Афедералтә мҩа "Џьубга-Шәача" аҟны аныҟәара хацыркуп

8
(ирҿыцуп 11:16 06.07.2021)
Ԥхынгәы 5 рзы Шәача илеиз ақәаршҩы иахҟьаны аӡқәа хыҵит, аӡымҭҟьар амҩаду ианылеит.

АҞӘА, ԥхынгәы 6 - Sputnik. Афедералтә мҩа А-147  "Џьубга-Шәача" аҟны аныҟәара хацыркхеит ашьыжь, асааҭ фба рзы, абри атәы аанацҳауеит РИА Новости Краснодартәи атәылаҿацә иатәу АҶА ражәақәа шьаҭас иганы.

Амҩанысра аанкылан Кроианское ақыҭа илеиз аӡымҭҟьар иахҟьаны. Аӡыҳәынҵәа 40 метра амҩаду ианылеит. Аныҟәара анаанкылаз аамҭазы амашьынаныҟәцаҩцәеи апассаџьырцәеи ӡрыжәтәла еиқәыршәан, амедицинатә цхыраара аӡәгьы ииҭахымхеит, ҳәа азгәаҭоуп адырраҭараҿы.

Амҩақәа рхылаԥшра афедералтә усбарҭа "Черноморье" ишазгәанаҭаз ала, амҩанысра аанкылан хә-сааҭк.

Ԥхынгәы 5 рзы Шәача илеиз ақәаршҩы иахҟьаны аӡқәа хыҵит.

 

8

Шә-миллиард долларла адунеитә економика аиҭашьақәыргылара иазырхахоит

7
Агәабзиарахьчаразы адунеизегьтәи аиҿкаара 2020 шықәса хәажәкыра 11 азы ирыланаҳәеит аҿкчымазара ҿыц COVID-19 адунеи зегь шамҽханакыз.

АҞӘА, нанҳәа 3- Sputnik. Жәларбжьаратәи авалиутатә фонд (МВФ) 650 миллиард доллар аԥара азоунажьуеит апандемиа ашьҭахь адунеитә економика аиҭашьақәыргыларазы. Абри азы адырра ҟанаҵоит аиҿкаара.

Жәларбжьаратәи авалиутатә фонд аиҳабы Кристалина Георгиева лажәақәа рыла ари аӡбра "ҭоурыхтә ӡбамҭоуп" акризис аамҭазы алаҵаҟаҵара иаҩызоуп.

МВФ асаит аҿы иазгәаҭоуп аԥара аихшара нанҳәа 23 азы ишалаго. Афонд алахәылацәа зегьы рыквотақәа ирҿырԥшны азинқәа роуеит.

275 миллиард доллар рзырхахоит ахашәала маҷ змоу атәылақәа ҳәа азгәанаҭеит МВФ.

7

Ҭырқәтәыла уажәыгьы амцарцәара иаҿуп

8
Аҵыхәтәантәи амшқәа рыҩнуҵҟа Ҭырқәтәыла шәҭыԥк рҟынӡа амцакра ахьыҟаз идырцәеит. Макьаназ хылаԥшрада иаанхоит акурорттә провинциақәа Анталиеи Муглаи иахьрыҵанакуа хә-ҭыԥк.

АҞӘА, нанҳәа 2 - Sputnik. Ҭырқәтәыла аладатәи акалҭ аҿы амцакрақәа бжьыџьара арцәара иаҿуп. 125 мцакраҭыԥ анапаҿы иааргахьеит ҳәа аанацҳауиет РИА Новости атәыла ақыҭанхамҩеи абнанхамҩеи рминистр Беқьыр Пакдемирли иажәақәа шьаҭас иганы.

"125 мцакра ириааиуп, апровинциақәа Анталиа, Мугла, Ыспарта рҿы амцарцәара иаҿуп 16 ҳаирплани 51 вертолети 850 мцарцәага машьынеи, хәнызқьҩык рҟынӡа аусзуҩцәеи. Егьырҭ атәылақәа рҟынтәгьы ацхыраара ҳауеит – Урыстәыла, Украина, Азербаиџьан, Испаниа, Хорватиа уҳәа егьырҭ рҟынтәгьы", - иҳәеит Пакдемирли ажурналистцәа дрыҿцәажәо.

Уаанӡа аиҳабыра ргазеҭ Yeni Safak аҳәамҭа ҟанаҵеит амцацраҵара ахахьы иагеит агәыԥ "Дети огня", Курдистан аусутә партиа иадҳәалоу ҳәа. Аха ари макьана ишьақәырӷәӷәам.

Пакдемирли иҳәеит ахара зхароу аанкылахар, азакәан инақәыршәаны ахара рхараҵахоит ҳәа.

Аҵыхәтәантәи амшқәа рыҩнуҵҟа Ҭырқәтәыла шәкы рҟынӡа амцакра дырцәеит. Макьаназ ахылаԥшра рзамҭацт хә-мцакрак акурорттә провинциақәа Анталиеи Муглаи.

Агәабзиарахьчара аминистр Фахреттин Коджа лажәақәа рыла ааҩык ҭахеит, 864-ҩык ааха роуит.

8

Атуроператорцәа Аԥсныҟа атурқәа рыхә лаҟәит ҳәа аҳәамҭа ҟарҵоит

4
(ирҿыцуп 17:56 03.08.2021)
Аԥсны сынтәатәи атуристтә сезон 2019 шықәсазтәи акырӡа иаԥнагеит.

АҞӘА, нанҳәа 3 - Sputnik. Атуристцәа рыԥсшьараз ахә лаҟәқәа рыла Аԥсны иаԥыргоит ҳәа аанацҳауеит "Известия", атуроператорцәа рдыррақәа шьаҭас иҟаҵаны.

Аҭыжьымҭа адыррала мчыбжьыктәи атур 15 нызқь мааҭ иаԥсоуп аӡәы изы, Шәачанӡа аарагьы налаҵаны.

Убри аан зегь раасҭа ахәқәа каҳаны иҟоуп Ҭырқәтәылеи Бырзентәылеи. Уа ҩыџьа рзы мчыбжьыктәи аԥсшьара 20–25 нызқь мааҭ иартәоит.

Ҭырқәтәыла ахәыҷқәа змоу рзгьы реиҳа имариоу хырхарҭоуп. Нанҳәамзазы мчыбжьыктәи атур акрыфарагьы нацҵаны 25 нызқь мааҭ рҟынӡа иаԥсоуп.

Аԥсныҟа иаауа атуристцәа ракәзар ПЦР-тести алаҵа шырзыҟаҵоу азы аршаҳаҭгеи рҭахӡам.

Иара убас шәаԥхьар ҟалоит:

 

4