Еицырдыруа амузыкарҳәаҩы Џьыван Гаспариан иԥсҭазаара далҵит

11
(ирҿыцуп 17:11 06.07.2021)
Џьыван Гаспариан ианашьоуп ЮНЕСКО амедалқәа ԥшьбеи, "Амузыкатә ҟазараҿы илшамҭақәа рзы" Wоmex (World Music Expo) аԥхьахәи.

АҞӘА, ԥхынгәы 6 – Sputnik. Еицырдыруа адудукрҳәаҩы Џьыван Гаспариан иԥсҭазаара далҵит 93 шықәса дшырҭагылаз, абри атәы аанацҳауеит РИА Новости, аҟаза имоҭа иажәақәа шьаҭас иганы.

"Иахьа адунеи ацәыӡ ду аиуит. Уԥсы ҭынчыз", - ҳәа иҩит Facebook аҟны амузыкант имоҭа.

Џьыван Гаспариан Жәларбжьаратәи амузыкатә фестивальқәа рҟны Ермантәыла ахьӡала дықәгылон. Аус рыцеиуан Питер Гебриел, Ханс Циммер, Браиан Меи, Борис Гребенщиков, Серж Танкиан реиԥш иҟаз амузыкантцәа.

2000 шықәсазы акинофильм "Гладиатор" азы ҷыдала амузыка аԥиҵеит, адудук аирҳәон "Последнее искушение Христа" аҟны.

11

Урыстәылауаа ПЦР-тестқәа рыда ԥсшьара ицар ахьауа атәылақәа еилкаахеит

7
(ирҿыцуп 16:54 04.08.2021)
Урыстәылауаа ПЦР-тестқәа рыда ԥсшьара ицар ахьауа рахь иаҵанакуеит Урыстәыла ақалақьқәак реиԥш аҳәаанырцәтәи атәылақәагьы.

АҞӘА, нанҳәа 4 - Sputnik. Нанҳәамзазы урыстәылатәи атуристцәа ПЦР-тестқәеи, алаҵа шрымоу азы асертификатқәеи рыда урыстәылатәи акурортқәа реиԥш аҳәаанырцә тәылақәа рахьгьы ицар алшоит, абри атәы аанацҳауеит РИА Новости.

Зегь раасҭа аҭахра рымоуп  Аԥсны, Албаниа ҳәа аҳәоит амаҵзура TUI Россия.

"Аԥсны аԥсшьараз атуристцәа Шәачанӡа иааиуеит, заа рынхарҭа ҿарҵар рылшоит. Албаниаҟа аҳҭнықалақь Тирану аҳаирбаӷәазахь "Уральские авиалинии" аҳаирпланқәа ишиашоу иԥроит Москвантә, Самарантә, Екатеринбургнтә", -  азгәанаҭоит TUI Россия.

2019 шықәса аахыс раԥхьаӡа Албаниа аҭаара маншәалахеит Москвантә Тирануҟа ачартертә реисқәа аныбжьала.

Иҟоуп еиҭа атәылақәа Черногориеи Доминиканеи реиԥш ПЦР-тест ада уздызкыло, аха арҭ атәылақәеи Урыстәылеи ишиашоу аҳаиртә еимадара рыбжьам.

"ПЦР-тестқәа рыда уздызкыло атәылақәа иреиуоуп иара убасгьы Мексикеи Египети", - рҳәоит  Anex Tour апресс-маҵзураҿы.

Аилахәыраҿ ирҳәеит нанҳәамзазы ҩыџьа Мексика рыԥсшьара бжьаха-бжьымш рыҩныҵҟа 161,3 нызқь шаго, Египт - 107 000.

"Урыстәыла аҩныҵҟа, иаҳҳәап Калининград, ҩыџьа иара абри аамҭазы иршәароуп 58,4 нызқь мааҭ", - азгәанаҭоит  Anex Tour.

Атуроператорцәа иазгәарҭоит, Краснодартәи атәылаҿацә нанҳәа 1 аахыс иалагалоу аԥҟара ҿыцқәа ирхырҟьаны, нанҳәа-цәыббра азы Аԥсны, Ҟрым, Ҭырқәтәыла рахь аԥсшьаҩцәа рцара еизҳар шауа.

7

Аҭҵаарақәа акоронавирус ахәыҷқәа ишырхырго аадырԥшит

5
(ирҿыцуп 12:50 04.08.2021)
Аҭҵаарақәа мҩаԥган COVID-19 ззышьақәырӷәӷәаз 5-17 шықәса зхыҵуаз 1734-ҩык британиатәи ахәыҷқәа рыбжьара.

АҞӘА, нанҳәа 4 - Sputnik. Ахәыҷқәа еиҳа имаҷны акоронавирустә инфекциа рыхьуеит, ацашьагьы еиҳа имариоуп ҳәа алкаа ҟарҵеит Лондон акралтә коллеџь аҵарауаа. Дара рыҭҵаарақәа рылкаақәа ажурналеҿ Lancet Child & Adolescent Health аҟны иркьыԥхьит.

Зегь раасҭа ахәыҷқәа ирыдубалоз ахыхь акәын –62,2%, анаҩс амчмаҷра - 55%.

Аҭҵаарақәа инарықәыршәаны бжьаратәла фымш рыла ачымазара рхыргон.

4,4% ахәыҷқәа ԥшьымчыбжь иреиҵаны ачымазара рыман, 1,8% – аамчыбжьы.

5

Урыстәылатәи аспелеологцәа Веревкин иҳаԥаҿы ахаҵа иԥсыбаҩ рбеит

3
(ирҿыцуп 09:32 05.08.2021)
Урыстәылатәи аспелеологцәа ргәаанагарала Веревкин иҳаԥаҿыарыцҳара ҟалазар ҟалоит 2020 шықәса аԥхын ма ҭагалан.

АҞӘА, нанҳәа 5 – Sputnik, Бадри Есиава. Урыстәылатәи аспелеологцәа Аԥсны иҟоу Веревкин иҳаԥаҿы ахаҵа иԥсыбаҩ рбеит 1100 метра алаҟәыраҿы, абри атәы Sputnik иазеиҭеиҳәеит Урыстәыла аспелеологцәа Реидгыла анапхгара алахәыла Евгени Снедков.

"Нанҳәа 3, асааҭ 4:00 азы Москва, Перовсктәи аклуб аспелеологцәа ргәыԥ, 30 шықәса инарзынаԥшуа Веревкин иҳаԥаҿы аусурақәа мҩаԥызго, атурист иԥсыбаҩ рбеит. Аԥхьа аҭаларҭатә ҵеиџь ахықәаҿ ашаха рбеит, маҭәақәакгьы. Анаҩс 1100 метра алаҟәыраҿ ауаҩы иԥсыбаҩ кнаҳан", - иҳәеит иара.

Снедков иажәақәа рыла иҭахаз дыштуристыз еилкаахеит, избанзар аҳаԥы амаршрут ауадаҩра иақәшәомызт ихархәагақәа. Иҟалоит иара аԥышәеи амчи изымхазар. Уи адагьы асеиԥш иҟоу аҳаԥқәа аӡәы ихала аҭалара ашәарҭадара атехника еиланагоит. Иара ихаҭара шьықәзыргылаша ҳәа аспелеологцәа акгьы рзымԥшааит.

Урыстәылатәи аспелеологцәа ргәаанагарала Веревкин иҳаԥаҿы арыцҳара ҟалазар ҟалоит 2020 шықәса аԥхын ма ҭагалан.

Аспелеологцәа реидгыла Аԥсны АҶА ахь адырра ҟарҵеит.

"Идокументқәеи игәакьацәеи ԥшаатәуп. Иҟаҵатәу дара ирҳәароуп. Асеиԥш аан аԥсыбаҩ аҭгара рҽазыршәоит аха ариаҟара аҵаҟынтә уи уадаҩуп. 50 – 100-ҩык рҟынӡа аспелеологцәа аҭахуп. Аҳаԥаҿы ишәарҭоу аҭыԥқәа ыҟоуп",- иҳәоит Снедков.

Иара иҳәеит Аԥсныҟа амҩа ишықәло аспелеологцәа Реидгылаҟынтә уи азы аҳәара ҟаҵахар.

2020 шықәса нанҳәамзазы Арбаика аҳаԥаҿы дҭахеит аспелеолог Павел Демидов. Иԥсыбаҩ 300 метра рҟынтә ихагалан.
Веревкин иҳаԥы адунеи аҿы реиҳа иҵаулоу ҳәа иԥхьаӡоуп. 2018 шықәсазы урыстәылатәи аспелеологцәа 2212 метра илбааит.

3