Авирус аҽеиҭакра иахьмырԥшкәа ахьчара зылшо алаҵа аус адырулоит

11
Мшаԥымзазы Афедералтә медицина-биологиатә маҵзура адырра ҟанаҵеит акоронавирус апрофилактикеи ахәышәтәреи алзыршо алаҵа "МИР-19" азы апатент шаиуз.

АҞӘА, рашәара 3 - Sputnik. Урыстәыла Афедералтә медицина-биологиатә маҵзура (ФМБА) алаҵа ҿыц COVID-19 аиҭакрақәа зегьы рацәыхьчара алшоит ҳәа еиҭалҳәеит амаҵзура анапхгаҩы ихаҭыԥуаҩ Татиана Иаковлева агазеҭ "Известия" аинтервиу аҭо. Абри атәы аанацҳауеит РИА Новости.

Хәажәкырамзазы ФМБА анапхгаҩы Вероника Скворцова аҳәамҭа ҟалҵеит амаҵзура аус шаднауло акоронавирус аҟынтә алаҵа ҿыц, ахыцҩаӡарала аиммунитет аманы: ацәеижьҿагылақәа мызла иҟазар, ахыцтәқәа шықәсыла, 13-17 шықәса инарзынаԥшуа рыҟазаара алшоит. Скворцова илҳәеит ФМБА аҿы ишақәгәыӷуа аклиникаԥхьатә ҭҵаарақәа ԥхынгәымзазы ихыркәшаны, рклиникатә ҭҵаарақәа рфаза иалагап ҳәа.

Иаковлева лажәақәа рыла, ари апрофилактикатә лаҵа егьырҭ излареиԥшым фымз иҟоу, хӡык иазырхоу агуморалтә иммунитет аиура адагьы, инарҭбаау аиммунитет аиура ахьалнаршо ауп. Акоронавирус SARS-CoV-2 аҽеиҭакра алшоит, ицәырнагоит иахьазы иҟоу алаҵақәа ззымчыдоу егьырҭ ахӡы-хкқәа.

"ФМБА аус зыднауло алаҵа, иара убасгьы ахыцтә иммунитет арҿиоит. Иарбанзаалак аҽеиҭакра иахьыԥшымкәа COVID-19 аҟынтәи уахьчоит", - лҳәоит Иаковлева.

Мшаԥымзазы Афедералтә медицина-биологиатә маҵзура адырра ҟанаҵеит акоронавирус COVID-19 апрофилактикеи ахәышәтәреи алзыршо алаҵа "МИР-19" (Малая Интерферирующая РНК) азы апатент шаиуз.

Урыстәыла агәабзиарахьчара аминистрра ашәҟәы иҭанагалахьеит алаҵақәа ԥшьба: "Спутник V" Гамалеи ихьӡ зху Ацентри РФПИ-и еицыҟарҵеит. Ари алаҵа адунеи аҟны раԥхьаӡа акәны COVID-19 хызҽуа ҳәа иҭарҩыз акәхеит. Жьҭаарамзазы иҭанаҩит даҽа лаҵакгьы - "ЭпиВакКорона", уи новосибирсктәи ацентр "Вектор" иаԥнаҵеит. Иара убасгьы Урыстәыла агәабзиарахьчара аминистрра иҭанаҩит COVID-19 хызҽуа ахԥатәи алаҵа "КовиВак". "КовиВак" аԥҵоуп Урыстәылатәи аҭҵаарадыррақәа ракадемиа иатәу М.П. Чумаков ихьӡ зху Аиммунологиатә препаратқәа рыҭҵаареи аус рыдулареи рфедералтә ҭҵаарадырратә центр аҟны, иара убас иҭыжьуп алаҵа "Спутник V" актәи ахәҭа "Спутник Лайт".

11
Атемақәа:
Аҿкычымазара – акоронавирус Аԥсни адунеи аҿи: иалкаау (1457)

Аексперт аштамм "мю" аҽеиҭакра ахәшьара алҭеит

3
(ирҿыцуп 15:07 27.09.2021)
Акоронавирустә инфекциа авариант "мю" раԥхьаӡа акәны ашәҟәы иҭагалан ажьырныҳәамзазы Колумбиа. Иара иахьазы иазгәаҭоуп 50 тәыла рҿы SARS-CoV2 ахкы ҳәа.

АҞӘА, цәыббра 27 - Sputnik. Акоронавирустә инфекциа авариант "мю" аштамм "дельта" иазаԥнагом ҳәа лҳәеит РИА Новости аинтервиу азҭаз  Џьорџь Меисон иуниверситет (ЕАА, Виргиниа) асистематә биологиа апрофессор, абиологиатә аҭҵаарадыррақәа  рдоктор, РАН амедико-генетикатә Центр агеномика алабараториа аусзуҩ  хада Анча Баранова.

Агәабзиарахьчараз адунеизегьтә еиҿкаара иазгәанаҭоит аштамм "мю"  аиммунттә ҭак аҽацәхьакра иадҳәалоу аҟазшьақәа амоуп ҳәа.

Авирус ари авариант ыҟазар ҟалоит "дельта" ахьыҟам ма иахьмаҷу ҳәа лҳәоит Баранова.

"Уаанӡа уаҩ дахьычмазаҩымхацыз анклавқәа ахьыҟоу инеир алшоит  авариант "мю". Иаҳҳәап  Москва "мю" аԥыжәара змоу  штаммны изыҟалом, избанзар ара "дельта" ыҟоуп", - лҳәеит аексперт.

Алаҵәара аамҭала аҵарауаа  "дельта"  "мю"  иаҿдырԥшӡом, избанзар авирусқәа ҩба аамҭак ала изеицлабуам ҳәа лҳәоит аҵарауаҩ.

3
Поездка президента РФ В. Путина в Берлин для участия в Международной конференции по Ливии

Ердогани Путини реиԥылараан излацәажәаша атемақәа азгәаҭоуп

4
(ирҿыцуп 12:24 27.09.2021)
Урыстәылеи Ҭырқәтәылеи рхадацәа Владимир Путини Типа Ердогани иааиуа амчыбжь азы еиԥылараны иҟоуп.

АҞӘА, цәыббра 27- Sputnik. Владимир Путини Таип Ердогани Шьамтәыла аҭагылазаашьа иалацәажәараны иҟоуп,  атеррористцәа макьаназ иахьыҟоу Идлибгьы алаҵаны, ҳәа иҳәеит Урыстәыла ахада ипресс-маӡаныҟәгаҩ Дмитри Песков ателеканал "Россия 1" аефир аҿы Владимир Соловев ипрограмма "Москва.Кремль.Путин" аҟны.

"Ҩ-тәылак рхадацәа аполитикатә мчхара аарԥшны аилацәажәарақәа мҩаԥыргоит еиуиеԥшым азҵаарақәа  рганахь ала. Излацәажәараны иҟоу ҭыԥқәак рҿы макьанагьы атеррористә активра ыҟоуп. Уи Шьамтәыла аҭышәныртәалара апроцесс иаԥырхагоуп. Уи зегьы амшхәаԥштә азҵаара ианыԥшышт", - иҳәеит Песков.

Урыстәыла ахада ипресс-маӡаныҟәгаҩ Дмитри Песков инаҵшьны иазгәеиҭеит Владимир Путини Таип Ердогани аизыҟазаашьа бзиақәа рымоуп ҳәа.

Уаанӡа Шьамтәыла ААР анапхгаҩы Феисал Микдад РИА Новости иазеиҭеиҳәахьан Шьамтәыла анапхгара рҵакыраҟынтә Ҭырқәтәыла ар алгазарц адҵа шыҟарҵо.

Шьамтәылаҟа ООН ахаҭарнак ҷыда Геир Педерсен нанҳәамзазы  иазгәеиҭеит Шьамтәыла араионқәак рҿы аимак аҽеибарххара иаҿуп ҳәа, 2020 шықәса ааԥынра аахыс асеиԥш аҭагылазаашьа аҽеиҭанамкыцызт ҳәа.

4

Очамчыра араион ахәҭак лашарада иаанхоит аҩаша цәыббра 28 рзы

3
(ирҿыцуп 19:55 27.09.2021)
Астанциа маҷқәа "Очамчыра-2", "Мықә", "Кәачара" дырцәоит аҩаша цәыббра 28 рзы.

АҞӘА, цәыббра 27 – Sputnik. Очамчыра араион ахәҭак лашарада иаанхоит асааҭ 10:00 инаркны 16:00 рҟынӡа цәыббра 28 рзы. Абри атәы аанацҳауеит "Амшынеиқәафымцамч" апресс-маҵзура.

Ари аамҭазы ирцәахоит астанциа маҷқәа "Очамчыра-2", "Мықә", "Кәачара".

Астанҵиа маҷқәа рырцәара иахҟьаны лашарада иаанхоит:

  • "Кәачара" - ақыҭақәа Ӷәада, Џьгьарда, Кәтол
  • "Мықә" - ақыҭақәа Ҷлоу, Ҭхьына, Маркәыла, Отап, Џьал
  • "Очамчыра-2" - Очамчыра ақалақь ахәҭа.

Аенергетикцәа ражәақәа рыла, аиҭашьақәыргыларатә усурақәа мҩаԥыргоит.

 

 

3