Роспотребнадзор аҟны ирҳәеит Амшын еиқәа аҿықә аҿы COVID-19 азы аҭагылазаашьа зеиԥшроу

15
(ирҿыцуп 12:51 17.07.2021)
Ԥхынгәы 16 рзы иҟаз адыррақәа рыла, Краснодартәи атәылаҿацә аҟны акоронавирус зцәа иалоу ҳәа ашәҟәы иҭагалоуп 55302 хҭыс.

АҞӘА, ԥхынгәы 17 – Sputnik. Лаҵара 1 инаркны Амшын еиқәа аҿықә аҿы ашәҟәы иҭагалоуп COVID-19 азы 2040 хҭыс, абри азы аҳәамҭа ҟалҵеит аепидемилогиатә хылаԥшреи, атранспорт гәаҭареи, аҵакырадгьылқәа рсанитартә ҭагылазаашьа ахылаԥшреи рзы Краснодартәи атәылаҿацә иатәу Роспотребнадзор аҟәша аспециалист Татиана Межеваиа.

Лажәақәа рыла, ачымазараҿкы зцәа иаланы иаарԥшу аԥсшьарҭа ҩнқәа 26-ҩык русзуҩцәеи 61-ы аԥсшьаҩцәеи роуп.

Иҳаҩсыз амчыбжь азы амшын аҿықә аҟны 295 хҭыс азгәаҭан, уи 6% рыла еиҵоуп егьи амчыбжь арбагақәа раасҭа.

Акоронавирус зыдбалоу рзы Ҟәыбина аинфекциатә госпитальқәа 24 рҟны 5561 иара-ҭыԥ еиҿкаауп. Ԥхынгәы 16 рзы иҟоу адыррала, 4546 ҭыԥ рҟны ачымазаҩцәа шьҭоуп.

15

Шә-миллиард долларла адунеитә економика аиҭашьақәыргылара иазырхахоит

7
Агәабзиарахьчаразы адунеизегьтәи аиҿкаара 2020 шықәса хәажәкыра 11 азы ирыланаҳәеит аҿкчымазара ҿыц COVID-19 адунеи зегь шамҽханакыз.

АҞӘА, нанҳәа 3- Sputnik. Жәларбжьаратәи авалиутатә фонд (МВФ) 650 миллиард доллар аԥара азоунажьуеит апандемиа ашьҭахь адунеитә економика аиҭашьақәыргыларазы. Абри азы адырра ҟанаҵоит аиҿкаара.

Жәларбжьаратәи авалиутатә фонд аиҳабы Кристалина Георгиева лажәақәа рыла ари аӡбра "ҭоурыхтә ӡбамҭоуп" акризис аамҭазы алаҵаҟаҵара иаҩызоуп.

МВФ асаит аҿы иазгәаҭоуп аԥара аихшара нанҳәа 23 азы ишалаго. Афонд алахәылацәа зегьы рыквотақәа ирҿырԥшны азинқәа роуеит.

275 миллиард доллар рзырхахоит ахашәала маҷ змоу атәылақәа ҳәа азгәанаҭеит МВФ.

7

Ҭырқәтәыла уажәыгьы амцарцәара иаҿуп

8
Аҵыхәтәантәи амшқәа рыҩнуҵҟа Ҭырқәтәыла шәҭыԥк рҟынӡа амцакра ахьыҟаз идырцәеит. Макьаназ хылаԥшрада иаанхоит акурорттә провинциақәа Анталиеи Муглаи иахьрыҵанакуа хә-ҭыԥк.

АҞӘА, нанҳәа 2 - Sputnik. Ҭырқәтәыла аладатәи акалҭ аҿы амцакрақәа бжьыџьара арцәара иаҿуп. 125 мцакраҭыԥ анапаҿы иааргахьеит ҳәа аанацҳауиет РИА Новости атәыла ақыҭанхамҩеи абнанхамҩеи рминистр Беқьыр Пакдемирли иажәақәа шьаҭас иганы.

"125 мцакра ириааиуп, апровинциақәа Анталиа, Мугла, Ыспарта рҿы амцарцәара иаҿуп 16 ҳаирплани 51 вертолети 850 мцарцәага машьынеи, хәнызқьҩык рҟынӡа аусзуҩцәеи. Егьырҭ атәылақәа рҟынтәгьы ацхыраара ҳауеит – Урыстәыла, Украина, Азербаиџьан, Испаниа, Хорватиа уҳәа егьырҭ рҟынтәгьы", - иҳәеит Пакдемирли ажурналистцәа дрыҿцәажәо.

Уаанӡа аиҳабыра ргазеҭ Yeni Safak аҳәамҭа ҟанаҵеит амцацраҵара ахахьы иагеит агәыԥ "Дети огня", Курдистан аусутә партиа иадҳәалоу ҳәа. Аха ари макьана ишьақәырӷәӷәам.

Пакдемирли иҳәеит ахара зхароу аанкылахар, азакәан инақәыршәаны ахара рхараҵахоит ҳәа.

Аҵыхәтәантәи амшқәа рыҩнуҵҟа Ҭырқәтәыла шәкы рҟынӡа амцакра дырцәеит. Макьаназ ахылаԥшра рзамҭацт хә-мцакрак акурорттә провинциақәа Анталиеи Муглаи.

Агәабзиарахьчара аминистр Фахреттин Коджа лажәақәа рыла ааҩык ҭахеит, 864-ҩык ааха роуит.

8

Ҳагба: Лада Кавказ имҩаԥысуа ахҭысқәа зегьы Урыстәыла ақәыӷәӷәароуп хықәкыс ирымоу

0
(ирҿыцуп 17:05 03.08.2021)
Ермантәылеи Азербаиџьани аҵыхәтәантәи реиҿагыларақәа, ақырҭуа парламент ампыҵахалара ахыхраз арезолиуциа апроект, арҭқәа зегьы хықәкы хадас ирымоу Урыстәыла Лада Кавказ ақәыӷәӷәароуп хәа азгәеиҭеит арадио Sputnik аефир аҟны аполитолог Беслан Ҳагба.
Ҳагба: Лада Кавказ имҩаԥысуа ахҭысқәа зегьы Урыстәыла ақәыӷәӷәароуп хықәкыс ирымоу

Ладатәи Кавказ хҭысқәак аныҟалалак, ахҭысқәа зегьы имҩаԥысуа рҟны еимадарак уԥшаар ҟалоит. Қырҭтәылеи, Аԥсни, Ермантәылеи, Азербаиџьани хәыҷык еицәыхаразаргьы, ҵыԥх иҟалаз ахҭысқәа рышьҭахь, Азербаиџьан аибашьраҟны аиааира анырга ашьҭахь Ладатәи Кавказ аҭышәныртәалара аганахь зынӡа аҽаԥсахит. Аҭынчратә политика ҳәа Урыстәылатәи Афедерациа имҩаԥырго Ашьха Ҟарабах аганахьала аҭышәынтәалара згәамԥхо аҳәынҭқаррақәа рацәоуп. Адеоккупациа ҳәа ахьыӡҵаны Қырҭтәыла ишьҭырхыз ақәҵара иаҿурԥшыр ҟалоит Украина Донбасси Крыми рганахьала ишьҭнахыз ақәҵарақәа. Иара убас, ааигәа Зеленски(Украина ахада - азгәаҭа) Аԥсны аҳәааҟны дааны иҟаиҵоз аҳәамҭақәа, арҭқәа зегьы еидҳәалоуп, Урыстәыла ақәыӷәӷәароуп еиҳарак аԥхьа иргыланы хықәкыс ирымоу", - ҳәа азгәеиҭеит Ҳагба.

Шәазыӡырҩы аудио.

Иара убас шәаԥхьар ҟалоит:

0