Еилкаахеит ахаратә усурала зеиҳа зыхәԥса ршәо азанааҭқәа

6
(ирҿыцуп 11:14 08.06.2021)
Ахаратә усурала зеиҳа зыхәԥса ршәо азанааҭқәа рсиаҿы аулафахәы 150-300 нызқьмааҭ инаӡоит.

АҞӘА, рашәара 8 - Sputnik. Рашәарамзазы ахаратә усураҿы реиҳа зыхәԥса ршәо занааҭны ишьоуп 1С аналитики интернет-маркетинг аҟәша аиҳаби рҭыԥ. Абри атәы РИА Новости изаанацҳауеит амаҵзура "Работа.ру".

Арҭ аҟазауаа амаҵзура аԥхьаӡарала мызкы аҩныҵҟа 300 000 мааҭ роуеит.

Аналитик иреиҳау атехникатә ма аекономикатә ҵара имазароуп, 1С аплатформаҿ аконфигурациақәа аус рыдулараз аԥышәа имазароуп: аплатформа аҩныҵҟатә механизмқәа идыруазароуп, 1С астандарттә функционал амодификациа ихыркәшоу апроектқәа ҟаиҵозароуп.

Аинтернет-маркетинг аҟәша аиҳабы хышықәса иреиҵамкәа аԥышәа имазароуп, аинтернет-маркетинг аҟәшақәа еиҿикаауазароуп, аконверсии ҳарак зманы иҟоу алендингқәа рыла апортфолио аԥиҵозароуп, копираитинги адизаин ахыҵхырҭақәеи идыруазароуп. Аԥыжәара рырҭоит атехникатә ҵараиурҭақәа рдипломқәа рымазаареи IT-сервисқәа аус рыдулараҿ аԥышәа рымазаареи.

Амаҵзура адыррақәа рыла 250 000 мааҭ рҟынӡа иоулар алшоит HR-директор. Уи аан иреиҳаӡоу аҵареи шықәсыбжактәи аԥышәеи имазароуп.

180 000 мааҭ иоур алшоит атипографиатә еилахәыра аменеџьер.

150 000 мааҭ идыргалар ҟалоит аконтекстә ӡыргара аҟазауаҩгьы.

6

Путин еиҭеиҳәеит акоронавирус аҟынтәи алаҵа шихигаз

3
Урыстәылатәи Афедерациа ахада имҳәаӡеит акоронавирустә инфекциаҟынтә иарбан лаҵоу иҟаиҵаз.

АҞӘА, рашәара 12 - Sputnik. Урыстәыла ахада Владимир Путин еиҭеиҳәеит акоронавирус аҟынтәи аҩбатәи алаҵаҟаҵараан аамҭа кьаҿк азы ишоура шхалаз ҳәа аанацҳауеит РИА Новости.

"Аҩбатәи агәыр аныҟасҵаз 12 сааҭ рышьҭахь маҷк сшоура халеит - 37,2. Уи ахәылбыҽхаз акәын. Адырҩаҽны санааԥш скәаԥӡа сыҟан", - иҳәеит Путин Урыстәылатәи Афедерациа аҳәынҭпремиақәа ранашьараан.

Иара акоронавирус аҟынтәи алаҵа ҟаиҵеит ааԥынразы. Уи ашьҭахь иҳақьымцәа ишырҳәоз ала, аиммунтә ҭак бзиа иман. Убри аан рыуа лаҵас иҟаиҵаз арбану атәы имҳәеит, иара иажәақәа рыла, уи здыруа иара иҳақьым заҵәык иоуп.

Акоронавирустә инфекциаҟынтәи алаҵаҟаҵаратә кампаниа Аԥсны иалагеит лаҵара 12 рзы. Ауааԥсыра ирыларҵоит урыстәылатәи алаҵа "Спутник V". Рашәара 11 рызтәи аҭагылазаашьала Аԥсны алаҵа рзыҟарҵахьеит 2772-ҩык ауааԥсыра.

3
Атемақәа:
Аҿкычымазара – акоронавирус Аԥсни адунеи аҿи: иалкаау

Москва ахада акоронавирустә ԥкрақәа ирӷәӷәеит аепидҭагылазаашьа ахьеицәахаз азы

4
(ирҿыцуп 19:08 12.06.2021)
Иҳаҩсыз уахыки-ҽнаки рыла Москва иаарԥшуп ԥхынҷкәын 26 раахыс иреиҳаӡоу акоронавирустә хҭысқәа рхыԥхьаӡара. 

АҞӘА, рашәара 12 - Sputnik. Москва аепидемиологиатә ҭагылазаашьа ахьеицәахаз азы агәмырҿыӷьратә центрқәа, ахәаахәҭратә центрқәа рҿы ахәыҷтәы уадақәа, уахынла аус зуа арлахҿыхырҭақәа уҳәа русуразы аԥкрақәа еиҭадырхынҳәит, иара убас рашәара 15-20 ԥсшьарамшқәаны ирылаҳәоуп, абри азы аусԥҟа инапы аҵаиҩит Москва ахада Сергеи Собианин асабша рашәара 12 рзы.

Собианин иблог аҟны ишиҳәаз ала, аҵыхәтәантәи амчыбжь азы акоронавирустә инфекциа алаҵәаразы иҟоу аҭагылазаашьа еицәахеит, ачымазара зыхьыз рхыԥхьаӡара иацлеит, ҵыԥхтәи ашықәс азы иреиҳаӡаз арбагақәа рҟынӡа ихалеит.

Иара иажәақәа рыла, апациентцәа рацәаҩны рыдкылара алыршаразы акоронавирус зыхьуа рзы зықь ҭыԥ ҩаԥхьа bазырхиатәуп ақалақь амедицинатә центрқәа рҟны. 

Ҩаԥхьа аҩнынтәи аусурахь

Амер иажәақәа рыла, аҩнынтәи ахараусурахь излалшо ала ииасроуп COVID-19 аҟынтәи алаҵа ҟазымҵац аусзуҩцәа реиҳараҩык. Еиҳараӡак 65 шықәса ирҭысхьоу, ахроникатә чымазарақәа злоу атәылауаа.

Уи адагьы зықәрахь инеихьоу ауаа амҩа хара иқәымларц, аҩны рҽааныркыларц рабжьгоуп.

Иҵегьы аԥсшьарамшқәа

Москва ахада иара убас ачымазара аларҵәара аанкыларазы инапы аҵаиҩит рашәара 15-20 ԥсшьарамшқәаны иҟазҵо аусԥҟа, аусзуҩцәа руалафахәы рызныжьны. 

Ари аӡбамҭахь иаҵанакуеит анаплакқәеи аиҿкаарақәеи зегьы, рхатәтәра аформақәа ирыхьмырԥшкәа. Аха убри аан ақалақь азы аҵак ду змоу, аинфраструктура зхьыԥшу, атәылахьчара иаҵанакуа, иара убас "Росатом", "Роскосмос" уҳәа егьырҭ астратегиатә ҵакы змоу аусхкқәа знапы иану аусурахь ицәырҵроуп.

Арлахҿыхырҭақәа русура

Москва ахада адырра ҟаиҵеит рашәара 13-20 рзы ишаанкылахо арлахҿыхырҭақәа, ахәаахәҭратә центрқәа рҿы ахәыҷтәы уадақәа русура, акрыфарҭа маҷқәа уҳәа русура.

Уи адагьы азеиԥш крыфарҭақәа, уахынла аус зуа арлахҿыхырҭақәа, ашәаҳәарҭақәа, абоулинг, акәашарҭақәа уҳәа аус рур ҟалаӡом уахынла – асааҭ 23.00 инаркны 6.00 рҟынӡа, идәылганы ауаа рымаҵ зуа аҭыԥқәа рыда. 

Уи адагьы ақалақь апарк дуқәа рҿи аԥсабараҿы аԥсшьарҭақәа рҿи иадыркуеит аттракционқәа, аҳәыҷтәи аспорттәи дәқәа, уҳәа аҳауаҿы иҟоу аԥсшьарҭаҭыԥқәа зегьы. Апаркқәа рҿы анеиааира заҵәык ауп иалшо. 

Собианин инаҵшьны иазгәеиҭеит ишьақәгылаз аепидемиологиатә ҭагылазаашьа аиааиразы аԥкрақәа рықәныҟәареи алаҵа аҟаҵареи шаҭаху, алаҵаҟаҵаратә пунктқәа зегьы абжьааԥнеиԥш аус руеит.

4
Атемақәа:
Аҿкычымазара – акоронавирус Аԥсни адунеи аҿи: иалкаау

Аԥсны акоронавирус зыхьуа даҽа 45-ҩык рыцлеит иҳаҩсыз уахыки-ҽнаки рыла

3
(ирҿыцуп 22:57 12.06.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 15756-ҩык ыҟоуп, ргәы бзиахеит 15069-ҩык, рыԥсҭазаара иалҵит 238-ҩык.

АҞӘА, рашәара 12 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 177-ҩык атестқәа рзыҟаҵан, урҭ рахьтә 45-ҩык рцәа акоронавирус шалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 38-ҩык, урҭ рахьтә 37-ҩык акоронавирус адиагноз рзышьақәыргылоуп, рҭагылазаашьа бааԥсуп 12-ҩык, ибжьаратәуп - 26-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 40-ҩык апациентцәа, урҭ рахьтә ааҩык рҭагылазаашьа уадаҩуп. Очамчыра ирхәышәтәуеит 10-ҩык, Гагратәи ахәышәтәырҭаҿы - 15-ҩык, Тҟәарчалтәи ахәышәтәырҭаҿы - ааҩык апациентцәа.

Акоронавирус иазку ажәабжьқәа зегьы шәрыԥхьар ҟалоит абра>>

3
Атемақәа:
Аҿкычымазара – акоронавирус Аԥсни адунеи аҿи: иалкаау