Офис Kazakhtelecom

Ҟазахсҭан Huawei абзоурала раԥхьатәи FWA шьҭызхуа иҷыдоу аҳа аусура иалагеит

12
(ирҿыцуп 15:25 19.07.2021)
FWA иаҵанакуа аҳақәа рыбжьара ари раԥхьатәи ҳауп 2300 МГц иҟоу адиапазон аҿы аус зуа, уи ахатәы нхамҩақәа рҿы ахархәаразы иманшәалоуп.

АҞӘА, ԥхынгәы 19 – Sputnik. Аилахәыра Huawei Ҟазахсҭан иреиҳаӡоу ателекоммуникациатә оператор - АЕ "Ҟазахтелеком" 4T4R змоу астанциа хадақәа азышьақәнаргылеит, уи алагьы Агәҭантәи Азиаҿы арадиоинтерфеис (FWA) ахархәарала фымцацәаҳәада аинтернет аҽаԥшьразы раԥхьатәи аҳа аусура иаланаргеит, абри атәы аанацҳауеит РИА Новости, Huawei адыррақәа шьаҭас иҟаҵаны. 

FWA иаҵанакуа аҳақәа рыбжьара ари раԥхьатәи ҳауп 2300 МГц иҟоу адиапазон аҿы аус зуа, уи ахатәы нхамҩақәа рҿы ахархәаразы иманшәалоуп ҳәа аҳәоит адырраҭараҿы.

4T4R змоу астанциақәа FWA иаԥшьу абонентцәа рзы аҳа алшарақәа зегьы рхы иадырхәо иҟанаҵои, иара убас наҟ-наҟгьы иҵегьы агрегатқәа раԥшьразы алшарақәа амоуп.

FWA аусура аларгаразы ҳара иалаҳхит атехнологиа LTE, уи 2300 МГц иҟоу адиапазон аҿы иҟоу арадиоцәқәырԥақәа реиҳа еиӷьны рхархәара алнаршоит, иара убас алшара унаҭоит SIM-based захьӡу аҳаҟны еиуеиԥшым амаҵзурақәа рыдгалара.

"Убри аан 20 МГц иҟоу арадиоцәқәырԥақәа рдиапазон ҳхы иаҳархәоит, уи иаанаго ҷыдала иалху FWA аҳа рзырхоуп хазы игоу фымцацәаҳәадатәи аинтернет ахархәаҩцәа. Уи адагьы, ҳара ҳхы иаҳархәеит IP breakout - уи иалнаршоит PGW FWA абонентцәа рзы аинтернет ахь аҿаԥшьра", - абри аҩыза аилыркаа ҟаиҵеит ҳәа аилахәыра "Ҟазахтелеком" аинновациақәа рзы адиректор хада Нурлан Меирманов иажәақәа аанагоит Huawei.

Аҳа аусура аларгаразы рхы иадырхәеит астанциа хадақәа 4T4R, урҭ рыбзоурала ҷыдала иалкаау абонентцәа рхыԥхьаӡара ԥкымзар ауеит, наҟ-наҟгьы урҭ иҵегьы астанциақәа рԥыршьыр алшартә иҟалоит.

Huawei Technologies Kazakhstan адиректор хада ихаҭыԥуаҩ Циуи Феи ишазгәеиҭаз ала, "Ҟазахтелеком" апроект - ахатәы ҩнқәа ахьеилагылоу аиланхарҭақәа рҿы аинтернет фымцацәаҳәада инарышьҭразы алшара ахьыҟам анагаразы егьырҭ иалкаау аоператорцәа рзы иҿырԥштә бзиоуп.

"Убри аан ари аҳаҿы оумак арҿыцра ҳәа ҟамҵакәа 5G атехнологиахь ииасыр алшоит, убри аан уи амҽхак ҭбаахоит, eMBB амаҵзурақәа ауаа ирзынарыгӡалар алшо иҟалоит", - иҳәеит иара.

12

Аладатәи арратә округ адҵаҟаҵаҩ: Амшын еиқәаҿы НАТО аҽазыҟаҵарақәа ҳархылаԥшуеит

4
Рашәара 28 инаркны ԥхынгәы 10 рҟынӡа Амшын еиқәаҿы Аҩада-атлантикатәи алианс арратә ҽазыҟаҵарақәа Sea Breeze 2021 мҩаԥысуан.

АҞӘА, ԥхынгәы 25 - Sputnik. Амшын еиқәаҿы иааиԥмырҟьаӡакәа имҩаԥысуа НАТО аҽазыҟаҵарақәа есымшааира ҳалаԥш рхуп, апровокациақәа ҳәа акыр ҟалозар, иахәҭоу аҭак раҳҭоит иҳәеит Аладатәи арратә округ архәҭақәа рыдҵаҟаҵаҩ Александр Дворников, абри атәы аанацҳауеит РИА Новости.

"Амшын еиқәаҿы иааиԥмырҟьаӡакәа имҩаԥысуа НАТО аҽазыҟаҵарақәа есымшааира ҳалаԥш рхуп, апровокациақәа ҳәа акыр ҟалозар, иахәҭоу аҭак раҳҭоит", - иҳәеит Дворников Арра-мшынтә флот амш иазкны Севастополь имҩаԥысуаз агәырӷьаратә усмҩаԥгатәқәа раан. 

Иара иажәақәа рыла, Урыстәыла аганахьала иаҳа-иаҳа изцыло арра-политикатә қәыӷәӷәара аныҟоу аамҭазы Амшынеиқәатә флот атәыла ашәарҭадара ахьчоит иара анапы иану аусхк аҿы.

Рашәара 28 инаркны ԥхынгәы 10 рҟынӡа Амшын еиқәаҿы Аҩада-атлантикатәи алианс арратә ҽазыҟаҵарақәа Sea Breeze 2021 мҩаԥысуан. Урҭ ирлахәыла хадақәаны иҟан - Украина, Еиду Америкатәи аштатқәа, Канада, Британиа Ду, Нидерландқәа, Румыниа, Болгариа, Бырзентәыла, Ҭырқәтәыла, Латвиа.

Аҽазыҟаҵарақәа ирылахәын арратә ӷбақәа, ашхәақәа, ацхыраагӡатә нышьқәа 40, 30 ак авиациатә техника, 100 ак инеиҳаны акәылӡтәы техникеи автомашьынақәеи.

4
Вывеска компании Tesla

Илон Маск афымцамобильқәа Tesla абиткоин азы рыҭира деиҭалагар шыҟало иҳәеит

17
(ирҿыцуп 13:43 22.07.2021)
Tesla абиткоинқәа рзы афымцамобильқәа рыҭира даҟәыҵит 2021 шықәса лаҵарамзазы, акриптовалиута арҳаразы адгьыл аҵатә былтәы, ҷыдала арацәа рхы иахьадырхәо азы.

АҞӘА, ԥхынгәы 22 - Sputnik. Амиллиардер Илон Маск напхгара зиҭо аилахәыра Tesla аҟны азин ҟаиҵеит абиткоинқәа хәшәагак аиԥш ирыдыркылаларц, амала акриптовалиута еиҳа аекологиатә ҟазшьа анаиулак. Абри атәы аанацҳауеит РИА Новости.

"Еиҭахарҿиаау афымцамч ахархәарахь маҷ-маҷ ииасуеит абиткоин", - иҳәеит иара.

Tesla абиткоинқәа рзы афымцамобильқәа рыҭира даҟәыҵит 2021 шықәса лаҵарамзазы, акриптовалиута арҳаразы адгьыл аҵатә былтәы, ҷыдала арацәа рхы иахьадырхәо азы.

Уи адагьы амиллиардер иҳәеит напхгара зиҭо аилахәырақәа Tesla, SpaceX уаанӡа иаархәахьаз абиткоинқәа рҭиуам ҳәа.

"Ҳара (Tesla - аред.) хаҭала сареи напхгара зысҭо аилахәырақәа Tesla, SpaceX уаанӡа иааҳхәахьаз абиткоинқәа ҳҭиуам. SpaceX, Tesla сара абиткоинқәа ҳамоуп", - иҳәеит Маск "The B Word" аконференциаҿ.

Маск иҳәеит егьырҭ акриптовалиутақәа – Ethereum, Dogecoin шимоу.

17

Раионк аԥсҭазаараҟынтә: Габлиа Акаԥа ақыҭа иамоу ауадаҩрақәа ртәы

0
(ирҿыцуп 19:23 25.07.2021)
Акаԥа ақыҭа ахада Зураб Габлиа арадио Sputnik аефир аҿы еиҭеиҳәеит афымцалашареи амҩақәеи рзы ирымоу ауадаҩра атәы, иҳәеит анхацәа ирыбзазашьоу.
Раионк аԥсҭазаараҟынтә: Габлиа ақыҭа Акаԥа иамоу ауадаҩрақәа ртәы

Аиҿцәажәараҿы ақыҭа ахада иҳәеит уаанӡа аӡазы ирымаз ауадаҩра шаԥыху, уажәы изыргәамҵуаны иҟоу афымцалашара амчхара амаҷра шакәу.

"2014 шықәса рзы иргылан ашьаҟақәа. Уи аахас ацәаҳәақәа рыҟаҵара алмыршахеит. Ааигәа ҳақәдыргәыӷит ари апроблема шыӡбахо. Ҳара иаҳҭахуп 3 километра афымцатә цәаҳәақәа. Иахьа иҳамоу алашара амчхара даара имаҷуп, иҳазхаӡом", - ҳәа еиҭеиҳәеит Габлиа.

Акаԥа ақыҭа ахада иҳәеит амҩақәа рҭагылазаашьа уамак ишҽеим, убри аан ақыҭатәи ауахәама иаҭаауа рхыԥхьаӡара рацәоуп, аԥсшьаҩцәагьы уахь иналаҵаны.

"Ааигәа иҟаз амшцәгьаан амҩа еиҳагьы иԥхасҭахеит. Акомиссиа ыҟан, ирбеит, иаарласны аҭагылазаашьа аҽеиҭанакып ҳәа ҳақәгәыӷуеит", - ҳәа азгәеиҭеит Габлиа.

Иаҳа инеиҵыху аиҿцәажәара шәазыӡырҩыр шәылшоит аудиофаил аҿы.

Иара убас шәаԥхьар ҟалоит:

0