Биткоины и доллары

Абиткоин ахәԥса 51нызықь доллар ихалеит

9
(ирҿыцуп 16:40 06.09.2021)
2021 шықәса анҵәамҭанӡа абиткоин ахәԥса 75 000 доллар рҟынӡа ихалар ҟалоит ҳәа азыԥхьагәаҭарақәа ыҟоуп.

АҞӘА, цәыббра 6 - Sputnik. Абиткоин ахәԥса лаҵарамза 13 аахыс раԥхьаӡа акәны 51 000 доллар ихалеит ҳәа аанацҳауеит РИА Новости.

Акриптовалиутақәа рыла иахьыхәаахәҭуа абиржа Binance аҿы абиткоин асааҭ 0:12 азы 3% ихаланы 51 596 доллар артәеит, апортал CoinMarketCap, 20 биржа рҟны ахәԥсақәа ҭҵааны иазгәанаҭеит абиткоин 2,96% ихаланы 51 612 доллар шьақәнартәеит ҳәа.

Абиткоин лаҵарамзазы ахәԥса 57,5 нызқь доллар аҟынтәи 37,3 нызқь рҟынӡа илаҟәит. Аамҭақәак рышьҭахь абиткоин 38 000 доллар иазыхынҳәит, аха нас еиҭах алаҟәра иалагеит.

Абиткоин аҭоурыхтә рекорд – 64,85 000 доллар мшаԥымзазы иҟан.

9

Аексперт аштамм "мю" аҽеиҭакра ахәшьара алҭеит

3
(ирҿыцуп 15:07 27.09.2021)
Акоронавирустә инфекциа авариант "мю" раԥхьаӡа акәны ашәҟәы иҭагалан ажьырныҳәамзазы Колумбиа. Иара иахьазы иазгәаҭоуп 50 тәыла рҿы SARS-CoV2 ахкы ҳәа.

АҞӘА, цәыббра 27 - Sputnik. Акоронавирустә инфекциа авариант "мю" аштамм "дельта" иазаԥнагом ҳәа лҳәеит РИА Новости аинтервиу азҭаз  Џьорџь Меисон иуниверситет (ЕАА, Виргиниа) асистематә биологиа апрофессор, абиологиатә аҭҵаарадыррақәа  рдоктор, РАН амедико-генетикатә Центр агеномика алабараториа аусзуҩ  хада Анча Баранова.

Агәабзиарахьчараз адунеизегьтә еиҿкаара иазгәанаҭоит аштамм "мю"  аиммунттә ҭак аҽацәхьакра иадҳәалоу аҟазшьақәа амоуп ҳәа.

Авирус ари авариант ыҟазар ҟалоит "дельта" ахьыҟам ма иахьмаҷу ҳәа лҳәоит Баранова.

"Уаанӡа уаҩ дахьычмазаҩымхацыз анклавқәа ахьыҟоу инеир алшоит  авариант "мю". Иаҳҳәап  Москва "мю" аԥыжәара змоу  штаммны изыҟалом, избанзар ара "дельта" ыҟоуп", - лҳәеит аексперт.

Алаҵәара аамҭала аҵарауаа  "дельта"  "мю"  иаҿдырԥшӡом, избанзар авирусқәа ҩба аамҭак ала изеицлабуам ҳәа лҳәоит аҵарауаҩ.

3
Поездка президента РФ В. Путина в Берлин для участия в Международной конференции по Ливии

Ердогани Путини реиԥылараан излацәажәаша атемақәа азгәаҭоуп

4
(ирҿыцуп 12:24 27.09.2021)
Урыстәылеи Ҭырқәтәылеи рхадацәа Владимир Путини Типа Ердогани иааиуа амчыбжь азы еиԥылараны иҟоуп.

АҞӘА, цәыббра 27- Sputnik. Владимир Путини Таип Ердогани Шьамтәыла аҭагылазаашьа иалацәажәараны иҟоуп,  атеррористцәа макьаназ иахьыҟоу Идлибгьы алаҵаны, ҳәа иҳәеит Урыстәыла ахада ипресс-маӡаныҟәгаҩ Дмитри Песков ателеканал "Россия 1" аефир аҿы Владимир Соловев ипрограмма "Москва.Кремль.Путин" аҟны.

"Ҩ-тәылак рхадацәа аполитикатә мчхара аарԥшны аилацәажәарақәа мҩаԥыргоит еиуиеԥшым азҵаарақәа  рганахь ала. Излацәажәараны иҟоу ҭыԥқәак рҿы макьанагьы атеррористә активра ыҟоуп. Уи Шьамтәыла аҭышәныртәалара апроцесс иаԥырхагоуп. Уи зегьы амшхәаԥштә азҵаара ианыԥшышт", - иҳәеит Песков.

Урыстәыла ахада ипресс-маӡаныҟәгаҩ Дмитри Песков инаҵшьны иазгәеиҭеит Владимир Путини Таип Ердогани аизыҟазаашьа бзиақәа рымоуп ҳәа.

Уаанӡа Шьамтәыла ААР анапхгаҩы Феисал Микдад РИА Новости иазеиҭеиҳәахьан Шьамтәыла анапхгара рҵакыраҟынтә Ҭырқәтәыла ар алгазарц адҵа шыҟарҵо.

Шьамтәылаҟа ООН ахаҭарнак ҷыда Геир Педерсен нанҳәамзазы  иазгәеиҭеит Шьамтәыла араионқәак рҿы аимак аҽеибарххара иаҿуп ҳәа, 2020 шықәса ааԥынра аахыс асеиԥш аҭагылазаашьа аҽеиҭанамкыцызт ҳәа.

4

Очамчыра араион ахәҭак лашарада иаанхоит аҩаша цәыббра 28 рзы

3
(ирҿыцуп 19:55 27.09.2021)
Астанциа маҷқәа "Очамчыра-2", "Мықә", "Кәачара" дырцәоит аҩаша цәыббра 28 рзы.

АҞӘА, цәыббра 27 – Sputnik. Очамчыра араион ахәҭак лашарада иаанхоит асааҭ 10:00 инаркны 16:00 рҟынӡа цәыббра 28 рзы. Абри атәы аанацҳауеит "Амшынеиқәафымцамч" апресс-маҵзура.

Ари аамҭазы ирцәахоит астанциа маҷқәа "Очамчыра-2", "Мықә", "Кәачара".

Астанҵиа маҷқәа рырцәара иахҟьаны лашарада иаанхоит:

  • "Кәачара" - ақыҭақәа Ӷәада, Џьгьарда, Кәтол
  • "Мықә" - ақыҭақәа Ҷлоу, Ҭхьына, Маркәыла, Отап, Џьал
  • "Очамчыра-2" - Очамчыра ақалақь ахәҭа.

Аенергетикцәа ражәақәа рыла, аиҭашьақәыргыларатә усурақәа мҩаԥыргоит.

 

 

3