Владимир Путин "Россия сегодня" 80 шықәса ахыҵра рколлектив ирыдиныҳәалеит

8
(ирҿыцуп 13:57 24.06.2021)
80 шықәса раԥхьа, рашәара 24 1941 азы иаԥҵан Совинформбиуро, МИА "Россия сегодня" иахыҵхырҭоу.

АҞӘА, рашәара 24 - Sputnik. Урыстәыла ахада Владимир Путин МИА "Россия сегодня" 80 шықәса ахыҵра адиныҳәалеит ҳәа аанацҳауеит РИА Новости. Путин аколлектив ирзеиӷьеишьеит ԥхьаҟа иҿиаларц.

"Ишәыдысныҳәалоит Жәларбжьаратәи аинформациатә маҵзура "Россия сегодня" 80 шықәса ахыҵра. Ишәзеиӷьасшьоит шәзыхьӡахьоу аҿы шәаанымгылакәа, ԥхьаҟагьы шәыҿиаларц. Абзиарақәа шәԥеиԥшзааит", - ҳәа аҳәоит Кремль асаит аҿы икьыԥхьу ателеграммаҿ.

Атәыла ахада иазгәеиҭеит амаҵзура аколлектив ламысцқьала русура, активла атәыла аԥсҭазаара ралахәра, жәларбжьаратәи аинформациатә ҵакыраҿы аԥыжәара аманы ишыҟоу.

МИА "Россия сегодня" – жәларбжьаратәи аудиториазы иналукааша урыстәылатәи информацианагаҩуп. Урыстәыла ихадоу брендны иҟоуп РИА Новости, аҳәаанырцә иара иахаҭарнакуп аинформациатә маҵзуреи арадиои Sputnik.

Амаҵзура 80 шықәса ахыҵра иара убасгьы иадырныҳәалеит Афедерациатә хеилак ахантәаҩы Валентина Матвиенко, Москва ахада Сергеи Собианин, Урыстәыла ААР аофициалтә хаҭарнак Мариа Захарова.

8

Шә-миллиард долларла адунеитә економика аиҭашьақәыргылара иазырхахоит

7
Агәабзиарахьчаразы адунеизегьтәи аиҿкаара 2020 шықәса хәажәкыра 11 азы ирыланаҳәеит аҿкчымазара ҿыц COVID-19 адунеи зегь шамҽханакыз.

АҞӘА, нанҳәа 3- Sputnik. Жәларбжьаратәи авалиутатә фонд (МВФ) 650 миллиард доллар аԥара азоунажьуеит апандемиа ашьҭахь адунеитә економика аиҭашьақәыргыларазы. Абри азы адырра ҟанаҵоит аиҿкаара.

Жәларбжьаратәи авалиутатә фонд аиҳабы Кристалина Георгиева лажәақәа рыла ари аӡбра "ҭоурыхтә ӡбамҭоуп" акризис аамҭазы алаҵаҟаҵара иаҩызоуп.

МВФ асаит аҿы иазгәаҭоуп аԥара аихшара нанҳәа 23 азы ишалаго. Афонд алахәылацәа зегьы рыквотақәа ирҿырԥшны азинқәа роуеит.

275 миллиард доллар рзырхахоит ахашәала маҷ змоу атәылақәа ҳәа азгәанаҭеит МВФ.

7

Ҭырқәтәыла уажәыгьы амцарцәара иаҿуп

8
Аҵыхәтәантәи амшқәа рыҩнуҵҟа Ҭырқәтәыла шәҭыԥк рҟынӡа амцакра ахьыҟаз идырцәеит. Макьаназ хылаԥшрада иаанхоит акурорттә провинциақәа Анталиеи Муглаи иахьрыҵанакуа хә-ҭыԥк.

АҞӘА, нанҳәа 2 - Sputnik. Ҭырқәтәыла аладатәи акалҭ аҿы амцакрақәа бжьыџьара арцәара иаҿуп. 125 мцакраҭыԥ анапаҿы иааргахьеит ҳәа аанацҳауиет РИА Новости атәыла ақыҭанхамҩеи абнанхамҩеи рминистр Беқьыр Пакдемирли иажәақәа шьаҭас иганы.

"125 мцакра ириааиуп, апровинциақәа Анталиа, Мугла, Ыспарта рҿы амцарцәара иаҿуп 16 ҳаирплани 51 вертолети 850 мцарцәага машьынеи, хәнызқьҩык рҟынӡа аусзуҩцәеи. Егьырҭ атәылақәа рҟынтәгьы ацхыраара ҳауеит – Урыстәыла, Украина, Азербаиџьан, Испаниа, Хорватиа уҳәа егьырҭ рҟынтәгьы", - иҳәеит Пакдемирли ажурналистцәа дрыҿцәажәо.

Уаанӡа аиҳабыра ргазеҭ Yeni Safak аҳәамҭа ҟанаҵеит амцацраҵара ахахьы иагеит агәыԥ "Дети огня", Курдистан аусутә партиа иадҳәалоу ҳәа. Аха ари макьана ишьақәырӷәӷәам.

Пакдемирли иҳәеит ахара зхароу аанкылахар, азакәан инақәыршәаны ахара рхараҵахоит ҳәа.

Аҵыхәтәантәи амшқәа рыҩнуҵҟа Ҭырқәтәыла шәкы рҟынӡа амцакра дырцәеит. Макьаназ ахылаԥшра рзамҭацт хә-мцакрак акурорттә провинциақәа Анталиеи Муглаи.

Агәабзиарахьчара аминистр Фахреттин Коджа лажәақәа рыла ааҩык ҭахеит, 864-ҩык ааха роуит.

8

Аԥсны ААР "ампыҵахалара ахыхраз" Қырҭтәыла арезолиуциа апроект ахҳәаа анаҭеит

4
Ампыҵахалара ахыхрази аурыс-ақырҭуа еимак ҭынчмҩала аҭышәныртәаларази арезолиуциа уаанӡа, нанҳәа 2 рзы иалацәажәеит Қырҭтәыла Апарламент азинтә зҵаарақәа реилак аҿы.

АҞӘА, нанҳәа 3 - Sputnik. Аԥсны Адәныҟатәи аусқәа рминистрра "ампыҵахалара ахыхрази" аурыс-ақырҭуа еимак ҭынчмҩала аҭышәныртәаларази арезолиуциа "аԥсҭазаара иаҟәыгоу, аԥсуа-ақырҭуа еиҿагылара амзыз еиҭазкуа" акоуп ҳәа азгәанаҭеит. Абри атәы кьыԥхьуп аусбарҭа асаит аҿы.

Аԥсны ААР адырра ала, Қырҭтәыла иаднакылаз адокумент аҿы Урыстәылатәи Афедерациахь ааԥхьара ҟанаҵоит Аԥсни Аахыҵ Уаԥстәылеи "ампыҵахалара рхыхраз", иазхаҵоу рхьыԥшымра мап ацәнакырц, иара убасгьы аетникатә ҟазшьала ауаа еилырымхларц, Женеватәи аиҿцәажәарақәа рҟны аконструктивтә ҟазшьала ахы мҩаԥнагаларц азы ҳәа.

Аусбарҭаҿ иазгәарҭеит 1992 шықәсазы Аԥсны аибашьра алагаразы аҭакԥхықәра зду Қырҭтәыла шакәу, иара убас, Аахыҵ Уаԥстәыла 2008 шықәсазы аҭыԥ змаз ахҭысқәа рызгьы ахара дара ишрыду.

"Иазгәаҭатәуп Қырҭтәыла амчрақәа ишырҭаху аԥсуа-ақырҭуа еимак аурыс-ақырҭуа еимак акәушәа ауаа дырбара, аха уи изаҟаразаалак ҵаҵӷәык амам. Иззыҟарҵогьы аҭакԥхықәра рҽацәхьакны ахара ирыду мап ацәыркырц ауп", - ҳәа аҳәоит ареспублика адәныҟаполитикатә усбарҭа ахҳәааҿы.

Аԥсны адәныҟатәи аусқәа рминистрра Женеватәи аиҿцәажәарақәа ирлахәылоу жәларбжьаратәи абжьаҟазацәа рахь ааԥхьара ҟанаҵоит 1992–1993 шықәсқәеи 2008 шықәсеи рзы Қырҭтәыла ахымҩаԥгашьа цәгьоуроуп ҳәа иршьарц, Аԥсни Қырҭтәылеи рыбжьара амч ахамырхәаразы аиқәшаҳаҭра анапаҵаҩра иацхраарц.

Аусбарҭа иара убасгьы ааԥхьара ҟанаҵоит Аҟәеи Қарҭи рыбжьара еиҟароу аҳәынҭқаррабжьаратә еиҿцәажәарақәа рышьақәыргылара иацхраарц Аахыҵ Кавказ акраамҭатәи аҭынчреи аҭышәынтәалареи реиҿкаара хықәкыс иҟаҵаны.

Аԥсуа дипломатцәа иазгәарҭоит ақырҭуа ган Женеватәи аиҿцәажәарақәа рҳәаақәа ирҭагӡаны аполитикатә ҭахра аарԥшны рконструктивтә позициа иқәныҟәар шрыхәҭоу. Избанзар аиҿцәажәарақәа рлахәылацәа зегьы ззыԥшу Қырҭтәыла аконструктивтә хымҩаԥгашьа ауп.

4