Кремль аҳәамҭа ҟанаҵеит Урыстәыла аҳәаақәа еиларгацыԥхьаӡа иахәҭоу аҭак шыҟанаҵало

14
(ирҿыцуп 12:57 08.07.2021)
Британиа Ду адәныҟатәи аусқәа рминистрра аҳәамҭа ҟанаҵеит рырра-мшынтә мчқәа "Украина аҵакыратә ӡқәа" рахь ишҭалац ишҭалало, абри азы аҭак ҟанаҵеит Кремльгьы.

АҞӘА, ԥхынгәы 7 - Sputnik. Москва Урыстәыла аҳәынҭқарратә ҳәаа британиатәи аӷбақәа еиларгацыԥхьаӡа иахәҭоу аҭак ҟанаҵалоит, иара убас адипломатиатә инструментаригьы ахы ианархәалоит. Абри атәы иаанацҳауеит РИА Новости, Владимир Путин ипресс-маӡаныҟәгаҩ Дмитри Песков Британиа Ду адәныҟатәи аусқәа рминистр Доминик Рааб аесминец Defender иазкны иҳәамҭазы иҟаиҵаз аҭак ааго. 

Рааб иҳәеит Британиа Ду адәныҟатәи аусқәа рминистрра аҳәамҭа ҟанаҵеит рырра-мшынтә мчқәа "Украина аҵакыратә ӡқәа" рахь ишҭалац ишҭалало, убри азы Кремль агәынамӡара аанарԥшуеит.

"Урыстәыла ахадеи, егьырҭ аҩаӡарақәа рҟни изныкымкәа иазгәарҭахьеит урыстәылатәи аган амшын аҟны рҳәынҭқарратә ҳәаа еилазго иақәнагоу аҭак шрырҭало", - ҳәа Песков ажурналистцәа иреиҳәеит.

Иара иажәақәа рыла, аҳәаахьчаҩцәа наҟ-наҟгьы ишынарыгӡало аҳәынҭқарратә ҳәаа аилагараан ишьақәгылоу аинструкциақәа.

Аесминец аҵыхәала иҟалаз ахҭыс ашьҭахь Москвеи Лондони ирыбжьалар зылшо аизыҟазаашьақәа рыӡбахә ҳәа, Песков иазгәеиҭеит уажәазы еиҿцәажәара ҳәа акгьы шыҟам.

Рашәарамза анҵәамҭазы британиатәи аесминец Defender урыстәылатәи аҳәаа иахысит Ҟрым амыс Фиолент аҿы. Урыстәылатәи аҳәаахьчаратә ӷба акырынтә ргәы анырҽанаҵа ашьҭахь ианаанымгыла, ргәырҽанырҵартә ихысит, аҳаирплан Су-24М акәзар, "агәҽанҵаратә бомбршәра" иалагеит аесминец ахьнеишаз акурс шьҭыхны. Британиатәи атәылахьчара аминистрреи аиҳабыра аусеилыргарҭеи агәра ддыргоит аесминец ишамеихсуаз, урыстәылатәи аҵакыратә ӡқәа рҿгьы ишыҟамыз. 

14

Аладатәи арратә округ адҵаҟаҵаҩ: Амшын еиқәаҿы НАТО аҽазыҟаҵарақәа ҳархылаԥшуеит

4
Рашәара 28 инаркны ԥхынгәы 10 рҟынӡа Амшын еиқәаҿы Аҩада-атлантикатәи алианс арратә ҽазыҟаҵарақәа Sea Breeze 2021 мҩаԥысуан.

АҞӘА, ԥхынгәы 25 - Sputnik. Амшын еиқәаҿы иааиԥмырҟьаӡакәа имҩаԥысуа НАТО аҽазыҟаҵарақәа есымшааира ҳалаԥш рхуп, апровокациақәа ҳәа акыр ҟалозар, иахәҭоу аҭак раҳҭоит иҳәеит Аладатәи арратә округ архәҭақәа рыдҵаҟаҵаҩ Александр Дворников, абри атәы аанацҳауеит РИА Новости.

"Амшын еиқәаҿы иааиԥмырҟьаӡакәа имҩаԥысуа НАТО аҽазыҟаҵарақәа есымшааира ҳалаԥш рхуп, апровокациақәа ҳәа акыр ҟалозар, иахәҭоу аҭак раҳҭоит", - иҳәеит Дворников Арра-мшынтә флот амш иазкны Севастополь имҩаԥысуаз агәырӷьаратә усмҩаԥгатәқәа раан. 

Иара иажәақәа рыла, Урыстәыла аганахьала иаҳа-иаҳа изцыло арра-политикатә қәыӷәӷәара аныҟоу аамҭазы Амшынеиқәатә флот атәыла ашәарҭадара ахьчоит иара анапы иану аусхк аҿы.

Рашәара 28 инаркны ԥхынгәы 10 рҟынӡа Амшын еиқәаҿы Аҩада-атлантикатәи алианс арратә ҽазыҟаҵарақәа Sea Breeze 2021 мҩаԥысуан. Урҭ ирлахәыла хадақәаны иҟан - Украина, Еиду Америкатәи аштатқәа, Канада, Британиа Ду, Нидерландқәа, Румыниа, Болгариа, Бырзентәыла, Ҭырқәтәыла, Латвиа.

Аҽазыҟаҵарақәа ирылахәын арратә ӷбақәа, ашхәақәа, ацхыраагӡатә нышьқәа 40, 30 ак авиациатә техника, 100 ак инеиҳаны акәылӡтәы техникеи автомашьынақәеи.

4
Вывеска компании Tesla

Илон Маск афымцамобильқәа Tesla абиткоин азы рыҭира деиҭалагар шыҟало иҳәеит

17
(ирҿыцуп 13:43 22.07.2021)
Tesla абиткоинқәа рзы афымцамобильқәа рыҭира даҟәыҵит 2021 шықәса лаҵарамзазы, акриптовалиута арҳаразы адгьыл аҵатә былтәы, ҷыдала арацәа рхы иахьадырхәо азы.

АҞӘА, ԥхынгәы 22 - Sputnik. Амиллиардер Илон Маск напхгара зиҭо аилахәыра Tesla аҟны азин ҟаиҵеит абиткоинқәа хәшәагак аиԥш ирыдыркылаларц, амала акриптовалиута еиҳа аекологиатә ҟазшьа анаиулак. Абри атәы аанацҳауеит РИА Новости.

"Еиҭахарҿиаау афымцамч ахархәарахь маҷ-маҷ ииасуеит абиткоин", - иҳәеит иара.

Tesla абиткоинқәа рзы афымцамобильқәа рыҭира даҟәыҵит 2021 шықәса лаҵарамзазы, акриптовалиута арҳаразы адгьыл аҵатә былтәы, ҷыдала арацәа рхы иахьадырхәо азы.

Уи адагьы амиллиардер иҳәеит напхгара зиҭо аилахәырақәа Tesla, SpaceX уаанӡа иаархәахьаз абиткоинқәа рҭиуам ҳәа.

"Ҳара (Tesla - аред.) хаҭала сареи напхгара зысҭо аилахәырақәа Tesla, SpaceX уаанӡа иааҳхәахьаз абиткоинқәа ҳҭиуам. SpaceX, Tesla сара абиткоинқәа ҳамоуп", - иҳәеит Маск "The B Word" аконференциаҿ.

Маск иҳәеит егьырҭ акриптовалиутақәа – Ethereum, Dogecoin шимоу.

17

Раионк аԥсҭазаараҟынтә: Габлиа Акаԥа ақыҭа иамоу ауадаҩрақәа ртәы

0
(ирҿыцуп 19:23 25.07.2021)
Акаԥа ақыҭа ахада Зураб Габлиа арадио Sputnik аефир аҿы еиҭеиҳәеит афымцалашареи амҩақәеи рзы ирымоу ауадаҩра атәы, иҳәеит анхацәа ирыбзазашьоу.
Раионк аԥсҭазаараҟынтә: Габлиа ақыҭа Акаԥа иамоу ауадаҩрақәа ртәы

Аиҿцәажәараҿы ақыҭа ахада иҳәеит уаанӡа аӡазы ирымаз ауадаҩра шаԥыху, уажәы изыргәамҵуаны иҟоу афымцалашара амчхара амаҷра шакәу.

"2014 шықәса рзы иргылан ашьаҟақәа. Уи аахас ацәаҳәақәа рыҟаҵара алмыршахеит. Ааигәа ҳақәдыргәыӷит ари апроблема шыӡбахо. Ҳара иаҳҭахуп 3 километра афымцатә цәаҳәақәа. Иахьа иҳамоу алашара амчхара даара имаҷуп, иҳазхаӡом", - ҳәа еиҭеиҳәеит Габлиа.

Акаԥа ақыҭа ахада иҳәеит амҩақәа рҭагылазаашьа уамак ишҽеим, убри аан ақыҭатәи ауахәама иаҭаауа рхыԥхьаӡара рацәоуп, аԥсшьаҩцәагьы уахь иналаҵаны.

"Ааигәа иҟаз амшцәгьаан амҩа еиҳагьы иԥхасҭахеит. Акомиссиа ыҟан, ирбеит, иаарласны аҭагылазаашьа аҽеиҭанакып ҳәа ҳақәгәыӷуеит", - ҳәа азгәеиҭеит Габлиа.

Иаҳа инеиҵыху аиҿцәажәара шәазыӡырҩыр шәылшоит аудиофаил аҿы.

Иара убас шәаԥхьар ҟалоит:

0