Пашиниан Ермантәыла аԥыза-министрс дҟаҵоуп

5
(ирҿыцуп 16:19 02.08.2021)
Ашәахьа нанҳәа 2 азы Ермантәыла имҩаԥысит атәыла Апарламент ҿыц актәи аилатәара.

АҞӘА, нанҳәа 2 – Sputnik. Ермантәыла ахада Армен Саркисиан атәыла аԥыза-министрс дҟаиҵеит Никола Пашиниан ҳәа аанацҳауеит РИА Новости.

"Аконституциа аԥҟара напхгагас иҟаҵаны Ермантәыла аԥыза-министрс дҟаҵазааит Никола Пашиниан", - ҳәа аҳәоит Ермантәыла ахада исаит аҿы ицәыргоу аусԥҟа.

Ермантәыла аконституциа инақәыршәаны ҿыц иалырхыз Амилаҭтә еизара аусура ишаалагаз атәыла ахада апарламент еиҳарак иалырхыз акандидат ԥыза-министрс дҟаиҵоит. Анаҩс, жәохәымш рыҩнуҵҟа еиҿыркаауеит Аминистрцәа реилазаара. Абри ашьҭахь ҩажәамш рыҩнуҵҟа аиҳабыра Апарламент ахь инаргоит Аминистрцәа реилазаара апрограмма.

Изаамҭанытәим Апарламенттә лхрақәа мҩаԥысит рашәара 20 азы. Иалахәын 21 партиеи аблокқәа ԥшьбеи. Никола Пашиниан ипартиа "Гражданский договор" 53,91% бжьы аманы аиааира агеит.

5

Путин Перм ауаа иреихсуаз даанызкылаз аполициа аусзуҩцәа аҳамҭа ранеишьеит

2
Цәыббра 20 азы Пермтәи амилаҭтә ҭҵаарадырратә университет аҵакыраҿы астудент аҵаратә корпус аҿы ахысра далагеит. Ф-ҩык ҭахеит 42-ҩык аахақәа роуеит.

АҞӘА, цәыббра 23 - Sputnik. Урыстәыла ахада Владимир Путин Агәымшәараз амедал ианеишьеит Перм ауаа ҭазырхаз ауаҩы даанызкылаз аполициа аусзуҩ, аполициа алеитенант еиҵбы Константин Калинин ҳәа аанацҳауеит РИА Новости.

Алеитенант еиҳабы Владимир Макаров ианашьоуп амедал "Ауаажәларратә еиҿкаара ахьчараҿы аҽалкааразы". Макаров ауаа аҵараиурҭа ахыбра рдәылгара еиҿикааит.

Ахада иусдҵа атекст аҿы иарбоуп арҭ рҩыџьагьы фырхаҵарыла рхы мҩаԥыргеит ҳәа.

Урыстәыла ААР ахада Владимир Колокольцев Калинин изаамҭанытәиу ачын " аполициа алеитенант " ииҭеит,  Макаров — "аполициа акапитан ".

Цәыббра 20 азы Пермтәи амилаҭтә ҭҵаарадырратә университет аҵакыраҿы ауниверситет астудент аҵаратә корпус аҿы ахысра далагеит. Ф-ҩык ҭахеит 42-ҩык аахақәа роуит.

Аусбарҭа адыррақәа рыла, ахҭыс ахьыҟалаз раԥхьа инеиз иреиуоуп  аполициа алеитенант аиҳабы Владимир Макарови аполициа алеитенант еиҵбы Константин Калинини. Макаров аҭыԥ аҟынтәи ауаа рықәгара далагеит, Калинин аҵараиурҭахь дыҩналеит. Уа дибеит абџьар зкыз ауаҩы. Аиҿахысра ашьҭахь ацәгьоуҩы дихәит, анаҩс иабџьар ихихит, раԥхьатәи ацхыраарагьы изыҟаиҵеит.

Анаҩс ахәшәтәырҭахь днаргеит. Ашьаус абри ахҭыс аганахь ала ихацыркуп. Ацәгьоуҩы аашықәса инаркны ҩажәашықәсанӡа иқәырҵар ҟалоит мамзаргьы иԥсы ахьынӡаҭоу ҭакрала ахыгара иқәырҵар ҟалоит.

2

"Формула-1" алахәылацәа Шәачаҟа аара иалагеит

7
(ирҿыцуп 18:52 22.09.2021)
Цәыббра 22 инаркны абизнес-авиациа ареисқәа рыла Шәача цәыббра 23-26 рзы имҩаԥысуа "Формула-1" алахәылацәа аара иалагеит.

АҞӘА, цәыббра 22 - Sputnik. "Формула-1" акомандақәа "Ferrari", "Mercedes" уҳәа егьырҭгьы рымаҵ зуа атехникатә усзуҩцәа Италиа, Швеицариа, Британиа ду рҟынтәи авиареисқәа хәба рыла иаахьеит, абри атәы аарыцҳауеит Краснодартәи аҳазалхырҭа Шәачатәи амаҵзураҟынтә.

Актәи ареис ааит Британиа ду аҟнытә.

Краснодартәи аҳазалхыҩцәа 10 тоннак рҟынӡа аидара, аспорттә форма, аспорттә маҭәарқәеи ашәҟәы иҭаргалеит. Аҳазалхратә гәаҭара иахыжьуп 800-ҩык рҟынӡа.

Ари амчыбжь аҩныҵҟа ахәаԥшыҩцәа, "Формула - 1" аусуцәа, аспортсменцәа, Аинформациатә маҵзурақәа рхаҭарнакцәа рзы иҷыдоу аҽа хә-реиск ирзыԥшуп.

  • "Формула-1" алахәылацәа Шәачаҟа аара иалагеит
    © Foto / пресс-служба по городу Сочи Краснодарской таможни
  • "Формула-1" алахәылацәа Шәачаҟа аара иалагеит
    © Foto / пресс-служба по городу Сочи Краснодарской таможни
1 / 2
© Foto / пресс-служба по городу Сочи Краснодарской таможни
"Формула-1" алахәылацәа Шәачаҟа аара иалагеит

Краснодартәи аҳазалхырҭа Шәачатәи аҳаиртә баӷәазахь иааргахьеит 600 тонна аидара – 200 миллион доллар рҟынӡа иаԥсоу - "Ferrari", "Merсedes", "McLaren", "Honda" акомандақәа рзы аболидқәеи, урҭ рыхәҭақәеи.

7

Аԥсны аиҳабыра анхарҭаз аҳәынҭқарратә программа еиҭахәаԥшраны иҟоуп

5
2020 шықәсазы аекономикатә ҭагылазаашьа иахҟьаны ареспубликаҿы аамҭала иаанкылан аҳәынҭпрограммақәа ҩба: "Аԥсны Аҳәынҭқарра хаз игоу атәылауаа ркатегориақәак нхарҭала реиқәыршәара ", "Анхарҭа-2021".

АҞӘА, цәыббра 23 - Sputnik. Аԥсны Аҳәынҭқарра хаз игоу атәылауаа ркатегориақәак нхарҭала реиқәыршәараҿ ацхыраара аҟаҵаразы аҳәынҭқарратә программа аформа ҿыц апроект изаамҭанытәиу Аминистрцәа реилазаара аилатәараҿы иахәаԥшраны иҟоуп. Абри атәы аанацҳауеит Аминистрцәа реилазаара асаит.

Цәыббра 22 азы аԥыза-министр Александр Анқәаб аусутә еилацәажәара мҩаԥигеит социалла ихьчам атәылауаа аҳәынҭқарратә цхыраара рыҭара азҵаарақәа рзы.

2019 шықәсазы Аҳәынҭқарратә программақәа "Аԥсны атәылауаа ркатегориақәак нхарҭаҭыԥла реиқәыршәаразы", "Анхарҭаҭыԥ-2021" ирыбзоураны 50 ҭаацәара ацхыраара рыҭан.

Аҳәынҭпрограмма иалахәу акандидатцәа рҟынтә азыҳәақәеи адокументқәеи рыдыркылон 2020, 2021 шықәсқәа рызгьы, аха абиуџьет аԥарақәа аҿкчымазара аԥырҟәҟәара иазырхахеит.

Аусутә еилацәажәараҿы апрограммақәа рыструктуратә модификациагьы иалацәажәан. Аԥыза-министр инапынҵала азиндырыҩцәа, асоциалтә усхк аекспертцәа апрограмма иалахәхар зылшо акатегориақәа ҭырҵааит.

Иахьазы иазыԥхьагәаҭоуп апрограммақәа еидҵаны акны иҟарҵарц. Еидҵоу аресурсқәа 40 миллион мааҭ рҟынӡа ҟалоит, уи есышықәса 50 ҭаацәара ацхыраара рыҭара алнаршоит. Апрограмма ҩышықәса ҿҳәарас иаҭахоит.

Александр Анқәаб иҳәеит апрограммақәа рҳәаақәа ирҭагӡаны анхарҭаҭыԥ роур шалшо, I агәыԥ аинвалидцәа, 1992-1993 шықәсазтәи аибашьраан иҭахаз рҭаацәарақәа, зҭаацәа ҭахаз ахәыҷқәа, ԥшьҩык инареиҳани ахшара змоу аҭаацәарақәа.

Аҳәынҭқарратә программақәа "Аԥсны атәылауаа ркатегориақәак нхарҭаҭыԥла реиқәыршәаразы", "Анхарҭаҭыԥ-2021" рзы акомиссиа аусура аанкылан 2020 шықәса хәажәкырамзазы акоронавирус алаҵәара инадҳәаланы.

5