Урыстәыла арегионқәа 13 рҟны 130 нызқьҩык ӡыдеи лашарадеи иаанхеит

10
Секунд ала 20 метра зӷьыра ыҟаз аԥша зҵаз ациклон Урыстәыла аҵакыра иахысит.

АҞӘА, рашәара 29 - Sputnik. Урыстәыла арегионқәа 13 рҟны 540 еиланхарҭа 130 нызқьҩык ауааԥсыра ӡыдеи лашарадеи иаанхеит 20 метра иҟаз аԥша зҵаз ациклон иахҟьаны ҳәа аанацҳауеит РИА Новости.

"Ацентртә, Приволжсктәи, Аҩада-Мраҭашәаратәи афедералтә округқәа ирыҵаркуа Урыстәыла арегионқәа 13 рҟны 539 еиланхарҭа фымцалашарала реиқәыршәара еиԥҟьеит", - ҳәа азгәанаҭоит амаҵзура.

Амшбааԥс иааидкыланы 61 муниципалтә еиҿкаара амҽханакит, лашарада иаанхеит 47,5 нызқь ҩны, 429 ҵла каҳаит, 69 хыб хнаҟьеит, 88 автомашьына ааха роуит.

Аҩаша, асааҭ 06:00 рзы Чувашиа, Мордовиа, Нижегородтәи, Улиановсктәи, Вологодстәи аобластқәа рҿы лашарада иаанханы иҟан 123 еиланхарҭа ҭыԥ, зыҟны 53 нызқьҩык ауааԥсыра нхо.

Иҟоу азԥхьагәаҭарақәа рыла рашәара 29 азы ациклон аҩада-мрагыларахьтәи ахырхарҭала ииасуеит, анырра рнаҭоит Ацентртәи Аҩада-Мраҭашәаратәи афедералтә округқәа, аиҳаракгьы – Псковтәи, Новгородтәи, Ленинградтәи аобластқәа.

10

Путин ҩ-тәылауаҩрак аиуразы Аахыҵ Уаԥстәылеи Урыстәылеи рыбжьара аусԥҟа дақәшаҳаҭхеит

0
Урыстәыла адәныҟатәи аусқәа рминистрра анапы ианҵоуп Урыстәылатәи Афедерациа ахьӡала аиқәшаҳаҭра анапаҵаҩра.

АҞӘА, нанҳәа 5 - Sputnik. Урыстәыла ахада Владимир Путин ҩ-тәылауаҩрак аиуразы Аахыҵ Уаԥстәылеи Урыстәылеи рыбжьара аиқәшаҳаҭра дақәшаҳаҭхеит, абри азы аусԥҟа кьыԥхьуп азинтә информациа аофициалтә интернет-портал аҿы.

"Урыстәыла адәныҟатәи аусқәа рминистрра афедералтә анагӡаратә мчрақәа рақәшаҳаҭрала ҩ-тәылауаҩрак аиуразы Аахыҵ Уаԥстәылеи Урыстәылеи рыбжьара аиқәшаҳаҭра анапаҵаҩраз иҟанаҵаз ажәадгала адкылазааит. Аахыҵ Уаԥстәыла уаанӡа аус зыднауылахьаз аиқәшаҳаҭра апроект адгылара ҟаҵо, Урыстәыла адәныҟатәи аусқәа рминистрра аԥсахрақәа ралагаларазы азин аҭазааит", - аҳәоит адырраҭараҿы.

Аиқәшаҳаҭра актәи ахәҭаҷ ала "Аганқәа руак атәылауаа ирымоу атәылауаҩра мап ацәымккәа егьи Аган атәылауаҩра аархәар рылшоит".

Аиқәшаҳаҭра ахәбатәи ахәҭаҷ ала ҩ-тәылауаҩрак змоу ахаҿқәа аррамаҵзура иахысуеит иахьынхо аҭыԥ аҿы. Уи адагьы ганк аҿы аррамаҵзура иахысыз, егьи аган аҿы арранаԥхьара даҵанакуам.

Аԥсни Урыстәылеи ҩ-тәылауаҩрак аиуразы аиқәшаҳаҭра рнапы аҵарҩит 2002 шықәсазы. 2008 шықәсазы, Урыстәыла Аԥсны аназханаҵа ашьҭахь ари аус аанкылан.

0

WhatsApp афункциа ҿыц аусура иалагоит

5
(ирҿыцуп 10:10 05.08.2021)
Аопциа ҿыц асмартфонқәа рҿы ахархәара алшо иҟалоит WhatsApp амессенџьер шааиҭарыцхалак.

АҞӘА, нанҳәа 5 - Sputnik. WhatsApp зҽызҵәахуа афотоқәеи авидеоқәеи рынашьҭра афункциа аартхоит ҳәа рҳәеит аилахәыра ахаҭарнакцәа.

Ахархәаҩцәа рфотосахьақәеи авидеоқәеи рышьҭлар алшоит аопциа "Знык ахәаԥшра" ацхыраарала. Афотосахьақәеи авидеоқәеи знык урыхәаԥшуеит нас ианыҵуеит.

Ари аҩыза афункциа аус ауеит Instagram аҿы: изауа акнопка дақәыӷәӷәоит, асахьа ма авидео ибоит, уи анаҩс урҭ ықәҵуеит.

WhatsApp аҿы ирҳәом ари ишаанамго изауыз скринрекордер ала аҭаҩра илшом ҳәа.

5