Ердоган иҳәеит аӡымҩахгага "Сҭампыл" аусурақәа анхыркәшахо атәы

9
(ирҿыцуп 11:01 01.07.2021)
Аӡымҩахгага "Сҭампыл" Амшын еиқәеи Амармалташь мшыни еиднаҳәалоит. Иара Босфор альтернативаны иазыҟалоит. Аргылара хацдыркит рашәара 26 азы.

АҞӘА, ԥхынгәы 1- Sputnik. Ҭырқәтәыла ахада Таип Ердоган аҳәамҭа ҟаиҵеит аӡымҩахгага "Сҭампыл"  Босфор иаваршәны Амшын еиқәеи Амармалташь мшыни еиднаҳәалоит, аргылара лассы иалагоит ҳәа. Абри атәы аанацҳауеит РИА Новости.

"Ҳара аӡымҩахгага  мацара акәым иҳаргыло, ара иҟалоит  абаӷәазақәа, аинфраструктуратә ргыларақәа, аӡәырҩы ҭыԥла еиқәзыршәо. Аӡымҩахгага, ақалақь Сҭампыл аԥс ҿыц аханаҵоит. Фышықәса рышьҭахь иара ахархәарахь ирыҭахоит", - иҳәеит Ердоган.

Иара убас Ердаган иҳәеит аӡымҩахгага акәша-мыкәша адгьылҵысра ду зычҳауа, 500 000-ҩык рҟынӡа ауаа зыҩнаҵахо аҩнқәа шыргылахо.

Аӡымҩахгага "Сҭампыл" аргылара хацдыркит рашәара 26 азы. Апроект анагӡараз ашьапы кын ацҳақәа фба руак.

Апроект нагӡахар Ҭырқәтәыла иналукааша инфраструктуратә ԥшьгамҭахоит, Босфор атранспорттә нырра еиҵанатәуеит.

9

Аладатәи арратә округ адҵаҟаҵаҩ: Амшын еиқәаҿы НАТО аҽазыҟаҵарақәа ҳархылаԥшуеит

4
Рашәара 28 инаркны ԥхынгәы 10 рҟынӡа Амшын еиқәаҿы Аҩада-атлантикатәи алианс арратә ҽазыҟаҵарақәа Sea Breeze 2021 мҩаԥысуан.

АҞӘА, ԥхынгәы 25 - Sputnik. Амшын еиқәаҿы иааиԥмырҟьаӡакәа имҩаԥысуа НАТО аҽазыҟаҵарақәа есымшааира ҳалаԥш рхуп, апровокациақәа ҳәа акыр ҟалозар, иахәҭоу аҭак раҳҭоит иҳәеит Аладатәи арратә округ архәҭақәа рыдҵаҟаҵаҩ Александр Дворников, абри атәы аанацҳауеит РИА Новости.

"Амшын еиқәаҿы иааиԥмырҟьаӡакәа имҩаԥысуа НАТО аҽазыҟаҵарақәа есымшааира ҳалаԥш рхуп, апровокациақәа ҳәа акыр ҟалозар, иахәҭоу аҭак раҳҭоит", - иҳәеит Дворников Арра-мшынтә флот амш иазкны Севастополь имҩаԥысуаз агәырӷьаратә усмҩаԥгатәқәа раан. 

Иара иажәақәа рыла, Урыстәыла аганахьала иаҳа-иаҳа изцыло арра-политикатә қәыӷәӷәара аныҟоу аамҭазы Амшынеиқәатә флот атәыла ашәарҭадара ахьчоит иара анапы иану аусхк аҿы.

Рашәара 28 инаркны ԥхынгәы 10 рҟынӡа Амшын еиқәаҿы Аҩада-атлантикатәи алианс арратә ҽазыҟаҵарақәа Sea Breeze 2021 мҩаԥысуан. Урҭ ирлахәыла хадақәаны иҟан - Украина, Еиду Америкатәи аштатқәа, Канада, Британиа Ду, Нидерландқәа, Румыниа, Болгариа, Бырзентәыла, Ҭырқәтәыла, Латвиа.

Аҽазыҟаҵарақәа ирылахәын арратә ӷбақәа, ашхәақәа, ацхыраагӡатә нышьқәа 40, 30 ак авиациатә техника, 100 ак инеиҳаны акәылӡтәы техникеи автомашьынақәеи.

4
Вывеска компании Tesla

Илон Маск афымцамобильқәа Tesla абиткоин азы рыҭира деиҭалагар шыҟало иҳәеит

16
(ирҿыцуп 13:43 22.07.2021)
Tesla абиткоинқәа рзы афымцамобильқәа рыҭира даҟәыҵит 2021 шықәса лаҵарамзазы, акриптовалиута арҳаразы адгьыл аҵатә былтәы, ҷыдала арацәа рхы иахьадырхәо азы.

АҞӘА, ԥхынгәы 22 - Sputnik. Амиллиардер Илон Маск напхгара зиҭо аилахәыра Tesla аҟны азин ҟаиҵеит абиткоинқәа хәшәагак аиԥш ирыдыркылаларц, амала акриптовалиута еиҳа аекологиатә ҟазшьа анаиулак. Абри атәы аанацҳауеит РИА Новости.

"Еиҭахарҿиаау афымцамч ахархәарахь маҷ-маҷ ииасуеит абиткоин", - иҳәеит иара.

Tesla абиткоинқәа рзы афымцамобильқәа рыҭира даҟәыҵит 2021 шықәса лаҵарамзазы, акриптовалиута арҳаразы адгьыл аҵатә былтәы, ҷыдала арацәа рхы иахьадырхәо азы.

Уи адагьы амиллиардер иҳәеит напхгара зиҭо аилахәырақәа Tesla, SpaceX уаанӡа иаархәахьаз абиткоинқәа рҭиуам ҳәа.

"Ҳара (Tesla - аред.) хаҭала сареи напхгара зысҭо аилахәырақәа Tesla, SpaceX уаанӡа иааҳхәахьаз абиткоинқәа ҳҭиуам. SpaceX, Tesla сара абиткоинқәа ҳамоуп", - иҳәеит Маск "The B Word" аконференциаҿ.

Маск иҳәеит егьырҭ акриптовалиутақәа – Ethereum, Dogecoin шимоу.

16

Раионк аԥсҭазаараҟынтә: Габлиа Акаԥа ақыҭа иамоу ауадаҩрақәа ртәы

0
(ирҿыцуп 19:23 25.07.2021)
Акаԥа ақыҭа ахада Зураб Габлиа арадио Sputnik аефир аҿы еиҭеиҳәеит афымцалашареи амҩақәеи рзы ирымоу ауадаҩра атәы, иҳәеит анхацәа ирыбзазашьоу.
Раионк аԥсҭазаараҟынтә: Габлиа ақыҭа Акаԥа иамоу ауадаҩрақәа ртәы

Аиҿцәажәараҿы ақыҭа ахада иҳәеит уаанӡа аӡазы ирымаз ауадаҩра шаԥыху, уажәы изыргәамҵуаны иҟоу афымцалашара амчхара амаҷра шакәу.

"2014 шықәса рзы иргылан ашьаҟақәа. Уи аахас ацәаҳәақәа рыҟаҵара алмыршахеит. Ааигәа ҳақәдыргәыӷит ари апроблема шыӡбахо. Ҳара иаҳҭахуп 3 километра афымцатә цәаҳәақәа. Иахьа иҳамоу алашара амчхара даара имаҷуп, иҳазхаӡом", - ҳәа еиҭеиҳәеит Габлиа.

Акаԥа ақыҭа ахада иҳәеит амҩақәа рҭагылазаашьа уамак ишҽеим, убри аан ақыҭатәи ауахәама иаҭаауа рхыԥхьаӡара рацәоуп, аԥсшьаҩцәагьы уахь иналаҵаны.

"Ааигәа иҟаз амшцәгьаан амҩа еиҳагьы иԥхасҭахеит. Акомиссиа ыҟан, ирбеит, иаарласны аҭагылазаашьа аҽеиҭанакып ҳәа ҳақәгәыӷуеит", - ҳәа азгәеиҭеит Габлиа.

Иаҳа инеиҵыху аиҿцәажәара шәазыӡырҩыр шәылшоит аудиофаил аҿы.

Иара убас шәаԥхьар ҟалоит:

0