Москва Владимир Путини Башар Асади еиԥылеит

8
(ирҿыцуп 13:01 14.09.2021)
Урыстәылеи Шьамтәылеи рхадацәа реиҿцәажәара мҩаԥысит Кремль. Башар Асад Москваҟа дшаауаз заанаҵ ирылаҳәамызт.

АҞӘА, цәыббра 14 - Sputnik. Владимир Путини Башар Асади Москва еиԥылеит ҳәа аанацҳауеит РИА Новости.

Путин шьамтәылатәи иколлега идиныҳәалеит ааигәа иҟаз иира амш, дрылацәажәеит Шьамтәыла ахада иалхрақәа шымҩаԥысыз атәы.

Иазгәеиҭеит, алхрақәа рылҵшәақәа  ишаадырԥшуа ажәлар Асад иахь ирымоу агәрагара, уи ишиқәгәыӷуа.

Путин ахәшьара ду аиҭеит иколлега иоппонентцәеи иареи реицәажәаразы иҽазышәарақәа.

"Издыруеит абри ахырхарҭала аусура ду шымҩаԥыжәго. Агәыӷра ду сымоуп уи аус амҩақәҵашьа бзиа аиуп ҳәа. Шьамтәыла иҟоу амчрақәа зегьы реидгылароуп шәшьапы шәықәзыргыло, ԥхьаҟагьы амҩа шәықәызҵо", - ҳәа иҳәеит Урыстәыла ахада.

Атәыла аконсолидациа иаԥырхаганы иара ишьоит аҳәаанырцәтәи арратә мчқәа уа рыҟазаара.

"Сара ишызбо ала иуадаҩра хаданы иҟоу ООН азин ада, шәара шәсанкциақәа рыда аҳәаанырцәтәи арбџьармчқәа шәтәылаҿ рыҟазаароуп. Ари жәларбжьаратәи азингьы иаҿагылоит. Шәаргьы алшара шәнаҭом шәҽеидкыларазы", - ҳәа иҳәеит Путин.

Асад Дамаск аганахьала аԥкрақәа иашамкәаны дрыхәаԥшуеит.

"Ҳәынҭқаррақәак ашьам жәлар асанкциақәа рыдҟарҵалеит. Уи ауаҩытәыҩсара иаҿагылоит. Азиншьаҭагьы рымам. Ус шакәугьы абри аҩыза ахҭысқәа аҭыԥ рымоуп", - иҳәеит Асад.

Атеррористцәа рыҟазаара апроблема

Путин иара убасгьы иазгәеиҭеит атәылаҿ атеррористцәа шеиқәымтәац.

"Угәы унархьуеит атеррористцәа рганахь ала аҭынчра ахьыҟам. Иҟоуп аҭыԥқәа рнапаҿы иҟоу, ауаа атеррор иахьаҵадыркуа. Убри аан ахҵәацәа хыԥхьаӡара рацәала рынхарҭа тыԥқәа ирзыхынҳәуеит. Уи сылала избаз ауп. Ауаа аҭынч ԥсҭазаара аиҭашьақәыргылара рҽазыршәоит", - ҳәа иҳәеит Путин.

Асад дақәшаҳаҭхеит аҩ-ҳәынҭқаррак рымч ала атеррористцәа риааира шрылшаз.

"Урыстәылатәии Шьамтәылатәии ар иаанкылоу аҵакырақәа рых рақәиҭтәра адагьы ахҵәацәа рыхынҳәраз иаарылшо ҟарҵоит. Уи аус аҿы ақәҿиарақәагьы ҳамоуп", - ҳәа иҳәеит иара.

COVID-19аҿагылара

Урыстәыла ахада далацәажәеит акоронавирустә инфекциа аҟынтәи алаҵақәа "Спутник V", "Спутник Лайт" Арабтәи Ареспубликахь ишынарышьҭуа.

"Адунеи ауаа зегьы рҿаԥхьа ицәырҵыз ауадаҩрақәа рыӡбара ҳҽазаҳшәоит. "Спутник V", "Спутник Лайт" Шьамтәылаҟа инашьҭуп", - иҳәеит Путин.

8

Ачемпионат ConIFA Африка Занзибар имҩаԥгахоит

4
(ирҿыцуп 14:25 23.09.2021)
Ихьыԥшым ашьапылампылтә командақәа р-Конфедерациа еиҿкаан 2013 шықәсазы. ConIFA еиднакылоит FIFA иалам 25 команда.

АҞӘА, цәыббра 23 - Sputnik. ConIFA Africa аҳәаақәа ирҭагӡаны ашьапылампыл ачемпионат абҵара 13- 25 рзы Занзибар имҩаԥысраны иҟоуп, ҳәа аанацҳауеит аиҿкаара Twitter аҿтәи адаҟьаҿы.

Ихьыԥшым ашьапылампылтә командақәа р-Конфедерациа еиҿкаан 2013 шықәсазы. ConIFA еиднакылоит FIFA иалам 25 команда. Аамҭақәак раԥхьа аҽа хырхарҭакгьы аусура иалагеит – Африкатәи аконтинент аҿы ачемпионат амҩаԥгара.

Уаанӡа аԥхынразы ачемпионат азыԥхьагәаҭан аха акоронавирус иахырҟьаны аамҭа еиҭакын.

Рашәарамзазы ашьапылампыл азы Европа ачемпионат ConIFA-2021, Франциатәи ақалақь Ницца имҩаԥысраны иҟаз ахыган атурнир, аепидемиологиатә ҭагылазаашьа Франциа иахьыуадаҩуи анапхгара ауснагӡатә ашәарҭадара иахьзадымгылои азы. Ашьапылампыл азы Аԥсны еизгоу акоманда ConIFA-2021 Европа ачемпионат иалахәхараны иҟан.

2016 шықәсазы ашьапылампыл азы Европа ачемпионат ConIFA Аԥсны имҩаԥысуан. Аԥснытәи акоманда аиааира агеит.

4

Путин Перм ауаа иреихсуаз даанызкылаз аполициа аусзуҩцәа аҳамҭа ранеишьеит

2
Цәыббра 20 азы Пермтәи амилаҭтә ҭҵаарадырратә университет аҵакыраҿы астудент аҵаратә корпус аҿы ахысра далагеит. Ф-ҩык ҭахеит 42-ҩык аахақәа роуеит.

АҞӘА, цәыббра 23 - Sputnik. Урыстәыла ахада Владимир Путин Агәымшәараз амедал ианеишьеит Перм ауаа ҭазырхаз ауаҩы даанызкылаз аполициа аусзуҩ, аполициа алеитенант еиҵбы Константин Калинин ҳәа аанацҳауеит РИА Новости.

Алеитенант еиҳабы Владимир Макаров ианашьоуп амедал "Ауаажәларратә еиҿкаара ахьчараҿы аҽалкааразы". Макаров ауаа аҵараиурҭа ахыбра рдәылгара еиҿикааит.

Ахада иусдҵа атекст аҿы иарбоуп арҭ рҩыџьагьы фырхаҵарыла рхы мҩаԥыргеит ҳәа.

Урыстәыла ААР ахада Владимир Колокольцев Калинин изаамҭанытәиу ачын " аполициа алеитенант " ииҭеит,  Макаров — "аполициа акапитан ".

Цәыббра 20 азы Пермтәи амилаҭтә ҭҵаарадырратә университет аҵакыраҿы ауниверситет астудент аҵаратә корпус аҿы ахысра далагеит. Ф-ҩык ҭахеит 42-ҩык аахақәа роуит.

Аусбарҭа адыррақәа рыла, ахҭыс ахьыҟалаз раԥхьа инеиз иреиуоуп  аполициа алеитенант аиҳабы Владимир Макарови аполициа алеитенант еиҵбы Константин Калинини. Макаров аҭыԥ аҟынтәи ауаа рықәгара далагеит, Калинин аҵараиурҭахь дыҩналеит. Уа дибеит абџьар зкыз ауаҩы. Аиҿахысра ашьҭахь ацәгьоуҩы дихәит, анаҩс иабџьар ихихит, раԥхьатәи ацхыраарагьы изыҟаиҵеит.

Анаҩс ахәшәтәырҭахь днаргеит. Ашьаус абри ахҭыс аганахь ала ихацыркуп. Ацәгьоуҩы аашықәса инаркны ҩажәашықәсанӡа иқәырҵар ҟалоит мамзаргьы иԥсы ахьынӡаҭоу ҭакрала ахыгара иқәырҵар ҟалоит.

2