Москва Зиничев аҵыхәтәантәи имҩа дықәырҵоит

9
(ирҿыцуп 12:18 10.09.2021)
Урыстәыла ахада Владимир Путин Аҭагылазаашьа ҷыдақәа рминистр Евгени Зиничев данҭаха ашьҭахь Урыстәыла Афырхаҵа ҳәа ахьӡ ихиҵеит. Евгени Зиничев 55 шықәса ихыҵуан. Аҭагылазаашьа ҷыдақәа рминистрс дҟаҵан 2018 шықәсазы.

АҞӘА, цәыббра 10 - Sputnik. Москва Аҭагылазаашьа ҷыдақәа рминистр Евгени Зиничев аҵыхәтәантәи имҩа дықәырҵоит Аминистрра акризистә ҭагылазаашьақәа рмилаҭтә центр Анапхгараҭара ахыбраҿы, Ватутин ихьӡ зху амҩаҿы, ҳәа аанацҳауеит РИА Новости.

Зиничев иԥсыбаҩ зҭоу аҭоубыҭ аҿаԥхьа аҟарул гылоуп. Абырфынхч-хәыҷқәа ирнуп хыԥхьаӡара рацәала аҳәынҭқарратәии аусбарҭатәии аҳамҭақәа.

Евгени Зиничев абзиараз ҳәа иаҳәараз арахь иааит ауаа рацәа.

Зиничев дҭахеит Красноиарсктәи атәылаҿацә аҿы акинорежиссиор Александр Мельник еиқәырхараан. Мельник АҶА аҽазыҟаҵарақәа ахьымҩаԥысуаз днеит афильм ҿыц аҭыхразы. Иаргьы дҭахеит. Евгени Зиничев 55 шықәса ихыҵуан. Аҭагылазаашьа ҷыдақәа рминистрс дҟаҵан 2018 шықәсазы. Урыстәыла ахада Владимир Путин Аҭагылазаашьа ҷыдақәа рминистр Евгени Зиничев данҭаха ашьҭахь Урыстәыла Афырхаҵа ҳәа ахьӡ ихиҵеит.

Аслан Бжьаниа иазгәеиҭеит гәалсра дула ишидикылаз Зиничев иҭахара. Адашшыларақәа ҟарҵеит: Урыстәыла аҳәынҭқарратә усзуҩцәа, анапхгара, аҭҵаарадырратәи ауаажәларратәи еилазаарақәа рхаҭарнакцәа, абизнес-еилазаара, аҳәаанырцәтә дипмиссиақәа, адинтә конфессиақәа.

Иара убас шәаԥхьар ҟалоит:

 

9

Ачемпионат ConIFA Африка Занзибар имҩаԥгахоит

1
(ирҿыцуп 14:14 23.09.2021)
Ихьыԥшым ашьапылампылтә командақәа р-Конфедерациа еиҿкаан 2013 шықәсазы. ConIFA еиднакылоит FIFA иалам акомандақәа, зынӡа – 25 команда.

АҞӘА, цәыббра 23 - Sputnik. ConIFA Africa аҳәаақәа ирҭагӡаны ашьапылампыл ачемпионат абҵара 13- 25 рзы Занзибар имҩаԥысраны иҟоуп, ҳәа аанацҳауеит аиҿкаара Twitter аҿтәи адаҟьаҿы.

Ихьыԥшым ашьапылампылтә командақәа р-Конфедерациа еиҿкаан 2013 шықәсазы. ConIFA еиднакылоит FIFA иалам 25 команда. Аамҭақәак раԥхьа аҽа хырхарҭакгьы аусура иалагеит – Африкатәи аконтинент аҿы ачемпионат амҩаԥгара.

Уаанӡа аԥхынразы ачемпионат азыԥхьагәаҭан аха акоронавирус иахырҟьаны аамҭа еиҭакын.

Рашәарамзазы ашьапылампыл азы Европа ачемпионат ConIFA-2021, Франциатәи ақалақь Ницца имҩаԥысраны иҟаз ахыган атурнир, аепидемиологиатә ҭагылазаашьа Франциа иахьыуадаҩуи анапхгара ауснагӡатә ашәарҭадара иахьзадымгылои азы. Ашьапылампыл азы Аԥсны еизгоу акоманда ConIFA-2021 Европа ачемпионат иалахәхараны иҟан.

2016 шықәсазы ашьапылампыл азы Европа ачемпионат ConIFA Аԥсны имҩаԥысуан. Аԥснытәи акоманда аиааира агеит.

1

Путин Перм ауаа иреихсуаз даанызкылаз аполициа аусзуҩцәа аҳамҭа ранеишьеит

2
Цәыббра 20 азы Пермтәи амилаҭтә ҭҵаарадырратә университет аҵакыраҿы астудент аҵаратә корпус аҿы ахысра далагеит. Ф-ҩык ҭахеит 42-ҩык аахақәа роуеит.

АҞӘА, цәыббра 23 - Sputnik. Урыстәыла ахада Владимир Путин Агәымшәараз амедал ианеишьеит Перм ауаа ҭазырхаз ауаҩы даанызкылаз аполициа аусзуҩ, аполициа алеитенант еиҵбы Константин Калинин ҳәа аанацҳауеит РИА Новости.

Алеитенант еиҳабы Владимир Макаров ианашьоуп амедал "Ауаажәларратә еиҿкаара ахьчараҿы аҽалкааразы". Макаров ауаа аҵараиурҭа ахыбра рдәылгара еиҿикааит.

Ахада иусдҵа атекст аҿы иарбоуп арҭ рҩыџьагьы фырхаҵарыла рхы мҩаԥыргеит ҳәа.

Урыстәыла ААР ахада Владимир Колокольцев Калинин изаамҭанытәиу ачын " аполициа алеитенант " ииҭеит,  Макаров — "аполициа акапитан ".

Цәыббра 20 азы Пермтәи амилаҭтә ҭҵаарадырратә университет аҵакыраҿы ауниверситет астудент аҵаратә корпус аҿы ахысра далагеит. Ф-ҩык ҭахеит 42-ҩык аахақәа роуит.

Аусбарҭа адыррақәа рыла, ахҭыс ахьыҟалаз раԥхьа инеиз иреиуоуп  аполициа алеитенант аиҳабы Владимир Макарови аполициа алеитенант еиҵбы Константин Калинини. Макаров аҭыԥ аҟынтәи ауаа рықәгара далагеит, Калинин аҵараиурҭахь дыҩналеит. Уа дибеит абџьар зкыз ауаҩы. Аиҿахысра ашьҭахь ацәгьоуҩы дихәит, анаҩс иабџьар ихихит, раԥхьатәи ацхыраарагьы изыҟаиҵеит.

Анаҩс ахәшәтәырҭахь днаргеит. Ашьаус абри ахҭыс аганахь ала ихацыркуп. Ацәгьоуҩы аашықәса инаркны ҩажәашықәсанӡа иқәырҵар ҟалоит мамзаргьы иԥсы ахьынӡаҭоу ҭакрала ахыгара иқәырҵар ҟалоит.

2