Аналитикцәа еилыркаауан Instagram аҿы аӡыргара шаҟа иаԥсоу

9
(ирҿыцуп 12:34 13.09.2021)
2021 шықәса ԥхынгәымзатәи есыҽнтәи Instagram аудиториа Mediascope адыррақәа рыла 28,6 миллионҩык иреиҳан.

АҞӘА, цәыббра 13 - Sputnik. Аилахәыра Yoloco, асоциалтә ҳақәа рҿы аккаунтқәа ранализ ҟазҵо, иԥсабаратәым аинтеллект ала Instagram урыстәылатәи асигмент аҿы аӡыргара абжьаратә ахәԥса шьақәнаргылеит. Абри атәы аанацҳауеит РБК.

Yoloco аналитикцәа 3,5 нызқьҩык аблогерцәа ҭырҵааит. Аменеџьерцәеи аблогертә маҵзурақәеи  иразҵааит, Telegram-каналқәа рҿы иаартыз адыррақәа рыԥшааит.

Аблогерцәа еихшан ф-гәыԥкны заҟаҩ анапаҵаҩцәа рымоу иадҳәаланы:

  • нано (10-50 000-ҩык анапаҵаҩцәа),
  • микро (50-100 000-ҩык),
  • мини (100-500 000-ҩык),
  • абжьаратәқәа (500 нызқьҩык - миллионҩык),
  • адуқәа (1-2 миллион-ҩык),
  • атоп-блогерцәа (2 миллион-ҩык инреиҳаны).

Убас, аналитикцәа ишырҳәо ала аблогерцәа-ахацәа бжьаратәла аҳәса раасҭа аԥара дырҳауеит.

Еиҳаны аԥара роуеит актерцәа, апродиусерцәа, ашоуменцәа. Ҩ-миллионҩык иреиҳаны анапаҵаҩцәа змоу аблогерцәа  рӡыргарак 200 000 мааҭ иаԥсоуп.

Акатегориа "Личный блог про жизнь" аҟны ахәԥса  173 нызқь мааҭ аҟынтә ихалоит, акатегориа "Семья и дети" аҿы - 162 нызқьмааҭ аҟынтә.

Еиҳа имаҷны ироуеит амаҭәеи амодеи ртемала аккаунт змоу - 87 нызқь мааҭ.

9

Ачемпионат ConIFA Африка Занзибар имҩаԥгахоит

6
(ирҿыцуп 14:25 23.09.2021)
Ихьыԥшым ашьапылампылтә командақәа р-Конфедерациа еиҿкаан 2013 шықәсазы. ConIFA еиднакылоит FIFA иалам 25 команда.

АҞӘА, цәыббра 23 - Sputnik. ConIFA Africa аҳәаақәа ирҭагӡаны ашьапылампыл ачемпионат абҵара 13- 25 рзы Занзибар имҩаԥысраны иҟоуп, ҳәа аанацҳауеит аиҿкаара Twitter аҿтәи адаҟьаҿы.

Ихьыԥшым ашьапылампылтә командақәа р-Конфедерациа еиҿкаан 2013 шықәсазы. ConIFA еиднакылоит FIFA иалам 25 команда. Аамҭақәак раԥхьа аҽа хырхарҭакгьы аусура иалагеит – Африкатәи аконтинент аҿы ачемпионат амҩаԥгара.

Уаанӡа аԥхынразы ачемпионат азыԥхьагәаҭан аха акоронавирус иахырҟьаны аамҭа еиҭакын.

Рашәарамзазы ашьапылампыл азы Европа ачемпионат ConIFA-2021, Франциатәи ақалақь Ницца имҩаԥысраны иҟаз ахыган атурнир, аепидемиологиатә ҭагылазаашьа Франциа иахьыуадаҩуи анапхгара ауснагӡатә ашәарҭадара иахьзадымгылои азы. Ашьапылампыл азы Аԥсны еизгоу акоманда ConIFA-2021 Европа ачемпионат иалахәхараны иҟан.

2016 шықәсазы ашьапылампыл азы Европа ачемпионат ConIFA Аԥсны имҩаԥысуан. Аԥснытәи акоманда аиааира агеит.

6

Путин Перм ауаа иреихсуаз даанызкылаз аполициа аусзуҩцәа аҳамҭа ранеишьеит

2
(ирҿыцуп 14:33 23.09.2021)
Цәыббра 20 азы Пермтәи амилаҭтә ҭҵаарадырратә университет аҵакыраҿы астудент аҵаратә корпус аҿы ахысра далагеит. Ф-ҩык ҭахеит 42-ҩык аахақәа роуеит.

АҞӘА, цәыббра 23 - Sputnik. Урыстәыла ахада Владимир Путин Агәымшәараз амедал ианеишьеит Перм ауаа ҭазырхаз ауаҩы даанызкылаз аполициа аусзуҩ, аполициа алеитенант еиҵбы Константин Калинин ҳәа аанацҳауеит РИА Новости.

Алеитенант еиҳабы Владимир Макаров ианашьоуп амедал "Ауаажәларратә еиҿкаара ахьчараҿы аҽалкааразы". Макаров ауаа аҵараиурҭа ахыбра рдәылгара еиҿикааит.

Ахада иусдҵа атекст аҿы иарбоуп арҭ рҩыџьагьы фырхаҵарыла рхы мҩаԥыргеит ҳәа.

Урыстәыла ААР ахада Владимир Колокольцев Калинин изаамҭанытәиу ачын " аполициа алеитенант " ииҭеит,  Макаров — "аполициа акапитан ".

Цәыббра 20 азы Пермтәи амилаҭтә ҭҵаарадырратә университет аҵакыраҿы ауниверситет астудент аҵаратә корпус аҿы ахысра далагеит. Ф-ҩык ҭахеит 42-ҩык аахақәа роуит.

Аусбарҭа адыррақәа рыла, ахҭыс ахьыҟалаз раԥхьа инеиз иреиуоуп  аполициа алеитенант аиҳабы Владимир Макарови аполициа алеитенант еиҵбы Константин Калинини. Макаров аҭыԥ аҟынтәи ауаа рықәгара далагеит, Калинин аҵараиурҭахь дыҩналеит. Уа дибеит абџьар зкыз ауаҩы. Аиҿахысра ашьҭахь ацәгьоуҩы дихәит, анаҩс иабџьар ихихит, раԥхьатәи ацхыраарагьы изыҟаиҵеит.

Анаҩс ахәшәтәырҭахь днаргеит. Ашьаус абри ахҭыс аганахь ала ихацыркуп. Ацәгьоуҩы аашықәса инаркны ҩажәашықәсанӡа иқәырҵар ҟалоит мамзаргьы иԥсы ахьынӡаҭоу ҭакрала ахыгара иқәырҵар ҟалоит.

2