Шәача Гәбаадәы узго даҽа мҩак ашьҭаҵара ргәы иҭоуп

17
Апроект хада инаваргыланы ргәы иҭоуп амҩаду ахыхь ашьаҟауаа рымҩа аргылареи амашьына рацәа ахьеилахо аҭыԥқәа рҿы асветофорқәа рышьақәыргылареи.

АҞӘА, ԥхынгәы 14 – Sputnik. Шәача 120 километра иҟоу амҩаду шьҭарҵарц ргәы иҭоуп Гәбаадәы (Красная поляна - аред.) узго уажәтәи амҩа ацымхәрас зхархәара алшо, абри атәы аанацҳауеит РИА Новости, Шәача ахада Алексеи Копаигородски иажәақәа ааго. 

Иазгәаҭоуп апроект 2021 шықәса нҵәаанӡа иахәаԥшраны ишыҟоу.

"Шәача, Џьубга инаркны Аԥсны аҳәааҟынӡа ишьҭоу афедералтә мҩаҿы иҟоуп иуадаҩу хәҭақәак, уа есымша амашьынақәа еилахоит. Уажәы афедералтә ҩаӡараҟны апроект ду аус адулара иаҿуп 120 километра иреиҵам уи аҩыза даҽа мҩак ашьҭаҵаразы", - ҳәа и-Telegram аҿы ианиҵеит Копаигородски.

Ақалақь ахада иазгәеиҭеит апроект ду адагьы, ргәы ишҭоу иҵегьы аусурақәа рымҩаԥгара, иаҳҳәап, Гәбаадәы узго амҩаду ахыхь ашьаҟауаа рымҩа аргылареи амашьына рацәа ахьеилахо аҭыԥқәа рҿы асветофорқәа рышьақәыргылареи.

17

Шә-миллиард долларла адунеитә економика аиҭашьақәыргылара иазырхахоит

7
Агәабзиарахьчаразы адунеизегьтәи аиҿкаара 2020 шықәса хәажәкыра 11 азы ирыланаҳәеит аҿкчымазара ҿыц COVID-19 адунеи зегь шамҽханакыз.

АҞӘА, нанҳәа 3- Sputnik. Жәларбжьаратәи авалиутатә фонд (МВФ) 650 миллиард доллар аԥара азоунажьуеит апандемиа ашьҭахь адунеитә економика аиҭашьақәыргыларазы. Абри азы адырра ҟанаҵоит аиҿкаара.

Жәларбжьаратәи авалиутатә фонд аиҳабы Кристалина Георгиева лажәақәа рыла ари аӡбра "ҭоурыхтә ӡбамҭоуп" акризис аамҭазы алаҵаҟаҵара иаҩызоуп.

МВФ асаит аҿы иазгәаҭоуп аԥара аихшара нанҳәа 23 азы ишалаго. Афонд алахәылацәа зегьы рыквотақәа ирҿырԥшны азинқәа роуеит.

275 миллиард доллар рзырхахоит ахашәала маҷ змоу атәылақәа ҳәа азгәанаҭеит МВФ.

7

Ҭырқәтәыла уажәыгьы амцарцәара иаҿуп

8
Аҵыхәтәантәи амшқәа рыҩнуҵҟа Ҭырқәтәыла шәҭыԥк рҟынӡа амцакра ахьыҟаз идырцәеит. Макьаназ хылаԥшрада иаанхоит акурорттә провинциақәа Анталиеи Муглаи иахьрыҵанакуа хә-ҭыԥк.

АҞӘА, нанҳәа 2 - Sputnik. Ҭырқәтәыла аладатәи акалҭ аҿы амцакрақәа бжьыџьара арцәара иаҿуп. 125 мцакраҭыԥ анапаҿы иааргахьеит ҳәа аанацҳауиет РИА Новости атәыла ақыҭанхамҩеи абнанхамҩеи рминистр Беқьыр Пакдемирли иажәақәа шьаҭас иганы.

"125 мцакра ириааиуп, апровинциақәа Анталиа, Мугла, Ыспарта рҿы амцарцәара иаҿуп 16 ҳаирплани 51 вертолети 850 мцарцәага машьынеи, хәнызқьҩык рҟынӡа аусзуҩцәеи. Егьырҭ атәылақәа рҟынтәгьы ацхыраара ҳауеит – Урыстәыла, Украина, Азербаиџьан, Испаниа, Хорватиа уҳәа егьырҭ рҟынтәгьы", - иҳәеит Пакдемирли ажурналистцәа дрыҿцәажәо.

Уаанӡа аиҳабыра ргазеҭ Yeni Safak аҳәамҭа ҟанаҵеит амцацраҵара ахахьы иагеит агәыԥ "Дети огня", Курдистан аусутә партиа иадҳәалоу ҳәа. Аха ари макьана ишьақәырӷәӷәам.

Пакдемирли иҳәеит ахара зхароу аанкылахар, азакәан инақәыршәаны ахара рхараҵахоит ҳәа.

Аҵыхәтәантәи амшқәа рыҩнуҵҟа Ҭырқәтәыла шәкы рҟынӡа амцакра дырцәеит. Макьаназ ахылаԥшра рзамҭацт хә-мцакрак акурорттә провинциақәа Анталиеи Муглаи.

Агәабзиарахьчара аминистр Фахреттин Коджа лажәақәа рыла ааҩык ҭахеит, 864-ҩык ааха роуит.

8

Ҳагба: Лада Кавказ имҩаԥысуа ахҭысқәа зегьы Урыстәыла ақәыӷәӷәароуп хықәкыс ирымоу

0
(ирҿыцуп 17:05 03.08.2021)
Ермантәылеи Азербаиџьани аҵыхәтәантәи реиҿагыларақәа, ақырҭуа парламент ампыҵахалара ахыхраз арезолиуциа апроект, арҭқәа зегьы хықәкы хадас ирымоу Урыстәыла Лада Кавказ ақәыӷәӷәароуп хәа азгәеиҭеит арадио Sputnik аефир аҟны аполитолог Беслан Ҳагба.
Ҳагба: Лада Кавказ имҩаԥысуа ахҭысқәа зегьы Урыстәыла ақәыӷәӷәароуп хықәкыс ирымоу

Ладатәи Кавказ хҭысқәак аныҟалалак, ахҭысқәа зегьы имҩаԥысуа рҟны еимадарак уԥшаар ҟалоит. Қырҭтәылеи, Аԥсни, Ермантәылеи, Азербаиџьани хәыҷык еицәыхаразаргьы, ҵыԥх иҟалаз ахҭысқәа рышьҭахь, Азербаиџьан аибашьраҟны аиааира анырга ашьҭахь Ладатәи Кавказ аҭышәныртәалара аганахь зынӡа аҽаԥсахит. Аҭынчратә политика ҳәа Урыстәылатәи Афедерациа имҩаԥырго Ашьха Ҟарабах аганахьала аҭышәынтәалара згәамԥхо аҳәынҭқаррақәа рацәоуп. Адеоккупациа ҳәа ахьыӡҵаны Қырҭтәыла ишьҭырхыз ақәҵара иаҿурԥшыр ҟалоит Украина Донбасси Крыми рганахьала ишьҭнахыз ақәҵарақәа. Иара убас, ааигәа Зеленски(Украина ахада - азгәаҭа) Аԥсны аҳәааҟны дааны иҟаиҵоз аҳәамҭақәа, арҭқәа зегьы еидҳәалоуп, Урыстәыла ақәыӷәӷәароуп еиҳарак аԥхьа иргыланы хықәкыс ирымоу", - ҳәа азгәеиҭеит Ҳагба.

Шәазыӡырҩы аудио.

Иара убас шәаԥхьар ҟалоит:

0