Ҟәыбина аҿкычымазара аҽанарцәгьа аԥсшьарҭатә ҩнқәа аобсерваториа ахь ииаргоит

9
(ирҿыцуп 13:33 26.06.2021)
Нанҳәа 1 инаркны Краснодартәи атәылаҿацә аҟны аԥсшьаразы азин рымоуп аҿкычымазара аҟынтәи алаҵа ззыҟаҵоу аԥсшьаҩцәа.

АҞӘА, рашәара 26 - Sputnik. Аҿкычымазара аҽанарцәгьа Краснодартәи атәылаҿацә аотельқәеи асасааирҭақәеи иаразнак аобсерваториа ахь ииаргоит, ҳәа иҳәеит арегион агубернатор Вениамин Кондратев.

"Еилкаатәуп аҽкы ахьаарԥшхаз аԥсшьарҭатә ҩны иаразнак аобсерватор ахь ишиасуа. Уи аӡәгьы ииҭахым", - иҳәеит Кондратев.

Ԥхынгәы 1 инаркны иаҭахуп иҵоурам ПЦР-тест, ма алаҵа шыҟаҵоу азы адокумент. Нанҳәа 1 инаркны асасцәа рыдыркылалоит алаҵа шрымоу азы асертификат рымазар.

Кондратев иажәақәа рыла аԥсшьаҩцәа рзы иаԥҵоу аԥҟарақәа рынагӡара уадаҩым- алаҵа ҟарҵоит атәыла аҩныҵаҟа иахьыҟазаалак хәыда-ԥсада.

Краснодартәи атәылаҿацә аҿы иалагалоу аԥкрақәа рзы аԥсшьаҩцәа рхыԥхьаӡара амаҷхара иаԥырхагахеит ҳәа атуроператорцәа рҳәамҭақәа рҭакқәа ҟаиҵеит Кондратев.

"Аԥсшьаҩцәа рхыԥхьаӡара аизҳара атуроператорцәа ируалым. Ҳаҭырла ҳарзыҟоуп, атәылаҿацә аҟны дара анырра ҟарҵаӡом агәабзиарахьчареи аҿкычымазара аиқәтәареи рзы", - иҳәеит иара.

"Вестник АТОР" ишаҩуа ала, алаҵаҟаҵаразы аҽҭаҩра иааиуа амшқәа рзы иҟалаӡом.

 

 

9

Ермантәылеи Азербаиџьани реинышәара аилагаразы ахара рыдибаҵоит

1
(ирҿыцуп 09:30 29.07.2021)
Лаҵара 12 азы акраамҭатәи аҭышәынтәалара ашьҭахь Ермантәылеи Азербаиџьани реизыҟазаашьақәа рыҽдырцәгьеит.

АҞӘА, ԥхынгәы 29 - Sputnik. Ермантәыла атәылахьчара аминистрра аҳәамҭа ҟанаҵеит азербаиџьантәи ар аԥшьаша ауыха аерманцәа рпозициақәа ирылахысуан ҳәа. Абри атәы аанацҳауеит РИА Новости.

"Ԥхынгәы 29 асааҭ 03.00 (02.00 мск) азы аҳәаа гегаркунитәи аучасток аҿы азербаиџьантәи аруаа аиқәшаҳаҭра еилаганы апровокациақәа ирылагеит, аерманцәа рпозициақәа иреихсуан. Аерман ган аҭак ашьҭахь ахымца аанкылан. Асааҭ 07.00 (06.00 мск) рзы иҭынчроуп", - аҳәоит атәылахьчаратә усбарҭа адырраҿы.

Уаанӡа Азербаиџьан атәылахьчара аминистрра аҳәамҭа ҟанаҵахьан Ермантәыла аиқәшаҳаҭра еиланагеит ҳәа.

Ахаша Ереван адырра ҟанаҵеит аҳәааҿы аҭыԥ змаз аиҿахысраан хҩык ҭахеит хәҩык ахәрақәа роуит ҳәа.

Анаҩс Еревани Бақәеи ишьақәдырӷәӷәеит ахымца шааныркыло.

1

Акаҳуа ахә халар ҟалоит

6
(ирҿыцуп 11:42 28.07.2021)
Аԥсуа ҩнаҭақәа рҿы асасцәа шамахамзар акаҳуа рыдыргалоит.

АҞӘА, ԥхынгәы 28 - Sputnik. Нанҳәамзазы акаҳуа ахә 10-12 процент ишьҭыҵыр ҟалоит ҳәа аанацҳауеит РИА Новости, "Коммерсант" адыррақәа шьаҭас иҟаҵаны. Ари ажәабжь аҭыжьымҭа иазеиҭарҳәеит ахәаахәҭратә еилахәыра "Верный" аҟны.

Агазеҭ иазгәанаҭоит аалыҵ ахә ишацло азы адырра мзыз хаданы иазыҟоу Бразилиа сынтәа акаҳуа ахьымӷьацаз ауп. Иара убасгьы алогистика ахәԥсагь халеит.

Адәқьанқәа рҳа "Лента" "Коммерсант" аинформациа азышьақәдырӷәӷәеит, убри аан ирҳәеит ари азҵаара аҽа ӡбракгьы аиур шалшо.

6