"Формула-1" Гран-при ахь 200 тонна аидара ааргахьеит

16
(ирҿыцуп 16:53 14.09.2021)
Урыстәыла "Формула-1" Гран-при имҩаԥысуеит Шәача, цәыббра 23 инаркны цәыббра 26 нӡа. Раԥхьатәи европантәи аидарақәа аара иалагахьеит.

АҞӘА, цәыббра 14 - Sputnik. Краснодартәи аҳазалхыҩцәа мышқәак рыла Польшеи Австриеи рҟынтәи 200 тонна рҟынӡа аидара ашәҟәы иҭаргалеит. Абри атәы аанацҳауеит Краснодартәи аҳазалхырҭа Шәачатәи апресс-маҵзура.

"Сынтәа атранспорттә хархәагақәа есыҽны иаауиет. Аҳазалхырҭатә ҭыԥ арежим ццак ала аус ауеит. Иахәҭоу аҳазалхратә операциақәа зегьы аамҭа кьаҿла имҩаԥыргоит", - ҳәа аҳәоит адырраҭараҿы.

Иахьазы аҳазалхратә операциақәа рхысразы 43 рзаҳал аус рыдулоуп. Арахь иаҵанакуеит еибырҭо-еимырхуа апавильонқәа, архьшәашәагатә хархәагақәа, аболидқәа рзы ахәҭақәа.

Иара убасгьы аҳазалхартә гәаҭара иахыжьуп аиԥхныҩлага машьынақәа ремонт аҟаҵагақәа, абылтәы, аматортә хәша. Ари амчыбжь азы аҽа жәа-машьынак аараны иҟоуп "Формула - 1" азы.

Цәыббра 15 инаркны аҳаирла Британиа дуи Италиеи рҟынтәи аидарақәа аарышьҭуа иалагоит. Зынӡа ирзыԥшуп аидарамҩангага ҳаирпланқәа жәба. Аҳаиреидара акапан зынӡа 700 тонн рҟынӡа инаӡоит.

Цәыббра 20 ашьҭахь иазыԥхьагәаҭоуп ахәаԥшыҩцәа, "Формула - 1" аусуцәа, аспортсменцәа, Аинформациатә маҵзурақәа рхаҭарнакцәа рзы иҷыдоу аҳаирпланқәа раара.

16

Алхрақәа рылҵшәақәа рыла Аҳәынҭқарратә Думаҿ амандатқәа еихшоуп

9
(ирҿыцуп 16:28 24.09.2021)
Аҳәынҭқарратә Думахь абжьыҭара мҩаԥысуан цәыббра 17-19 рзы. Зыбжьы азҭаз рхыԥхьаӡара 51 процент ыҟан. Аамҭак ала имҩаԥган арегионалтәи амуниципалтәи алхрақәа.

АҞӘА, цәыббра 24 - Sputnik. Урыстәыла Алхратә комиссиа хада ахантәаҩы Елла Памфилова алаҳәара ҟалҵеит алхрақәа рылҵшәақәа рыла Аҳәынҭқарратә Думаҿ амандатқәа шеихшоу азы, абри атәы аанацҳауеит РИА Новости.

Апартиа "Иаку Урыстәыла" 324 мандат аиуит, КПРФ – 57, апартиа "Ииашоу Урыстәыла – аиашаразы" -27, ЛДПР – 21, "Иҿыцу ауаа-13", - ҳәа лҳәеит Памфилова.

Ҭыԥк-ҭыԥк роуит "Аԥсадгьыл", "Аграждантә платформа", "Партиа Роста".

Мандатк змоу алхырҭатә ҭыԥқәа рҿы зхала зхы ықәзыргылаз рҟынтәи иалхуп: Москва (аԥшаара-еиқәырхаратә отриад "Лиза Алерт" акоординатор Олег Леонов, ателемҩаԥгаҩы Анатоли Вассерман, актиор Дмитри Певцов), Адыгеиа (Владислав Резник), Ҟрым (Леонид Бабашов).

Аҳәынҭқарратә Думахь абжьыҭара мҩаԥысуан цәыббра 17-19 рзы. Зыбжьы азҭаз рхыԥхьаӡара 51%  ыҟан.

Алхрақәа ирылахәын Урыстәыла атәылауаҩра змоу 14,5 нызқь-ҩык Аԥсны ауааԥсыреи жәеизанызқь-ҩык Аахыҵ Уаԥстәыла ауааԥсыреи.

9

Амааҭ адунеи аҿы еиҳа ахархәара зырҭо авалиутақәа ирыҵанакуеит

6
Фышықәса раԥхьа Урыстәылатәи амааҭ адунеи аҿы еиҳа ахархәара зырҭо авалиутақәа 20 рхыԥхьаӡараҟны иҟан, аха 2015 шықәсазы аҭыԥ аннажьит.

АҞӘА, цәыббра 24- Sputnik. Амааҭ адунеи аҿы еиҳа ахархәара зырҭо авалиутақәа 20 ирыҵанакуеит аҵыхәтәантәи ҩымз рыҩныҵҟа жәларбжьаратәи ԥарашәараҿы 0,18% аманы. Абри атәы аанацҳауеит РИА Новости абанкбжьаратә ԥареиҭарсра асистема SWIFT адыррақәа шьаҭас иганы.

Ареитинг аҿы урыстәылатәи аԥара аҟазаара Урыстәыла Абанк азыԥҵәа иахьацлаз ауп ҳәа ишьоит НРА ареитингтә маҵзура адиректор Сергеи Гришунин.

"Атранзакциақәа carry trade рыла аԥара зырҳар зҭаху жәларбжьаратәи аԥареиҭарсыҩцәа рзы ишьақәтәоу амааҭ акраҵанакуаны иҟоуп. Амааҭ акаҳара иалагар, усеиԥш ҟалар алшоит аӡынразы, анефҭ ахә лаҟәуа иалагар, амааҭгьы ирҭаххо валиутахаӡом. Еиҭахгьы ахархәара зырҭо авалиуҭақәа 20 рыбжьара иалҵыр акәхоит". - ҳәа иҳәеит аексперт.

Аҩбатәи амзыз акәны иазгәеиҭеит, атәыла аиҳабыра аилахәаахәҭраан ахәԥсашәаратә валиутаны амааҭ ахархәара иахьалагаз.

Нанҳәамзазтәи арбагақәа рыла актәи аҭыԥ ннакылоит адоллар - 40,04%. Аҩбатәи аҭыԥ евро -37,95%. Ахԥатәи аҭыԥ фунт стерлинг - 5,72%.

Аԥхьатәиқәа хәба ирыҵанакит иапониатәи аиена -2,73%, китаитәи иуань - 2,15%.

6

Иҳаҩсыз уахыки-ҽнаки рыла 112-ҩык COVID-19 рыхьит, аӡәы лыԥсҭазаара далҵит Аԥсны

10
Аепидемиа ҟалеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 27265-ҩык рҟынӡа инаӡеит, ргәы бзиахеит 22318-ҩык ауааԥсыра, рыԥсҭазаара иалҵит 411-ҩык.

АҞӘА, цәыббра 24 – Sputnik. Иҳаҩсыз уахыки-ҽнаки рыла COVID-19 азы атестқәа арҭеит 536-ҩык Аԥсны ауааԥсыра, урҭ рахьтә 112-ҩык рцәа акоронавирус шалаз аадырԥшит.

Урыстәылатәи арратә госпиталь аҟны акоронавирус злаз 1960 шықәсазы ииз аԥҳәыс лыԥсҭазаара далҵит. 

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 45-ҩык, рҭагылазаашьа бааԥсуп фҩык, ибжьаратәуп - 28-ҩык. Аҟәатәи аинфекциатә хәшәтәырҭаҿы ирхәышәтәуеит акоронавирус зцәа иалоу 28-ҩык, урҭ рахьтә ааҩык апациентцәа рҭагылазаашьа уадаҩуп. Очамчыра ирхәышәтәуеит 9-ҩык, Гагратәи ахәышәтәырҭаҿы - 15-ҩык, урҭ рахьтә хҩык рҭагылазаашьа уадаҩуп. Тҟәарчалтәи ахәышәтәырҭаҿы - 8-ҩык апациентцәа. Аҟәа иҟоу амобилтә госпиталь аҿы - 66-ҩык апациентцәа, жәаҩык рҭагылазаашьа хьанҭоуп.

Аоперативтә штаб аҳәара ҟанаҵоит ауааԥсыра аҿкы рхы ацәырхьчаларц.

Акоронавирус иадҳәалоу ажәабжьқәа шәрыԥхьар ҟалоит абра>>

10
Атемақәа:
Аҿкычымазара – акоронавирус Аԥсни адунеи аҿи: иалкаау