны 20:00-нӡа. 65 шықәса иреиҳау атәылауаа адәахьыҟа адәылҵра азин рымоуп аусуратә мшқәа рзы асааҭ 10:00 инаркны 14:00-нӡа. Ҩ-дозак алаҵа ҟазҵаз рыда.

Аԥкрақәа атуристцәа аҵанакӡом, аха анхаразы аршаҳаҭга змоу атәымтәылауаа арҭ аԥкырақәа ирықәнаҟәароуп.

Ҭырқәтәыла агәабзиарахьчара аминистрра адыррақәа рыла, атәылаҿы ииасыз ахәашазы 11 394 коронавирус-хҭысқәа ашәҟәы иҭагалан, арҭ арбагақәа акырӡа еиҵоуп хәажәкыратәи арбагақәа раасҭа. Апандемиа иаалагазартәи арекорд иахысны 63 082 –хҭыс шьақәнартәеит. Мшаԥымза 30 рзы ашәҟәы иҭагалан уахыки-ҽнактәи аԥсыҭбара зцыз ахҭысқәа-394 ыҟан.

Ҭырқәтәыла акоронавирус акыр аҽахьарҭбааз иахҟьаны Урыстәылеи ари атәылеи рҳаиртә еимадара ԥнакит мшаԥы 15 инаркны рашәара 1 аҟынӡа.

8
Атемақәа:
Аҿкычымазара – акоронавирус Аԥсни адунеи аҿи: иалкаау (1278)

Путин еиҭеиҳәеит акоронавирус аҟынтәи алаҵа шихигаз

3
Урыстәылатәи Афедерациа ахада имҳәаӡеит акоронавирустә инфекциаҟынтә иарбан лаҵоу иҟаиҵаз.

АҞӘА, рашәара 12 - Sputnik. Урыстәыла ахада Владимир Путин еиҭеиҳәеит акоронавирус аҟынтәи аҩбатәи алаҵаҟаҵараан аамҭа кьаҿк азы ишоура шхалаз ҳәа аанацҳауеит РИА Новости.

"Аҩбатәи агәыр аныҟасҵаз 12 сааҭ рышьҭахь маҷк сшоура халеит - 37,2. Уи ахәылбыҽхаз акәын. Адырҩаҽны санааԥш скәаԥӡа сыҟан", - иҳәеит Путин Урыстәылатәи Афедерациа аҳәынҭпремиақәа ранашьараан.

Иара акоронавирус аҟынтәи алаҵа ҟаиҵеит ааԥынразы. Уи ашьҭахь иҳақьымцәа ишырҳәоз ала, аиммунтә ҭак бзиа иман. Убри аан рыуа лаҵас иҟаиҵаз арбану атәы имҳәеит, иара иажәақәа рыла, уи здыруа иара иҳақьым заҵәык иоуп.

Акоронавирустә инфекциаҟынтәи алаҵаҟаҵаратә кампаниа Аԥсны иалагеит лаҵара 12 рзы. Ауааԥсыра ирыларҵоит урыстәылатәи алаҵа "Спутник V". Рашәара 11 рызтәи аҭагылазаашьала Аԥсны алаҵа рзыҟарҵахьеит 2772-ҩык ауааԥсыра.

3
Атемақәа:
Аҿкычымазара – акоронавирус Аԥсни адунеи аҿи: иалкаау (1278)

Москва ахада акоронавирустә ԥкрақәа ирӷәӷәеит аепидҭагылазаашьа ахьеицәахаз азы

4
(ирҿыцуп 19:08 12.06.2021)
Иҳаҩсыз уахыки-ҽнаки рыла Москва иаарԥшуп ԥхынҷкәын 26 раахыс иреиҳаӡоу акоронавирустә хҭысқәа рхыԥхьаӡара. 

АҞӘА, рашәара 12 - Sputnik. Москва аепидемиологиатә ҭагылазаашьа ахьеицәахаз азы агәмырҿыӷьратә центрқәа, ахәаахәҭратә центрқәа рҿы ахәыҷтәы уадақәа, уахынла аус зуа арлахҿыхырҭақәа уҳәа русуразы аԥкрақәа еиҭадырхынҳәит, иара убас рашәара 15-20 ԥсшьарамшқәаны ирылаҳәоуп, абри азы аусԥҟа инапы аҵаиҩит Москва ахада Сергеи Собианин асабша рашәара 12 рзы.

Собианин иблог аҟны ишиҳәаз ала, аҵыхәтәантәи амчыбжь азы акоронавирустә инфекциа алаҵәаразы иҟоу аҭагылазаашьа еицәахеит, ачымазара зыхьыз рхыԥхьаӡара иацлеит, ҵыԥхтәи ашықәс азы иреиҳаӡаз арбагақәа рҟынӡа ихалеит.

Иара иажәақәа рыла, апациентцәа рацәаҩны рыдкылара алыршаразы акоронавирус зыхьуа рзы зықь ҭыԥ ҩаԥхьа bазырхиатәуп ақалақь амедицинатә центрқәа рҟны. 

Ҩаԥхьа аҩнынтәи аусурахь

Амер иажәақәа рыла, аҩнынтәи ахараусурахь излалшо ала ииасроуп COVID-19 аҟынтәи алаҵа ҟазымҵац аусзуҩцәа реиҳараҩык. Еиҳараӡак 65 шықәса ирҭысхьоу, ахроникатә чымазарақәа злоу атәылауаа.

Уи адагьы зықәрахь инеихьоу ауаа амҩа хара иқәымларц, аҩны рҽааныркыларц рабжьгоуп.

Иҵегьы аԥсшьарамшқәа

Москва ахада иара убас ачымазара аларҵәара аанкыларазы инапы аҵаиҩит рашәара 15-20 ԥсшьарамшқәаны иҟазҵо аусԥҟа, аусзуҩцәа руалафахәы рызныжьны. 

Ари аӡбамҭахь иаҵанакуеит анаплакқәеи аиҿкаарақәеи зегьы, рхатәтәра аформақәа ирыхьмырԥшкәа. Аха убри аан ақалақь азы аҵак ду змоу, аинфраструктура зхьыԥшу, атәылахьчара иаҵанакуа, иара убас "Росатом", "Роскосмос" уҳәа егьырҭ астратегиатә ҵакы змоу аусхкқәа знапы иану аусурахь ицәырҵроуп.

Арлахҿыхырҭақәа русура

Москва ахада адырра ҟаиҵеит рашәара 13-20 рзы ишаанкылахо арлахҿыхырҭақәа, ахәаахәҭратә центрқәа рҿы ахәыҷтәы уадақәа русура, акрыфарҭа маҷқәа уҳәа русура.

Уи адагьы азеиԥш крыфарҭақәа, уахынла аус зуа арлахҿыхырҭақәа, ашәаҳәарҭақәа, абоулинг, акәашарҭақәа уҳәа аус рур ҟалаӡом уахынла – асааҭ 23.00 инаркны 6.00 рҟынӡа, идәылганы ауаа рымаҵ зуа аҭыԥқәа рыда. 

Уи адагьы ақалақь апарк дуқәа рҿи аԥсабараҿы аԥсшьарҭақәа рҿи иадыркуеит аттракционқәа, аҳәыҷтәи аспорттәи дәқәа, уҳәа аҳауаҿы иҟоу аԥсшьарҭаҭыԥқәа зегьы. Апаркқәа рҿы анеиааира заҵәык ауп иалшо. 

Собианин инаҵшьны иазгәеиҭеит ишьақәгылаз аепидемиологиатә ҭагылазаашьа аиааиразы аԥкрақәа рықәныҟәареи алаҵа аҟаҵареи шаҭаху, алаҵаҟаҵаратә пунктқәа зегьы абжьааԥнеиԥш аус руеит.

4
Атемақәа:
Аҿкычымазара – акоронавирус Аԥсни адунеи аҿи: иалкаау (1278)

Аҟәа иҟалаз абылра ахәҭак ырцәоуп

2
(ирҿыцуп 13:25 13.06.2021)
Аҟәа ақалақь Ешба имҩаҿы игылоу уаанӡатәи акондитертә фабрика ахыбраҿы абылра ҟалеит амҽыша рашәара 13 рзы аҽнышьыбжьон.

АҞӘА, рашәара 13 – Sputnik, Бадри Есиава. Аҟәа ақалақь Ешба имҩаҿы игылоу амца зкыз уаанӡатәи акондитертә фабрика ахыбра ахәҭак ырцәоуп ҳәа аҭыԥ аҟынтәи иааицҳауеит Sputnik акорреспондент Аԥсны Аҭагылазаашьа ҷыдақәа рзы аминистр Лев Кәыҵниа иажәақәа ааго.

Аусбарҭа аиҳабы иажәақәа рыла, ахыбра еилаҳауеит ҳәа ашәарҭара ыҟам.

Амцарцәара иаҿын Аҟәеи, Аҟәа араиони, Гәылрыԥшь араиони рымцарцәаратә гәыԥқәа, иара убас аруаа.

Амца дырцәоит ахыбра мрагыларатәи мраҭашәаратәи аганқәа рыла еицҿакны. Амцарцәаҩцәа амардуанқәа рыла ахыб ахьгьы ихалеит.

Кәыҵниа ишиҳәаз ала, амца акит зықь ԥшьыркца метра инареиҳаны аҵакыра. Абылра акатегориақәа быжьба рҟынтәи ахәбатәи акатегориа иаҵадыркит.

2