Адунеи аҿы иаку: аӡри ала аус зуа автомашьына ҭрыжьит Урыстәыла

8
(ирҿыцуп 10:51 01.06.2021)
Автомашьынақәа Aurus —(апроект "Кортеж") - акласс "люкс" иатәуп, атәыла ахадацәа рныҟәгара иазырхоуп. Арахь иаҵанакуеит: лимузин, седан, минивен.

АҞӘА, рашәара 1 – Sputnik. Автомашьынатәи автоматортәи ҭҵаарадырратә институт хада НАМИ Aurus апрототип, аӡри былтәала аус аднауылан аҭыжьра иазнархиеит ҳәа иҳәеит ааглыхреи ахәаахәҭреи рминистр Денис Мантуров амодель Aurus Senat асериатә ааглыхрахь анашьҭраз ауснагӡатә аҟны. Абри атәы аанацҳауеит РИА Новости.

Урыстәыла ааглыхреи ахәаахәҭреи рминистр иазгәеиҭеит апремиалтә сегмент аҿы ари амашьына ада шыҟам.

"Aurus иахьа адунеи аҿы иара акласс иатәу рыбжьара иаку машьыноуп, аӡри ала аус зуа", - иҳәеит Мантуров.

Aurus Senat асериатә ааглыхра иалагеит Елабуга. Авидеоеимадарала ауснагӡатә далахәын Владимир Путин. Азауад аҭыжьратә лшара шықәсык аҩныҵҟа хә-нызқь машьына ыҟоуп.

Автомашьына ахәԥса 18 миллион мааҭ итәоит. Амодель Aurus Komendant аҭыжьра азыԥхьагәаҭоуп иааиуа ашықәс азы.

Автомашьынақәа Aurus — (апроект "Кортеж") - акласс "люкс" иатәуп, атәыла ахадацәа рныҟәгара иазырхоуп. Арахь иаҵанакуеит ахкқәа: лимузин, седан, минивен.

Аҭыжьра еиҿыркаауеит аҳәынҭинститут НАМИ, Вадим Швецов игәыԥ Sollers, афонд Tawazun. Апроект ахь аҳәынҭқарратә лагала иартәоит 12,4 миллиард мааҭ.

Aurus акциониерцәа — ФГУП НАМИ (63,5%), ОАЕ ашәарҭадареи аҿиареи рфонд Tawazun (36%), Sollers (0,5%).

8

Путин еиҭеиҳәеит акоронавирус аҟынтәи алаҵа шихигаз

3
Урыстәылатәи Афедерациа ахада имҳәаӡеит акоронавирустә инфекциаҟынтә иарбан лаҵоу иҟаиҵаз.

АҞӘА, рашәара 12 - Sputnik. Урыстәыла ахада Владимир Путин еиҭеиҳәеит акоронавирус аҟынтәи аҩбатәи алаҵаҟаҵараан аамҭа кьаҿк азы ишоура шхалаз ҳәа аанацҳауеит РИА Новости.

"Аҩбатәи агәыр аныҟасҵаз 12 сааҭ рышьҭахь маҷк сшоура халеит - 37,2. Уи ахәылбыҽхаз акәын. Адырҩаҽны санааԥш скәаԥӡа сыҟан", - иҳәеит Путин Урыстәылатәи Афедерациа аҳәынҭпремиақәа ранашьараан.

Иара акоронавирус аҟынтәи алаҵа ҟаиҵеит ааԥынразы. Уи ашьҭахь иҳақьымцәа ишырҳәоз ала, аиммунтә ҭак бзиа иман. Убри аан рыуа лаҵас иҟаиҵаз арбану атәы имҳәеит, иара иажәақәа рыла, уи здыруа иара иҳақьым заҵәык иоуп.

Акоронавирустә инфекциаҟынтәи алаҵаҟаҵаратә кампаниа Аԥсны иалагеит лаҵара 12 рзы. Ауааԥсыра ирыларҵоит урыстәылатәи алаҵа "Спутник V". Рашәара 11 рызтәи аҭагылазаашьала Аԥсны алаҵа рзыҟарҵахьеит 2772-ҩык ауааԥсыра.

3
Атемақәа:
Аҿкычымазара – акоронавирус Аԥсни адунеи аҿи: иалкаау

Москва ахада акоронавирустә ԥкрақәа ирӷәӷәеит аепидҭагылазаашьа ахьеицәахаз азы

4
(ирҿыцуп 19:08 12.06.2021)
Иҳаҩсыз уахыки-ҽнаки рыла Москва иаарԥшуп ԥхынҷкәын 26 раахыс иреиҳаӡоу акоронавирустә хҭысқәа рхыԥхьаӡара. 

АҞӘА, рашәара 12 - Sputnik. Москва аепидемиологиатә ҭагылазаашьа ахьеицәахаз азы агәмырҿыӷьратә центрқәа, ахәаахәҭратә центрқәа рҿы ахәыҷтәы уадақәа, уахынла аус зуа арлахҿыхырҭақәа уҳәа русуразы аԥкрақәа еиҭадырхынҳәит, иара убас рашәара 15-20 ԥсшьарамшқәаны ирылаҳәоуп, абри азы аусԥҟа инапы аҵаиҩит Москва ахада Сергеи Собианин асабша рашәара 12 рзы.

Собианин иблог аҟны ишиҳәаз ала, аҵыхәтәантәи амчыбжь азы акоронавирустә инфекциа алаҵәаразы иҟоу аҭагылазаашьа еицәахеит, ачымазара зыхьыз рхыԥхьаӡара иацлеит, ҵыԥхтәи ашықәс азы иреиҳаӡаз арбагақәа рҟынӡа ихалеит.

Иара иажәақәа рыла, апациентцәа рацәаҩны рыдкылара алыршаразы акоронавирус зыхьуа рзы зықь ҭыԥ ҩаԥхьа bазырхиатәуп ақалақь амедицинатә центрқәа рҟны. 

Ҩаԥхьа аҩнынтәи аусурахь

Амер иажәақәа рыла, аҩнынтәи ахараусурахь излалшо ала ииасроуп COVID-19 аҟынтәи алаҵа ҟазымҵац аусзуҩцәа реиҳараҩык. Еиҳараӡак 65 шықәса ирҭысхьоу, ахроникатә чымазарақәа злоу атәылауаа.

Уи адагьы зықәрахь инеихьоу ауаа амҩа хара иқәымларц, аҩны рҽааныркыларц рабжьгоуп.

Иҵегьы аԥсшьарамшқәа

Москва ахада иара убас ачымазара аларҵәара аанкыларазы инапы аҵаиҩит рашәара 15-20 ԥсшьарамшқәаны иҟазҵо аусԥҟа, аусзуҩцәа руалафахәы рызныжьны. 

Ари аӡбамҭахь иаҵанакуеит анаплакқәеи аиҿкаарақәеи зегьы, рхатәтәра аформақәа ирыхьмырԥшкәа. Аха убри аан ақалақь азы аҵак ду змоу, аинфраструктура зхьыԥшу, атәылахьчара иаҵанакуа, иара убас "Росатом", "Роскосмос" уҳәа егьырҭ астратегиатә ҵакы змоу аусхкқәа знапы иану аусурахь ицәырҵроуп.

Арлахҿыхырҭақәа русура

Москва ахада адырра ҟаиҵеит рашәара 13-20 рзы ишаанкылахо арлахҿыхырҭақәа, ахәаахәҭратә центрқәа рҿы ахәыҷтәы уадақәа русура, акрыфарҭа маҷқәа уҳәа русура.

Уи адагьы азеиԥш крыфарҭақәа, уахынла аус зуа арлахҿыхырҭақәа, ашәаҳәарҭақәа, абоулинг, акәашарҭақәа уҳәа аус рур ҟалаӡом уахынла – асааҭ 23.00 инаркны 6.00 рҟынӡа, идәылганы ауаа рымаҵ зуа аҭыԥқәа рыда. 

Уи адагьы ақалақь апарк дуқәа рҿи аԥсабараҿы аԥсшьарҭақәа рҿи иадыркуеит аттракционқәа, аҳәыҷтәи аспорттәи дәқәа, уҳәа аҳауаҿы иҟоу аԥсшьарҭаҭыԥқәа зегьы. Апаркқәа рҿы анеиааира заҵәык ауп иалшо. 

Собианин инаҵшьны иазгәеиҭеит ишьақәгылаз аепидемиологиатә ҭагылазаашьа аиааиразы аԥкрақәа рықәныҟәареи алаҵа аҟаҵареи шаҭаху, алаҵаҟаҵаратә пунктқәа зегьы абжьааԥнеиԥш аус руеит.

4
Атемақәа:
Аҿкычымазара – акоронавирус Аԥсни адунеи аҿи: иалкаау

Аҟәа абылра ахьыҟалаз уаанӡатәи акондитертә фабрикаҿы амца аанкылоуп

10
(ирҿыцуп 14:37 13.06.2021)
Аҟәа ақалақь Ешба имҩаҿы игылоу уаанӡатәи акондитертә фабрика ахыбраҿы абылра ҟалеит амҽыша рашәара 13 рзы аҽнышьыбжьон, амца акит зықь ԥшьыркца метра инареиҳаны аҵакыра.

АҞӘА, рашәара 13 – Sputnik, Бадри Есиава. Аҟәа абылра ахьыҟалаз уаанӡатәи акондитертә фабрикаҿы амца ырцәоуп ҳәа аҭыԥ аҟынтәи адырра ҟаиҵоит Sputnik акорреспондент.

Аҭагылазаашьа ҷыдақәа рзы аминистр Лев Кәыҵниа иажәақәа рыла, амца уаҳа иацлаӡом, амцарцәаҩцәа ахыбра иҩналаны аихагылақәа зегьы ргәаҭара иалагеит.

Аҵыхәтәантәи адыррақәа рыла, амцарцәара иаҿын Аҟәа ақалақьи Аҟәеи Гәылрыԥшьи араионқәеи иртәу амцарцәаратә гәыԥқәа ааба. Иара убас ацхыраара ҟарҵеит урыстәылатәи аруаа.

© Sputnik / Томас Тхайцук

Аҭыԥ аҟны аус руеит амилициа аусзуҩцәа, Аԥсны АҶА амедицинатә усбарҭеи аԥшаара-еиқәырхаратә гәыԥи русзуҩцәа.

Амцарцәаразы иадԥхьалан Аҟәа ақалақь ахадара иатәу аӡымҩангага машьынагьы.

Амцакра азеиԥш ҵакыра зықь ԥшьыркца метра инареиҳауп.

Заанаҵатәи адыррақәа рыла, амца акит ахыбра аҭуан, уи мзызс иаиуз аҭҵаара иаҿуп. Ауааԥсыра рахьтә аӡәгьы ааха имоуӡеит.

10