Акоронавирус аҽеиҭакра шаанкылатәу атәы азгәаҭоуп

16
(ирҿыцуп 12:16 23.08.2021)
Акоронавирус аҽеиҭакра ачымазаҩ иҭагылазаашьа ашәарҭара еиҳа иарӷәӷәоит, ииммунтә система ланарҟәуеит.

АҞӘА, нанҳәа 23 - Sputnik. Акоронавирус ахк ҿыцқәа рыҟалара аиԥҟьара алзыршо алаҵаҟаҵароуп. 80-90% адунеи ауааԥсыра алаҵа ҟарҵар авирус иаиааиуеит ҳәа радио Sputnik иазеиҭеиҳәеит амедицинатә ҭҵаарадыррақәа рдоктор, аҳақьым-иммунолог Владислав Жемчугов.

Авирус аҽеиҭакра аиммунитет ланарҟәуеит. Избанзар алаҵа злаҟаҵоу аматериал аҽеиҭанакуеит ҳәа иҳәоит Жемчугов.

"Алаҵа алшара 50% иҟазар, аиммунтә цҵа ҟалоит, еиҵазар – хра аиуӡом. Аҽа лаҵак азхәыцтәхоит", - иҳәоит аиммунолог.

COVID-19 аҽеиҭакра аиԥҟьара алнаршар ҟалоит аҿкра азыԥхьагәаҭаразы амеханизм ҿыц ахәыцра ҳәа азгәеиҭоит аҟазауаҩ.

Жемчугов иҳәеит Гамалеи ихьӡ зху Ацентр аҿы атехнологиа ҿыц ашәҟәы аҭагалара рыҽшазыҟарҵо. Уи иалнаршоит мызқәак ма мчыбжьқәак рыҩныҵҟала алаҵа ҿыц аҭыжьра.

Иара убас шәаԥхьар ҟалоит:

16

Аексперт аштамм "мю" аҽеиҭакра ахәшьара алҭеит

3
(ирҿыцуп 15:07 27.09.2021)
Акоронавирустә инфекциа авариант "мю" раԥхьаӡа акәны ашәҟәы иҭагалан ажьырныҳәамзазы Колумбиа. Иара иахьазы иазгәаҭоуп 50 тәыла рҿы SARS-CoV2 ахкы ҳәа.

АҞӘА, цәыббра 27 - Sputnik. Акоронавирустә инфекциа авариант "мю" аштамм "дельта" иазаԥнагом ҳәа лҳәеит РИА Новости аинтервиу азҭаз  Џьорџь Меисон иуниверситет (ЕАА, Виргиниа) асистематә биологиа апрофессор, абиологиатә аҭҵаарадыррақәа  рдоктор, РАН амедико-генетикатә Центр агеномика алабараториа аусзуҩ  хада Анча Баранова.

Агәабзиарахьчараз адунеизегьтә еиҿкаара иазгәанаҭоит аштамм "мю"  аиммунттә ҭак аҽацәхьакра иадҳәалоу аҟазшьақәа амоуп ҳәа.

Авирус ари авариант ыҟазар ҟалоит "дельта" ахьыҟам ма иахьмаҷу ҳәа лҳәоит Баранова.

"Уаанӡа уаҩ дахьычмазаҩымхацыз анклавқәа ахьыҟоу инеир алшоит  авариант "мю". Иаҳҳәап  Москва "мю" аԥыжәара змоу  штаммны изыҟалом, избанзар ара "дельта" ыҟоуп", - лҳәеит аексперт.

Алаҵәара аамҭала аҵарауаа  "дельта"  "мю"  иаҿдырԥшӡом, избанзар авирусқәа ҩба аамҭак ала изеицлабуам ҳәа лҳәоит аҵарауаҩ.

3
Поездка президента РФ В. Путина в Берлин для участия в Международной конференции по Ливии

Ердогани Путини реиԥылараан излацәажәаша атемақәа азгәаҭоуп

4
(ирҿыцуп 12:24 27.09.2021)
Урыстәылеи Ҭырқәтәылеи рхадацәа Владимир Путини Типа Ердогани иааиуа амчыбжь азы еиԥылараны иҟоуп.

АҞӘА, цәыббра 27- Sputnik. Владимир Путини Таип Ердогани Шьамтәыла аҭагылазаашьа иалацәажәараны иҟоуп,  атеррористцәа макьаназ иахьыҟоу Идлибгьы алаҵаны, ҳәа иҳәеит Урыстәыла ахада ипресс-маӡаныҟәгаҩ Дмитри Песков ателеканал "Россия 1" аефир аҿы Владимир Соловев ипрограмма "Москва.Кремль.Путин" аҟны.

"Ҩ-тәылак рхадацәа аполитикатә мчхара аарԥшны аилацәажәарақәа мҩаԥыргоит еиуиеԥшым азҵаарақәа  рганахь ала. Излацәажәараны иҟоу ҭыԥқәак рҿы макьанагьы атеррористә активра ыҟоуп. Уи Шьамтәыла аҭышәныртәалара апроцесс иаԥырхагоуп. Уи зегьы амшхәаԥштә азҵаара ианыԥшышт", - иҳәеит Песков.

Урыстәыла ахада ипресс-маӡаныҟәгаҩ Дмитри Песков инаҵшьны иазгәеиҭеит Владимир Путини Таип Ердогани аизыҟазаашьа бзиақәа рымоуп ҳәа.

Уаанӡа Шьамтәыла ААР анапхгаҩы Феисал Микдад РИА Новости иазеиҭеиҳәахьан Шьамтәыла анапхгара рҵакыраҟынтә Ҭырқәтәыла ар алгазарц адҵа шыҟарҵо.

Шьамтәылаҟа ООН ахаҭарнак ҷыда Геир Педерсен нанҳәамзазы  иазгәеиҭеит Шьамтәыла араионқәак рҿы аимак аҽеибарххара иаҿуп ҳәа, 2020 шықәса ааԥынра аахыс асеиԥш аҭагылазаашьа аҽеиҭанамкыцызт ҳәа.

4

Афон амшын дагеит Курскантәи аԥсшьаҩы

0
Ашәахьа цәыббра 27 рзы Аԥсны АҶА аҷаԥшьаратә хәҭахьы амашәыр ҟалеит ҳәа адырра ҟаҵан 15:17 рзы.

Курск ақалақь аҟны инхо Сергеи Белозеров 1981 шықәсазы ииз  Афон амшын дагеит ашәахьа  цәыбрра 27 рзы, абри атәа аанацҳауеит Аԥсны АҶА апресс-маҵзура.

Аԥсны АҶА аҷаԥшьаратә хәҭахьы иҟалаз амашәыр азы адырра ҟалеит 15:17 рзы. Апресс-маҵзураҿы ишазгәарҭаз ала амашәыр зыхҟьаз ҭырҵаауеит.

Амҽыша АҶА иаарыцҳаит, Гагра амшын аҿы иԥсыбаҩ шырԥшааз 48 шықәса зхыҵуаз Тула ақалақь аҿы инхоз Александр Куницын.

Иара убас шәаԥхьар ҟалоит:

 

0