Судно на шельфе Балтийского моря по газопроводу Северный поток 2

"Северный поток 2" ашықәс нҵәаанӡа аусура иалагар алшоит

11
"Северный поток – 2" Урыстәылантәи Германиаҟа инаргоит Балтикатәи амшын аҵала. Иара ацәаҳәақәа ҩба рымчра шықәсык аҩныҵҟала 55 миллиард кубометр агаз бжьнагоит.

АҞӘА, цәыббра 6 - Sputnik. Агазмҩангага "Северный поток – 2" аҩбатәи ацәаҳәа аҵыхәтәантәи атруба шьҭаҵаны анемецтәи даниатәи аҟәшақәа  анеидырҵалак ашьҭахь аушьҭратә усурақәа ирылагоит. Агазмҩангага ахархәарахь анашьҭразы аусурақәа 2021 шықәса нҵәаанӡа ихыркәшахоит ҳәа иҳәеит апроект аоператор - аилахәыра Nord Stream 2 AG , абри атәы аанацҳауеит РИА Новости.

"Цәыббра фба азы атрубақәа шьҭазҵо абаржа "Фортуна" аҟазауаа аҩбатәи ацәаҳәа аҵыхәтәантәи атрубақәа еидырчаԥалеит. Атруба 200 858 ҳәа аномер аманы Балтикатәи амшын германиатәи аӡқәа рыҵаҿ ишьҭарҵеит" ҳәа аҳәоит аилахәыра адырраҭараҿы.

"Анаҩстәи шьаҿаны иҟалоит агазмҩангага Германиатәии Даниатәии асекциақәа реибыҭара. Абри ашьҭахь аушьҭратә усурақәа ирылагоит ашықәс нҵәаанӡа агазмҩангага ахархәарахь анашьҭразы", - ҳәа рҳәоит Nord Stream 2 AG аҿы.

Аилахәыраҿ иазгәарҭоит "Северный поток 2" ЕЕ аенергетикатә џьармыкьа аҭахрақәа шынанагӡо аԥсабаратә газ амазааразы.

"Агазмҩангага "Северный поток – 2" атрубақәа рышьҭаҵара аус хыркәшоуп", - ҳәа рҳәеит "Газпром" Telegram-канал аҟны.

"Северный поток 2" иазыԥхьагәанаҭоит ҩ-цәаҳәак рышьҭаҵара. "Северный поток – 2" Урыстәылантәи Германиаҟа инаргоит Балтикатәи амшын аҵала. Иара ацәаҳәақәа ҩба рымчра шықәсык аҩныҵҟала 55 миллиард кубометр агаз бжьнагоит. Апроект мҩаԥнагоит Nord Stream 2 AG, акционерс иҟоуп - "Газпром". Афинанстә лахәылацәас иҟоуп европатәи аилахәырақәа: Royal Dutch Shell, OMV, Engie, Uniper и Wintershall.

Апроект иаҿагылоит ЕАА, Украина, европатәи тәылақәак. 2019 шықәсазы Аштатқәа агазмҩангага аганахь ала асанкциақәа аларгалеит. Уи иахҟьаны швеицариатәи Allseas аусурақәа ааннакылеит.

Актәи ацәаҳәа хыркәшан 2021 шықәса рашәарамзазы.

11

Аҳақьым COVID-19 ашьҭахь аимҳәачымазара ахьанҭара далацәажәеит

10
(ирҿыцуп 13:38 17.09.2021)
COVID-19 егьырҭ авирустә чымазарақәа рыхгара анырра шанаҭо атәы далацәажәеит радио Sputnik аҿы атерапевт Ирина Иарцева.

АҞӘА, цәыббра 17 - Sputnik. Акоронавирустә инфекциа ауаҩытәыҩса еиуеиԥшым ицәеижь ахәҭақәа анырра рнаҭоит. COVID-19 зхызгаз ауаҩы дыԥсыҽуп, дычмазаҩхаанӡа аасҭа, иднагало егьырҭ ачымазарақәагьы еиҳа илаҽуеит, ҳәа лҳәоит аиммунолог Иарцева арадио Sputnik аҿы.

Убри аан макьана ишьаҭауркыша адыррақәа ҳамам COVID-19 зхызгаз егьырҭ аҿкчымазарақәа еиҳа ихьанҭаны ихигоит ҳәа.
Аҳақьым лажәақәа рыла коронавирустә инфекциа ашьҭахь зҭыԥ аҿы имааиц ауаа, зрыԥҳақәа ааха рымаз рчымазара ҿыц еиҳа ирзыхьанҭахоит.

"Арыԥҳақәа ааха ӷәӷәа рымазар, аҽа чымазарак ахгарагьы уадаҩхоит. Ауаҩы иҽышьақәиргылаанӡа аҽа чымазарак, иаҳҳәап аимҳәа шьҭикаар акыр ицәыуадаҩхоит ахгара» ҳәа лҳәеит Иарцева.

COVID-19 ашьҭахь аамҭа цацыԥхьаӡа аиммунитет аҽарӷәӷәоит лҳәеит лара.

"Акоронавирус, егьырҭ авирусқәа зегь реиԥш аиммуннтә система анырра анаҭоит. Аха нас уи шьақәгылоит. Акоронавирус зхызгаз, иаиааиз ииммунтә система еиҳагьы аҽарӷәӷәоит", - ҳәа лҳәеит аҳақьым.
Ахыхьчаразы акоронавирустә инфекциеи аимҳәеи зхызгаз алаҵа ҟарҵар бзиоуп ҳәа азгәалҭеит атерапевт.

Иара убас шәаԥхьар ҟалоит:

10

Путин 2022 шықәсазы Пекин имҩаԥысраны иҟоу Аолимпиатә хәмаррақәа дырҭаауеит

8
(ирҿыцуп 11:50 17.09.2021)
Ҩажәиԥшьбатәи аӡынтәи Аолимпиатә хәмаррақәа 2022 шықәсазы Пекин имҩаԥгахоит жәабран 4-20 рзы.

АҞӘА, цәыббра 17 - Sputnik. Урыстәыла ахада Владимир Путин КЖәР ахада Си Цзиньпин инаԥхьара идикылеит 2022 шықәсазы Пекин имҩаԥысраны иҟоу Аолимпиатә хәмаррақәа дырҭаарц азы. Абри атәы аҩуеит РИА Новости Адәныҟатәи аусқәа рминистр Сергеи Лавров иажәақәа шьаҭас иҟаҵаны.

"Ҭелла реицәажәараан Урыстәыла ахада Владимир Путин КЖәР ахада Си Цзиньпин инаԥхьара идикылеит 2022 шықәсазы Пекин имҩаԥысраны иҟоу Аолимпиатә хәмаррақәа дырҭаарц азы. Ҳақәгәыӷуеит китаитәии урыстәылатәии аспортсменцәа даҽазныкгьы аспорттә қәҿиара дуқәа аадырԥшып ҳәа", - иҳәеит Лавров Китаи Адәныҟатәи аусқәа рминистр Ван И Душанбе даниԥылоз.

Ԥхынгәы 31 2015 шықәсазы Жәларбжьаратәи Аолимпиатә еилакы Куала-Лумпуратәи асессиаҿы аӡбара аданкылеит Аолимпиатә хәмаррақәа Пекин имҩаԥгахарц.

Иара убас шәаԥхьар ҟалоит:

8
Cоревнования по парашютному спорту открылись в Абхазии

Аԥсны иаатит апарашиуттә спорт азы аицлабрақәа

13
(ирҿыцуп 20:30 18.09.2021)
Апарашиуттә спорт азы Асовет Еидгыла аветеранцәеи, аибашьратә хҭысқәа рветеранцәеи, Урыстәыла аҳаиртә парашиутистцәеи рыбжьара ҩажәи хԥантәуп аицлабрақәа мҩаԥысуеижьҭеи.

АҞӘА, цәыббра 18 - Sputnik, Наала Гәымԥҳа. Бабышьра аҳаир баӷәазаҿ асабша цәыббра 18 рзы иаатыит жәларбжьаратәи апарашиуттә спорт азы аицлабрақәа.

Аицлабра иалахәыз гхада зықьметра ажәҩан аҟынтәи адгьыл аҟны ииашаны итәар акәын.

© Sputnik / Томас Тхайцук
Аԥсны иаатит апарашиуттә спорт азы аицлабрақәа
"Иахьатәи аицлабрақәа ирылаҳәуп 50-ҩык инарзынаԥшуа Урыстәыла, Белоруссиа, Казахстан рҟынтәи апарашутистцәа.  Молдавиантә асасцәа ҳарзыԥшын, аха апандемиа иахҟьаны изымааит", - иҳәеит аӡбаҩ хада Анатоли Сырныч.

Цәыббра 21 рзы Аҟәа ақалақь Аиааира ашҭаҿ имҩаԥгахоит ачемпионат ахыркәшара.

"Афинал аҟны иқәгылоит зегь иреиӷьхо апарашиутистцәа. Зынӡа х-хәҭакны еихшахоит. Амшқәа бзиахар аԥара азгәаҭоуп Тҟәарчал", - ҳәа азгәеиҭеит аӡбаҩ хада.

Сынтәа ари аицлабра раԥхьаӡа акәны рхы аладырхәуеит Аԥсны еиҿкаау акоманда, уи ӡырнагоит ҩышықәса раԥхьа еиҿкааз аекстремалтә клуб "Skycom”

"Хәҩык рыла ишьақәгылоу Аԥснытәи акоманда еиҿаҳкааит сынтәа раԥхьаӡакәны", - ҳәа азгәеиҭоит аклуб анапхгаҩы Адреи Орлов.
Аԥснытәи акоманда акапитан Светлана Илина илҳәеит, ачемпионат аҟны Аԥсны раԥхьаӡакәны ишалахәхо, убри аҟнытә рҭакԥхықәрагь шыҳараку. Аспортсменцәа рақәзар ирылшо зегь шыҟарҵо алҵшәа бзиақәа аарԥшразы.

© Sputnik / Томас Тхайцук
Аԥсны иаатит апарашиуттә спорт азы аицлабрақәа

Аицлабыҩцәа рыбжьара раԥхьатәи алҵшәа бзиа аалырԥшит "Сибирь" акоманда алахәыла Елена Тарасова.
"Сара 1985 шықәса раахыс апарашиуттә спорт сҽазыҟасҵоит. Аԥсныҟа есышықәса саауеит, аицлабрақәа зегьы срылахәуп. Иахьа амш бзиа иаҳнаҭеит алшара ҳхы бзианы аарԥшра", -ҳәа лҳәоит лара.

Аицлабра актәи амш азы акомандақәа зегьы хәынтә-хәынтә зықьметра иԥароуп.

13