Абиткоин аҭоурыхтә максимум иаҿырԥшны ҩынтә еиҵахеит

4
(ирҿыцуп 11:17 20.05.2021)
Лаҵара 19 асааҭ 16:00 рызтәи адыррақәа рыла акриптовалиута ахә 31 000 доллар ишеиҵахаз азы аҭирақәа шаҳаҭра руеит.

АҞӘА, лаҵара 20 — Sputnik. Абиткоин мшаԥымзатәи аҭоурыхтә максимум аҟынтә ҩынтә еиҵахеит ҳәа аҩуеит РИА Новости.

Акриптобиржа Binance аҟынтәи аҭирақәа рыла акриптовалиута ахәԥса 29% рыла икаҳаит, 31,4 000 доллар иҟоуп.

Ари амш азы иреиҵаӡоу акәын арбага 30 000 доллар. Асеиԥш абиткоин ажьырныҳәа 25 раахыс имлеицызт.

Апортал CoinMarketCap адыррақәа рыла, абиткоин 29,8% икаҳаит, иартәеит 30 858 доллар. 20 биржа рҟынтәи ари бжьаратә рбагоуп.

Аҭоурыхтә максимум абиткоин ианарбеит мшаԥы 14 рзы— 64,9 000 доллар. Абри ашьҭахь иара 2,1-нтә икаҳахьеит.

4

"Спутник Лайт" аҭыҵра ианалаго атәы рҳәеит

6
(ирҿыцуп 18:47 21.06.2021)
Лаҵарамза алагамҭазы еилкаахеит акоронавирустә чымазара ҿкы аҟынтәи аԥшьбатәи урыстәылатәи алаҵа "Спутник Лайт" ашәҟәы ишҭаргалаз.

АҞӘА, рашәара 21 - Sputnik. Алаҵа "Спутник Лайт" мчыбжьқәак рыҩнуҵҟа аҭыжьра иалагоит, алаҵаҟаҵарҭатә ҭыԥқәа рҿы ахархәара аҭахоит. Абри атәы иҳәеит Урыстәыла агәабзиарахьчара аминистр Михаил Мурашко аканал "Россия 24" аинтервиу анеиҭоз.

"Алаҵа "Спутник Лайт" аҭыжьреи ахаҭабзиареи агәаҭарақәа ирхыжьуп, аиҭалаҵазын иманшәалоуп. Мчыбжьқәак ирхымгакәа ахархәарахь инашьҭхоит", - иҳәеит Мурашко.

Иара убас иазгәеиҭеит алаҵа актәи ахәҭа ахархәарахь ишынашьҭхо рашәара 25 рышьҭахь.

Урыстәыла агәабзиарахьчара аминистрра ашәҟәы иҭанагалахьеит алаҵақәа ԥшьба: "Спутник V" Гамалеи ихьӡ зху Ацентри РФПИ-и еицыҟарҵеит. Ари алаҵа адунеи аҟны раԥхьаӡа акәны COVID-19 хызҽуа ҳәа иҭаҩҩуп. Жьҭаарамзазы иҭанаҩит даҽа лаҵакгьы - "ЭпиВакКорона", уи новосибирсктәи ацентр "Вектор" иаԥнаҵеит. Иара убасгьы Урыстәыла агәабзиарахьчара аминистрра иҭанаҩит COVID-19 хызҽуа ахԥатәи алаҵа "КовиВак". "КовиВак" аԥҵоуп Урыстәылатәи аҭҵаарадыррақәа ракадемиа иатәу М.П. Чумаков ихьӡ зху Аиммунологиатә препаратқәа рыҭҵаареи аус рыдулареи рфедералтә ҭҵаарадырратә центр аҟны, иара убас иҭыжьуп алаҵа "Спутник V" актәи ахәҭа "Спутник Лайт.

Иара убас шәаԥхьарц шәылшоит:

 

6
Атемақәа:
Аҿкычымазара – акоронавирус Аԥсни адунеи аҿи: иалкаау

"Ампыҵахалара аԥыхразы" астратегиа аус адуларазы акомиссиа аԥырҵеит Қырҭтәыла

8
(ирҿыцуп 17:35 21.06.2021)
Нанҳәа 14, 1992 шықәса рзы аихамҩа ахьчара ҿыҵгас иҟаҵаны Қырҭтәыла Аҳәынҭсовет Аԥсны Аҳәынҭқарра аҵакырахь иҭалеит, аибашьра иалагеит. Уи цон шықәсык инацны.

АҞӘА, рашәара 21 - Sputnik. Аимакқәа ҭынчмҩала рҭышәныртәаларази аҳәынҭқарратә стратегиа аус адуларази акомиссиа аԥырҵеит Қырҭтәыла. Уи хықәкыс иамоуп ари азҵаараҿы иаку амилаҭтә знеишьа ашьақәыргылара ҳәа аҩуеит РИА Новости, Қырҭтәыла аиҳабыра рыпресс-маҵзура адырра шьаҭас иҟаҵаны.

"Қырҭтәыла аԥыза-министр иаԥшьгарала иаԥҵоуп аимакқәа ҭынчмҩала рҭышәныртәаларазы аҳәынҭқарратә стратегиа аус адуларазы акомиссиа. Аҳәынҭқарратә комиссиа аҳәаақәа ирҭагӡаны иаԥҵахоит ашықәс нҵәаанӡа ауаажәларра алархәны стратегиа аус адызуло аусутә гәыԥ. Акомиссиа напхгара анаҭоит Адәныҟатәи аусқәа рминистрра", - аҳәоит аҳәамҭаҿы.

Аусбарҭа адыррақәа рыла, акомиссиа иахықәкуп иҟоу ауадаҩра иаку амилаҭтә знеишьа ашьақәыргылара. Апроцесс иалархәхоит аҳәынҭқарратә усбарҭақәеи ауаажәларреи.

"Ашықәс нҵәаанӡа имҩаԥгахоит аиԥыларақәа, аицәажәарақәа, адискуссиақәа, аконсультациақәа. Иара убри аамҭазы Қырҭтәыла астратегиатә партниорцәа аус рыцнаулоит ампыҵахалара аԥыхреи ҭынчмҩала атәыла аҩнуҵҟа иҟоу аимак аҭышәныртәалареи рыпроцессқәа иаҳа ирласны имҩаԥысырц, уи аусура жәларбжьаратәи аилазаара алархәны", - рҳәеит апресс-маҵзураҿы.

Нанҳәа 14, 1992 шықәса азы аихамҩа ахьчара ҿыҵгас иҟаҵаны Қырҭтәыла Аҳәынҭсовет Аԥсны Аҳәынҭқарра аҵакырахь иҭалеит. Аибашьра цон шықәсык инацны.

Цәыббра 27, 1993 шықәсазы Аҟәа ахы иақәиҭтәын. Цәыббра 30 азы Аԥсны иазгәарҭоит Аиааиреи Ахьыԥшымреи рымш.

2008 шықәса нанҳәамзазы Қырҭтәыла Аахыҵ Уаԥстәыла ианақәла ашьҭахь нанҳәа 26 азы Урытәыла Аԥсни Аахыҵ Уаԥстәылеи рхьыԥшымра азханаҵеит.

8

Акоронавирус злаз ҩыџьа рыԥсҭазаара иалҵит, шәҩык инареиҳаны ирыдырбалеит Аԥсны

6
(ирҿыцуп 00:14 22.06.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 16367-ҩык ыҟоуп, ргәы бзиахеит 15269-ҩык, рыԥсҭазаара иалҵит 243-ҩык.

АҞӘА, рашәара 21– Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 378-ҩык атестқәа рзыҟаҵан, урҭ рахьтә 108-ҩык рцәа акоронавирус шалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Гәдоуҭатәи ахәышәтәырҭаҿы рыԥсҭазаара иалҵит ҩыџьа апациентцәа, 84 шықәса зхыҵуаз ахаҵеи 1940 шықәсазы ииз аԥҳәыси.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 61-ы, урҭ рахьтә 61-ы акоронавирус адиагноз рзышьақәыргылоуп, рҭагылазаашьа бааԥсуп 14-ҩык, ибжьаратәуп - 31-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 40-ҩык апациентцәа, урҭ рахьтә жәаҩык рҭагылазаашьа уадаҩуп. Очамчыра ирхәышәтәуеит 22-ҩык, Гагратәи ахәышәтәырҭаҿы - 19-ҩык, Тҟәарчалтәи ахәышәтәырҭаҿы - 14-ҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

6
Атемақәа:
Аҿкычымазара – акоронавирус Аԥсни адунеи аҿи: иалкаау